سعودی عرب کے ولی عہد شہزادہ محمد بن سلمان نے منگل کے روز پاکستان کے آرمی چیف جنرل قمر جاوید باجوہ سے ملاقات کی ہے اور پاکستان کی نئی منتخب حکومت کیلئے بہترین خواہشات اور تعاون کا اظہار کیا ہے۔
مسلح افواج کے شعبہ تعلقات عامہ کے سربراہ میجر جنرل آصف غفور نے آج بدھ کے روز ایک ٹویٹ میں کہا کہ سعودی ولی عہد شہزادہ محمد بن سلمان نے جنرل قمر جاوید باجوہ کو منا میں ملاقات کیلئے مدعو کیا جس کے بعد اُنہوں نے جنرل باجوہ کے اعزاز میں عشایہ دیا۔
Saudi Crown Prince, Mohammad Bin Salman invited Chief of Army Staff for a meeting followed by dinner at Mina last night. Saudi Crown Prince congratulated COAS on performing Hajj. Both discussed wide ranging issues of mutual interest including regional security (1 of 2).
— Maj Gen Asif Ghafoor (@OfficialDGISPR) August 22, 2018
میجر جنرل آصف غفور نے کہا کہ دونوں راہنماؤں نے علاقائی سلامتی سمیت باہمی دلچسپی کے اُمور پر تبادلہ خیال کیا۔ شہزادہ سلمان نے جنرل باجوہ کو حج کی مبارک دی جبکہ جنرل باجوہ نے پاکستان کیلئے نیک خواہشات اور حمایت کے اظہار پر شہزادہ سلمان کا شکریہ ادا کیا۔
Saudi Crown Prince, Mohammad Bin Salman invited Chief of Army Staff for a meeting followed by dinner at Mina last night. Saudi Crown Prince congratulated COAS on performing Hajj. Both discussed wide ranging issues of mutual interest including regional security (1 of 2).
— Maj Gen Asif Ghafoor (@OfficialDGISPR) August 22, 2018
اس سے پہلے سعودی عرب کے فرمانروا سلمان بن عبدالعزیز اور ولی عہد شہزادہ محمد بن سلمان نے عمران خان کو فون کر کے انتخابات میں کامیابی اور وزیر اعظم منتخب ہونے پر مبارکباد دی تھی۔
پاکستان میں سعودی عرب کے سفیر نواف بن سید الملکی وزیر اعظم عمران خان سے ملنے والے پہلے غیر ملکی سفارتکار تھے۔
پاکستانی فوج کے سربراہ جنرل باجوہ آجکل سعودی عرب میں موجود ہیں جہاں اُنہوں نے فریضہ حج ادا کیا۔