پاکستان اور نیوزی لینڈ کے درمیان کراچی میں جاری دوسرے ٹیسٹ میچ کے دوسرے روز کھیل ختم ہونے پر پاکستان نے تین وکٹوں کے نقصان پر 154 رنز بنا لیے ہیں۔ پاکستان کو نیوزی لینڈ کی پہلی اننگز 449 تک پہنچنے کے لیے مزید 295 رنز درکار ہیں۔
کراچی ٹیسٹ کے دوسرے روز جب کھیل ختم ہوا تو امام الحق 74 جب کہ سعود شکیل 13 رنز پر ناٹ آؤٹ تھے۔
کپتان بابر اعظم 24 رنز بنا کر رن آؤٹ ہوئے جب کہ عبداللہ شفیق 19 اور شان مسعود 20 رنز بنا کر آؤٹ ہوئے۔
نیوزی لینڈ نے دوسرے روز کا کھیل چھ وکٹوں کے نقصان پر 306 رنز سے کیا تو کیویز بلے بازوں نے پاکستانی بالرز کو مشکل میں ڈالے رکھا۔
نیوزی لینڈ کی ساتویں وکٹ 309 رنز پر گری جب ایش سودھی 11 رنز بنا کر نسیم شاہ کی گیند پر بولڈ ہو گئے۔ ٹام بلنڈل 51 رنز بنا کر ابرار احمد کی گیند پر بولڈ ہوئے۔نیوزی لینڈ کا اسکور 345 رنز ہوا تو ٹم ساؤتھی بھی 10 رنز بنا کر آؤٹ ہو گئے۔
ایسے میں دکھائی دے رہا تھا کہ نیوزی لینڈ کی باری 350 رنز سے بھی کم میں سمٹ جائے گی۔ لیکن پھر اعجاز پٹیل اور میٹ ہنری نے نیوزی لینڈ کی اننگز کو آگے بڑھایا۔
Pakistan make good comeback as they claim five wickets in the final session.#WTC23 | #PAKvNZ | 📝 https://t.co/5TMMWQ0jQl pic.twitter.com/prrSMjxsKL
— ICC (@ICC) January 2, 2023
میٹ ہنری نے دو چھکوں اور چار چوکوں کی مدد سے نصف سینچری اسکور کی جب کہ اعجاز پٹیل نے بھی ان کا بھر پور ساتھ دیا۔
آخر کار جب کیویز کا اسکور 449 رنز ہوا تو اعجاز پٹیل ہمت ہار گئے اور ابرار احمد کی گیند پر آغا سلمان کو کیچ تھما بیٹھے۔
What a partnership! A defiant 88-run final-wicket stand between Matt Henry (56*) & Ajaz Patel (31*) gets us to lunch at 433/9. Henry%27s 3rd Test 50 & Patel registering his highest Test score in the process on @skysportnz & @SENZ_Radio. Scorecard | https://t.co/vssoB8z2Xa #PAKvNZ pic.twitter.com/ySmtDDLbGV
— BLACKCAPS (@BLACKCAPS) January 3, 2023
قبل ازیں کھیل کے پہلے دن ڈیون کنوائے نے 191 گیندوں پر 122 رنز اسکور کیے تھے جب کہ ٹام بنڈل نے بھی نصف سینچری بنائی تھی۔
First-day centurion Devon Conway enters his name on the honours board in Karachi 🏏#PAKvNZ | #TayyariKiwiHai pic.twitter.com/X4EJFP9wa6
— Pakistan Cricket (@TheRealPCB) January 2, 2023
پاکستان کی جانب سے نسیم شاہ نے 24 اوورز میں 71 رنز دے کر تین، ابرار احمد نے 37 اوورز میں 149 رنز دے کر چار جب کہ آغا سلمان نے بھی 26 اوورز میں 75 رنز دے کر تین وکٹیں حاصل کیں۔
پاکستان کی 11 رکنی ٹیم امام الحق، عبداللہ شفیق، شان مسعود، کپتان بابر اعظم، سعود شکیل، سرفراز احمد، آغا سلمان، حسن علی، نسیم شاہ، میر حمزہ اور ابرار احمد پر مشتمل ہے۔
دوسری جانب نیوزی لینڈ کی ٹیم میں ٹام لیتھم، ڈیون کانوے، کین ولیم سن، ہینری نکولس، ڈیرل مچل، ٹام بلنڈل، مچل بریسویل، کپتان ٹم ساؤتھی، ایش سودھی، میٹ ہینری اور اعجاز پٹیل شامل ہیں۔
واضح رہے کہ دونوں ٹیموں کے درمیان سیریز کا پہلا ٹیسٹ کراچی میں ہی کھیلا گیا تھا جو بغیر کسی نتیجے کے ختم ہوا تھا۔