پاکستان نے بنگلہ دیش کو دوسرے ٹی ٹوئنٹی میچ میں شکست دے کر تین میچوں کی سیریز اپنے نام کر لی ہے۔
میرپور کے شیر بنگلہ کرکٹ اسٹیڈیم کھیلے گئے دوسرے ٹی ٹوئنٹی میچ میں میزبان ٹیم نے ٹاس جیت کر پہلے بیٹنگ کا فیصلہ کیا ہے۔
بنگلہ دیش کا بیٹنگ کا فیصلہ درست ثابت نہیں ہوا اور پاکستان کے بالرز نے ابتدائی اوورز میں ہی دو کھلاڑیوں کو پویلین روانہ کیا۔ بعد ازاں نجم الحسین شنٹو اور عفیف حسین نے ذمہ دارانہ بیٹنگ کرتے ہوئے سکور میں اضافہ کیا۔ البتہ آٹھویں اوور میں عفیف حسین 20 رنز بنا کر 51 کے مجموعی اسکور پر آؤٹ ہوئے۔
Pakistan take an unassailable 2-0 lead in the T20I series 🎉Fakhar Zaman stars with 57* as the visitors win the second match by 8 wickets!#BANvPAK | https://t.co/7GmKXQTuEn pic.twitter.com/LFcUZtoRVU
— ICC (@ICC) November 20, 2021
ان کے آؤٹ ہونے کے بعد آنے والا کوئی کھلاڑی بھی جم کر نہ کھیل سکا۔ البتہ نجم الحسین 40 رنز بنا کر بنگلہ دیش کی جانب سے سب سے زیادہ اسکور بنانے والے کھلاڑی رہے۔ ان کو شاداب خان نے آؤٹ کیا تھا۔
بنگلہ دیش کی ٹیم مقررہ 20 اوررز میں سات وکٹوں کے نقصان پر 108 رنز بنا سکی تھی۔
Pakistan restrict Bangladesh to 108/7.Can the hosts fight back with the ball?#BANvPAK | https://t.co/7GmKXQTuEn pic.twitter.com/qrbTQPWykS
— ICC (@ICC) November 20, 2021
پاکستان کے شاہین شاہ آفریدی اور شاداب خان نے دو دو وکٹیں حاصل کی۔ جب کہ محمد وسیم، حارث رؤف اور محمد نواز ایک ایک کھلاڑی کو پویلین بھیجنے میں کامیاب رہے۔
پاکستان کی جانب سے محمد رضوان کے ساتھ کپتان بابر اعظم نے اننگز کا آغاز کیا۔ بابر اعظم ایک بار پھر بڑا اسکور کرنے میں ناکام رہے اور صرف ایک رنز بنا کر آؤٹ ہوئے۔
Just the start Bangladesh needed!Mustafizur castles Babar Azam for 1.#BANvPAK | https://t.co/7GmKXQTuEn pic.twitter.com/lkrMO0kwUC
— ICC (@ICC) November 20, 2021
اس کے بعد فخر زمان محمد رضوان کا ساتھ دینے آئے۔ ان دونوں کھلاڑیوں نے پاکستان کی کامیابی کی بنیاد رکھی۔ البتہ محمد رضوان 39 رنز بنا کر 97 کے مجموعی اسکور پر آؤٹ ہوئے۔
اس کے بعد حیدر علی کھیلنے آئے۔ جنہوں نے فخر زمان کے ہمراہ پاکستان کو کامیابی سے ہم کنار کیا۔
فخر زمان 57 رنز جب کہ حیدر علی 6 رنز بنا کر ناٹ آؤٹ رہے۔ فخر زمان کو پلیئر آف میچ بھی قرار دیا گیا۔
— Pakistan Cricket (@TheRealPCB) November 20, 2021
پاکستان نے 109 رنز کا ہدف 19ویں اوور کی پہلی گیند پر حاصل کیا۔
بنگلہ دیش نے پاکستان کے خلاف آٹھ بالرز استعمال کیے البتہ مستفیض الرحمٰن اور سیف حسن ایک ایک وکٹ لینے میں کامیاب ہوئے۔
دونوں ممالک کے درمیان تین ٹی ٹوئنٹی میچوں کی سیریز میں پاکستان کو 0-2 کی برتری حاصل کر لی ہے۔ سیریز کا آخری میچ پیر کو کھیلا جائے گا۔
Pakistan beat Bangladesh by eight wickets in the second T20I to win the three-match series.#BANvPAK | #HarHaalMainCricket pic.twitter.com/Zt7VcmoCmV
— Pakistan Cricket (@TheRealPCB) November 20, 2021
ٹی ٹوئنٹی سیریز کے بعد دونوں ٹیموں میں دو میچز پر مشتمل ٹیسٹ سیریز ہو گی۔ پہلا ٹیسٹ میچ 26 سے 30 نومبر تک چٹاگانگ اور دوسرا ٹیسٹ 4 سے 8 دسمبر تک ڈھاکہ میں کھیلا جائے گا۔