اتوار کو مانچسٹر میں شیڈول پاکستان اور بھارت کے ورلڈ کپ میچ کو میگا ایونٹ کا سب سے بڑا مقابلہ قرار دیا جا رہا ہے۔ اس میچ میں شائقین کرکٹ کی دلچسپی اور میڈیا کوریج بھی بڑھ جاتی ہے۔
شائقین کرکٹ کے مطابق پاکستان اور بھارت کے درمیان کرکٹ میچ صرف میچ ہی نہیں ہوتا بلکہ ایک طرح کا معرکہ ہوتا ہے جو میدان کے علاوہ دونوں ملکوں کے شائقین کے درمیان بھی شروع ہو جاتا ہے۔
سوشل میڈیا پراس بڑے معرکے سے پہلے دونوں ممالک کے حمایتی بڑھ چڑھ کر جذبات کا اظہار کر رہے ہیں۔ ایسے ماحول میں دو اشتہار سوشل میڈیا پر وائرل ہیں جسے کوئی مزاح سمجھ کر لطف اندوز ہو رہا ہے تو کوئی اس پر ناراضگی کا اظہار کر رہا ہے۔
خبر رساں ادارے 'اے ایف پی' کی ایک رپورٹ کے مطابق ایک پاکستانی موبائل کمپنی 'جاز' کی جانب سے ایک ویڈیو جاری ہوتے ہی سوشل میڈیا پرچھا گئی۔ ویڈیو میں پاک بھارت کشیدگی کے دوران گرفتار اور پھر رہائی پانے والے بھارتی پائلٹ ابھی نندن کی پیروڈی کی گئی ہے۔
Jazz TV advt on #CWC19 takes the Indo-Pak air duel to new level. It uses the air duel over Nowshera and Wing Co Abhinandan Varthaman%27s issue as a prop. @IAF_MCC @thetribunechd @SpokespersonMoD @DefenceMinIndia pic.twitter.com/30v4H6MOpU
— Ajay Banerjee (@ajaynewsman) June 11, 2019
ویڈیو میں ابھی نندن کا روپ دھارے اداکار جائے پی رہا ہے جس سے سوال کیا جارہا ہے کہ ٹاس جیتنے کے بعد کیا کرو گے؟ پلئینگ الیون میں کون کون ہے اور ان سوالوں کے جواب میں وہ کہتا ہے کہ میں آپ کو یہ نہیں بتا سکتا۔۔
ویڈیو کے آخرمیں وہ چائے کی تعریف کرکے جانے لگتا ہے تو سوال کرنے والا کہتا ہے کہ 'رکو کہاں جا رہے ہو کپ تو دیتے جاؤ.'
کچھ لوگوں نے ویڈیو کی تعریف کی تو کچھ نے اسے تنقید کا نشانہ بنایا۔
یہ ویڈیو بھارتی چینل اسپورٹس کی طرف سے پچھلے ورلڈ کپ کے موقع پرہٹ ہونے والے اشتہار 'موقع موقع' کی طرز پر اس ورلڈ کپ کے حوالے سے بنائے گئے اشتہار کے بعد جاری کی گئی۔
'موقع موقع' کے نئے اشتہار میں بھی بھارت کو پاکستان سے آگے دکھایا گیا ہے۔ اس اشتہار کو بھی کچھ لوگوں نے نامناسب قرار دیا تھا۔
Cringeworthy ads on both sides of the border 🤮 seriously guys, you don’t need to ‘hype up’ or market the match anymore specially with rubbish! it has ENOUGH attention already!It’s only cricket for God sake, and if you think it’s anymore than that then get a grip or get a life !!
— Sania Mirza (@MirzaSania) June 12, 2019
پاکستانی کرکٹر شعیب ملک کی اہلیہ اوربھارتی ٹینس اسٹار ثانیہ مرزا نے دونوں ویڈیوز پر تنقید کرتے ہوئے کہا کہ سرحد کی دونوں جانب سے کی گئی یہ شرمناک حرکت ہے۔ پاک بھارت میچ کو کسی مارکیٹنگ کی ضرورت نہیں کیونکہ یہ پہلے ہی سب کی توجہ کا مرکز ہوتا ہے، یہ صرف ایک میچ ہے۔
Guys so 5 days back, I was approached by an Indian YouTube channel called #BeingIndian to participate in a rap battle with them regarding #PAKvIND cricket match. I agreed! Then v worked day n night to produce the video. Will be releasing it today, in a bit. Hope u like it #CWC19 pic.twitter.com/rN4RdimPUV
— Ali Gul Pir (@Aligulpir) June 13, 2019
وڈیرہ کا بیٹا سے شہرت پانے والے پاکستانی سنگر علی گل پیر اور بھارتی یو ٹیوبر بینگ انڈین نے پاک بھارت میچ کے لیے مشترکہ طور پر خصوصی گانا بھی تیار کیا ہے۔
علی گل پیر اور بینگ انڈین کو امید ہے کہ دونوں ملکوں کے درمیان جاری تناؤ میں لوگ اس گانے کو یقینا انجوائے کریں گے۔