بنگلہ دیش میں جاری ویمن ایشیا کپ میں پاکستان نے بھارت کو 13 رنز سے شکست دے دی۔یہ پہلی مرتبہ ہے کہ ویمن ٹی ٹوئنٹی ایشیا کپ میں پاکستان کی ٹیم نے بھارت کو ہرایا ہے۔
سلہٹ میں کھیلے گئے میچ میں پاکستان کی ٹیم نے پہلے بیٹنگ کرتے ہوئے مقررہ 20 اوورز میں چھ وکٹوں کے نقصان پر 137 رنز بنائے۔ ندا ڈار نے ناقابلِ شکست رہتے ہوئے 37 گیندوں پر 56 رنز اسکور کیے، جس میں ایک چھکا اور پانچ چوکے شامل تھے۔ کپتان بسمہ معروف 35 گیندوں پر 32 اور منیبہ علی 17 رنز بنا کر نمایاں رہیں۔
جواب میں بھارتی ٹیم 19.4 اوورز میں 124 رنز بنا کر آؤٹ ہو گئی۔ ندا ڈار نے بالنگ میں بھی شان دار کارکردگی کا مظاہرہ کرتے ہوئے چار اوورز میں 23 رنز دے کر دو بھارتی کھلاڑیوں کو آؤٹ کیا۔ اُنہیں میچ کی بہترین کھلاڑی قرار دیا گیا۔
بھارت کو شکست دینے پر سوشل میڈیا پر ویمن کرکٹ ٹیم کی تعریفیں کی جا رہی ہیں۔
سابق کپتان شعیب ملک نے اپنے ٹویٹ میں کہا کہ ایشیا کپ میچ میں بھارت کو ہرانے پر ویلڈن، تمام کھلاڑیوں نے شان دار کارکردگی کا مظاہرہ کیا۔
- Super proud of our Women%27s Team for beating India in #WomensAsiaCup2022. Captain%27s knock from @maroof_bismah and the way @CoolNidadar showed her class today, that showed her dedication as well.. Well bowled, Sadia, Nida, Nashra, Tuba and Aiman 👏 #PakistanZindabad #INDvPAK pic.twitter.com/F4V6KVvjdp
— Shoaib Malik 🇵🇰 (@realshoaibmalik) October 7, 2022
معروف گلوکار اور میزبان فخرِ عالم نے بھی خواتین ٹیم کی کامیابی پر انہیں مبارکباد دیتے ہوئےکہا کہ یہ کامیابی ٹیم ورک کا نتیجہ ہے۔
Congratulations Pakistan and kudos to our women’s cricket team on a confident victory against India in the #WomensAsiaCup2022 👏🏼 Special credits to @CoolNidadar on her exceptional all round performance 👍🏼#INDvPAK #BackOurGirls pic.twitter.com/dC7GWPEhKE
— Fawad Alam (@iamfawadalam25) October 7, 2022
کرکٹر وہاب ریاض نے بھی خواتین کرکٹ ٹیم کی بھارت کے خلاف کامیابی پر خوشی کا اظہار کرتے ہوئے کہا کہ یہ بہترین ٹیم ورک کا نتیجہ ہے، پوری قوم کو مبارک ہو۔
Great to see our women%27s team playing outstanding cricket and winning a thriller against India. Brilliant stuff specially from @CoolNidadar and the captain @maroof_bismah, congratulations to the entire team and nation 🇵🇰#WomensAsiaCup2022 #BackOurGirls pic.twitter.com/S9yqt1Bn5h
— Wahab Riaz (@WahabViki) October 7, 2022
پاکستان اور بھارت کی خواتین کرکٹ ٹیموں کے درمیان اب تک 13 ٹی ٹوئنٹی مقابلے ہو چکے ہیں، جن میں بھارت نے 10 جب کہ پاکستان نے تین میں بھارت کو شکست دی ہے۔