جاپان کے دارالحکومت ٹوکیو میں جاری اولمپکس کے مقابلوں میں پاکستان کے ویٹ لفٹر طلحہ طالب کی کارکردگی کو شائقین کی جانب سے خوب سراہا جا رہا ہے اور ان کا نام سوشل میڈیا پر ٹرینڈ کر رہا ہے۔
ٹوکیو اولمپکس میں ویٹ لفٹنگ کے مقابلے میں مردوں کی 67 کلو گرام کٹیگری میں پاکستان کے شہر گوجرانوالہ سے تعلق رکھنے والے طلحہ طالب اگرچہ میڈل نہیں جیت سکے لیکن ان کی کارکردگی پر شائقین کافی خوش ہیں۔
طلحہ طالب نے مقابلے میں مجموعی طور پر 320 پوائنٹس حاصل کرکے پانچویں پوزیشن حاصل کی ہے۔ وہ صرف دو کلو گرام کے فرق سے کانسی کے تمغے سے محروم رہ گئے۔ 67 کلو گرام کی کٹیگری میں پہلے راؤنڈ میں طلحہ طالب 150 کلو گرام وزن اٹھا کر دوسرے نمبر پر رہے جب کہ دوسرے راؤنڈ 'کلین اینڈ جرک' میں انہوں نے 170 کلو گرام وزن اٹھا کر اپنا ہی پچھلا ریکارڈ توڑ دیا۔
البتہ وہ مجموعی طور پر 320 پوائنٹس حاصل کرسکے اور پانچویں نمبر پر رہے۔ طلحہ طالب پاکستان کے لیے کوئی میڈل تو نہیں جیت سکے لیکن پہلے راؤنڈ سے ہی اچھی کارکردگی کے بعد ان کا نام ٹوئٹر پر ٹاپ ٹرینڈ کرنے لگا۔
پاکستان تحریکِ انصاف کے رہنما سینیٹر فیصل جاوید نے ٹوئٹ کی کہ کئی چیلنجز، سہولیات کے فقدان کے باوجود نوجوان طلحہ نے قابلِ فخر کارنامہ سرانجام دیا ہے۔ لہذٰا اب پاکستان سپورٹس بورڈ کو بھی جاگ جانا چاہیے۔
Hats off to #TalhaTalib!! Welldone Talha for making the whole country proud of you. Remarkable achievement despite challenges, lack of facilities and support. Pakistan Sports Board needs to wake up. Major improvements needed. #SupportPakistanTalent #Olympics pic.twitter.com/z11bqL1hZK
— Faisal Javed Khan (@FaisalJavedKhan) July 25, 2021
پاکستان کرکٹ ٹیم کے کھلاڑی شاداب خان نے ٹوئٹ کی کہ پاکستان کو طلحہ طالب پر فخر ہے۔ انہوں نے اسپانسرز اور کھیلوں کی انتظامیہ پر زور دیا کہ وہ طلحہ جیسے کھلاڑیوں کی مدد کریں۔
Pakistan is proud of Talha Talib. Urge sponsors and sports administration to help athletes like Talha, they have the potential to bring home Olympic medals and make Pakistan proud if given the facilities and financial support. #SupportAthletes #OlympicGames pic.twitter.com/Hp4TryjwPC
— Shadab Khan (@76Shadabkhan) July 25, 2021
ان کے بقول یہ وہ کھلاڑی ہیں جنہیں اگر سہولیات اور مالی مدد فراہم کی جائے تو یہ پاکستان کے لیے اولمپک میڈلز لا سکتے ہیں اور ملک کا نام روشن کرسکتے ہیں۔
گلوکار و اداکار فخر عالم نے ٹوئٹ کی کہ 'شاباش جوان ہمیں تم پر فخر ہے۔'
From the soil rises another #TalhaTalib so close yet so far away...Shabaash Jawan.....proud of you... #PakistanZindabad 🇵🇰🇵🇰🇵🇰
— Fakhr-e-Alam (@falamb3) July 25, 2021
شیراز حسن نامی صارف نے طلحہ طالب کی سخت محنت اور عزم کی تعریف کرتے ہوئے انہیں اصل ہیرو قرار دیا۔
Out of medal race now - but noooo!!! All applause and praise for #TalhaTalib for his hard work, commitment and passion- YOU ARE A TRUE HERO!!! #Weightlifting Pakistan is proud of you! pic.twitter.com/sZKRr94B0L
— Shiraz Hassan (@ShirazHassan) July 25, 2021
فرہاد جرال نامی صارف نے پوائنٹس ٹیبل کی تصویر شیئر کرتے ہوئے لکھا کہ امید کرتا ہوں کہ یہ تصویر کوئی وزیرِاعظم عمران خان کو بھی شیئر کر دے گا۔
انہوں نے کہا کہ طلحہ طالب نے یہ سب خود سے کیا ہے۔
I hope someone has shared this with PM @ImranKhanPTI. #TalhaTalib has done this all by himself - the is one area where you could have brought the promised change. Improve the sporting facilities and provide these talented athletes with the resources they deserve to win medals 🙏🏽 pic.twitter.com/5gI8vfOaXV
— Farhad Jarral (@FarhadJarralPK) July 25, 2021
واضح رہے کہ پاکستان نے اولمپکس گیمز میں آخری مرتبہ 1992 میں میڈل اس وقت جیتا تھا جب شہباز احمد کی قیادت میں پاکستان ہاکی ٹیم نے بارسلونا میں کانسی کا تمغہ حاصل کیا تھا۔
What a shame, no sponsor no world class training, still, he so close to win Medal. #TalhaTalib #OlympicGames pic.twitter.com/S6UtViJC7u
— Awais Khan (@Awaiskhan071) July 25, 2021
اویس خان نامی صارف نے طلحہ طالب کی تصویر شیئر کرتے ہوئے کہا کہ کتنی شرم کی بات ہے کہ کوئی اسپانسر نہیں، کوئی عالمی معیار کی تربیت نہیں لیکن اس کے باوجود وہ تمغہ جیتنے کے اتنے قریب تک پہنچا۔
طلحہ طالب کی کارکردگی پر پاکستان کرکٹ بورڈ کے ٹوئٹر اکاؤنٹ سے بھی ٹوئٹ کیا گیا۔ جس میں کہا گیا کہ وہ (طلحہ طالب) گرا لیکن پھر کھڑا ہوا اور پاکستان کے لیے فخر کا باعث بنا۔ بہترین کوشش طلحہ طالب۔
He fell, but stood up and made Pakistan proud, great effort Talha Talib! 👏👏👏 pic.twitter.com/ic6TXdCXWT
— Pakistan Cricket (@TheRealPCB) July 25, 2021