سوات میں گراسی گراونڈ پر دو روزہ سائنس میلے کا آغاز 17 اپریل کو ہوا جس کا انعقاد سوات ایجوکیشن ڈیپارٹمنٹ اور پاکستان الائنس فار میتھ اند سائنس نے ادھیانہ اور الف اعلان جیسی تنظیموں کے تعاون سے کیا ہے۔
میلے کا افتتاح کمشنر مالاکنڈ ڈویژن سید ظہیر الإسلام نے ڈپٹی کمشنر شاہد محمود اور ڈسٹرکٹ ایجوکیشن آفیسر نواب علی کے ساتھ مل کر کیا۔
Swat Science Festival
میلے کے پہلے دن ڈسٹرکٹ سوات سے تقریباً 125 سے زائد سرکاری و نجی تعلیمی اداروں کے 7 ہزار کے قریب طالب علموں نے شرکت کی جن میں ایک بڑی تعداد لڑکیوں کی تھی اس کے علاوہ اساتذ اور بیشتر سائنسی ماہرین نے بھی میلہ میں شرکت کی اور طلبا کے تیار کردہ سائنسی ماڈلز کی نمائش میں دلچسپی کا اظہار کیا۔
ان ماڈلز میں روبوٹکس، ہائیڈرولکس، الیکٹرک سرکٹ اور آسان میتھ میٹکس جیسی چیزیں شامل تھیں۔
مقامی طلبا کے علاوہ ملک کے دیگر حصوں سے بھی سائنسی تنظیموں نے بھی اپنے سائنسی ماڈلز کے ساتھ شرکت کی۔
Swat Science Festival
اس میلے میں پہلے دن کچھ قومی اور بین الاقوامی ریکارڈ بھی بنائے گئے جن میں نیشنل اکیڈیمی آف ینگ سائنٹسٹ کی زیر سرپرستی پاکستان کی تاریخ میں پہلی دفعہ 1036 طلبا نے بیک وقت سٹرابیری سے ڈی این نکال کر قومی ریکارڈ قائم کیا۔ جبکہ 955 طلبا نے ہاتھوں کی زنجیر بنا کر ڈی این اے کی شکل بھی تشکیل دیا۔ یہ ریکارڈ پاکستان بک آف ریکارڈز میں درج کیے جائیں گے
Swat Science Festival
منتظمین نے وائس آف امریکہ سے بات کرتے ہوئے کہا کہ اس میلے کا مقصد سوات اور گرد و نواح کے علاقوں کے بچوں میں سائنس اور نئی تحقیق کے جذبے کو ابھارنا اور سائنس کے میدان میں ان کے لیے نئے مواقع پیدا کرنا ہے۔ جس کے لیے مختلف سکولوں اور تنظیموں نے خصوصی سٹالز لگائے ہیں۔ اس میلے کا مقصد یہ ہے کہ بچوں کی تکنیکی صلاحیتوں میں اضافہ کر کے مستقبل کے سائنس دانوں کے لئے راستہ ہموار کیا جائے۔
Swat Science Festival
وادی سوات کا علاقہ سال دو ہزار نو کے بعد سے انتہا پسندی اور تشدد کے نشانے پر تھا اور یہاں لڑکیوں کے لیے تعلیم کے مواقع سکڑ گئے تھے۔ اب حالات بہتری کی جانب گامزن ہیں۔ لڑکے اور لڑکیاں اب دوبارہ سکولوں میں جا رہے ہیں اور انتظامیہ کے مطابق ایسے اقدامات طلبا کو سازگار ماحول فراہم کرتے ہیں جہاں وہ اعلی معیاری تعلیم کو حاصل اور اپنی شخصیت کا حصہ بنا سکیں۔
منتظین کا کہنا ہے کہ کمرہ جماعت میں ریاضی اور سائنس پر زیادہ توجہ دی جا رہی ہے جس سے نوجوان اس شعبے میں بڑے پیمانے پر میسر مواقعوں سے فائدہ اٹھا کر اپنا اور قوم ملک کا مستقل سنوارنے میں کلیدی کردار اد کر سکتے ہیں۔