پاکستان سپر لیگ (پی ایس ایل) کے چھٹے سیزن کا آفیشل سانگ ‘گروو میرا’ گزشتہ روز یو ٹیوب اور سوشل میڈیا پلیٹ فارمز پر ریلیز کیا گیا۔ جس کے بعد گلوکارہ نصیبو لال، آئمہ بیگ اور ہپ ہاپ بینڈ ‘ینگ اسٹنرز’ کے گائے ہوئے گانے کو اب تک لاکھوں لوگ دیکھ اور سن چکے ہیں۔
اس بار پی ایس ایل کے آفیشل گانے میں ماضی کی نسبت کچھ نیا کرنے کی کوشش کی گئی ہے۔
علاوہ ازیں گانے کا آغاز پنجابی فلموں میں اپنی لبھاتی آواز کا جادو دکھانے والی نصیبو لعل کرتی ہیں۔ جس کی ویڈیو میں رنگ برنگے بادلوں کے جھرمٹ میں سے آشکار ہونے والے گیند اور بیٹ دکھائی دیے جانے کے بعد پرانے ٹی وی سیٹس دکھائی دیتے ہیں۔
𝘼𝘼𝙅 𝘿𝙀𝙆𝙃𝙀 𝙂𝘼 𝘾𝙍𝙊𝙒𝘿 𝙈𝙀𝙍𝘼 𝙂𝙍𝙊𝙊𝙑𝙀 𝙏𝙑 𝙋𝙀Celebrate the groove of our HBL PSL cricketers with the launch of the official #HBLPSL6 Anthem #GrooveMera Watch full video on YouTube: https://t.co/bQueDfKnwq#MatchDikhao pic.twitter.com/jYaAFiV5ZS
— PakistanSuperLeague (@thePSLt20) February 6, 2021
رواں ماہ فروری میں شروع ہونے والے پی ایس ایل کے چھٹے سیزن کے آفیشل سانگ کے ذریعے پاکستانی ثقافت کی ترجمانی کی بھی کوشش کی گئی ہے۔
عکاسی، تدوین اور جدید تقاضوں کے مطابق گانے میں ایک کامیاب اور ہِٹ ہونے والے گانے کے مطلوبہ تمام لوازمات شامل کیے گئے ہیں۔ تاہم گانے کی ابتدا میں نصیبو لعل کے بول ‘اج ویکھے گا کراؤڈ میرا گروو ٹی وی تے (آج دیکھے گا کراؤڈ میرا گروو ٹی وی پر)’ اور دیگر گلوکاروں کی پرفارمنس پر لوگ دلچسپ تبصرے کر رہے ہیں۔
ٹوئٹر صارف نشا ارشد نے معروف سنگر و اداکار علی ظفر کی میم شیئر کرتے ہوئے لکھا ہے کہ علی ظفر پی ایس ایل 6 کا گانا دیکھنے کے بعد۔
Ali zafar after watching memes against psl -6 anthem #Alizafer #pslanthem2021 pic.twitter.com/5kf1VKyY6g
— Nisha Arshad (@NishaArshad8) February 7, 2021
ٹوئٹر صارف مرزا مغل نے ایک میم شیئر کی ہے۔ جس پر لکھا ہے کہ "چپل کہاں ہے میری۔"
Me After Listening PSL 6 song😂🤣😭💔#psl6anthem #pslanthem #pslanthem2021 pic.twitter.com/6VrSEdn2L0
— MirzaMughal (Dusky or Asho Ka Bday♥️🌺😍) (@IhtashamNasir) February 7, 2021
نمرز مشتاق نے آئمہ بیگ کی تصویر شیئر کرتے ہوئے ٹوئٹ کی ہے کہ آئمہ بیگ گانے پر رد عمل آنے کے بعد علی ظفر کی طرف بھاگتے ہوئے۔
After seeing public reaction on #pslanthem2021 aima beig run towards #AliZafar for help pic.twitter.com/pvW9Gwc6E9
— NIMRA MUSHTAQ (@NIMRAMUSHTAQ9) February 7, 2021
ٹوئٹر صارف شازم جوئیہ نے ٹوئٹ کی ہے کہ انہوں نے اپنے گھر میں پی ایس ایل کا گانا اونچی آواز میں لگایا اور اب انہیں گھر سے نکال دیا گیا ہے۔
I played PSL-6 song on Loud Volume in my home, now i%27m homeless 😭#pslanthem2021 #psl6anthem @AliZafarsays Bhai Hazir Hojao 🤟💫
— Shazim Joiya (@ShazimJoiya1) February 7, 2021
شیراز طارق کا ٹوئٹ میں کہنا ہے کہ ہر سال پی ایس ایل کا ریلیز ہونے والا گانا انہیں پچھلے سال ریلیز ہونے والے گانے کے عشق میں مبتلا کر دیتا ہے۔
Every year new PSL anthem makes me fall in love with older one.#groovemera #psl6anthem pic.twitter.com/pu1eCl8YOw
— Sheraz Tarar (@ImsherazTarar) February 6, 2021
خیال رہے کہ پی ایس ایل سیزن فائیو کے آفیشل گانے پر بھی شائقین کا ملاجلا ردِعمل سامنے آیا تھا۔ 2016 میں پی ایس ایل کے پہلے سیزن میں علی ظفر کی جانب سے گایا جانے والے 'پھر سیٹی بجے گی، کھیلے جمے گا' کو اب تک پی ایس ایل کی تاریخ کا سب سے کامیاب آفیشل سانگ سمجھا جاتا ہے۔