امپائرنگ کی دنیا کا بڑا نام پاکستانی امپائر علیم ڈار حالیہ کچھ عرصے سے بعض غلط فیصلوں کے باعث تنقید کی زد میں ہیں۔
پاکستان اور نیوزی لینڈ کے درمیان جاری کراچی ٹیسٹ میچ میں علیم ڈار کی جانب سے دیے گئے کچھ فیصلے تبدیل ہونے پر جہاں سوشل میڈیا صارفین اُن سے ریٹائرمنٹ کا مطالبہ کر رہے ہیں تو بعض اب بھی اُن کی حمایت میں کھڑے نظر آتے ہیں۔
کراچی ٹیسٹ کے دوسرے روز پاکستان کو کیویز بلے بازوں کی ابتدائی شراکت داری توڑنے میں شدید مشکلات کا سامنا تھا۔ نیوزی لینڈ کا اسکور بغیر کسی نقصان کے 183رنز تھا تو نعمان علی کی ایک اندر آتی ہوئی گیند کو ڈیون کانوے نے بیک فٹ پر جا کر دفاعی انداز میں کھیلنے کی کوشش کی لیکن بیٹ ہوئے۔
نعمان علی اور وکٹوں کے پیچھے موجود سرفراز احمد اور قریبی فیلڈرز نے زوردار اپیل کی، لیکن علیم ڈار ٹس سے مس نہ ہوئے تو پھر بابر اعظم کی غیر موجودگی میں سرفراز احمد نے ریویو لے لیا۔ بال ٹریکنگ سسٹم سے واضح ہو گیا کہ گیند ٹھپہ پڑنے کے بعد وکٹوں سے ٹکرا سکتی تھی۔ لہذٰا علیم ڈار کو اپنا فیصلہ تبدیل کرتے ہوئے ڈیون کانوے کو آؤٹ قرار دینا پڑا۔
ٰیہی نہیں بلکہ انگلینڈ کے خلاف ٹیسٹ سیریز اور پھر نیوزی لینڈ کے خلاف پاکستان کی پہلی اننگز میں بابر اعظم اور سرفراز احمد نے بھی علیم ڈار کی جانب سے دیے گئے آؤٹ کے فیصلوں کو ریویو لے کر تبدیل کرایا۔
بہرام قاضی نامی صارف نے ٹوئٹ کی کہ یہ سال علیم ڈار کے لیے ایک ڈراؤنا خواب ثابت ہو رہا ہے۔ یہ واضح آؤٹ تھا، جو علیم ڈار نے نہیں دیا۔
Nauman Ali gives Pakistan their first wicket of the innings, courtesy of a smart review by Sarfaraz. Aleem Dar%27s horror year continues, having adjudged that one not out.#PAKvNZ
— Behram Qazi 🇵🇰 🇨🇦 (@DeafMango) December 28, 2022
مدثر حسین وانی نامی صارف نے ٹوئٹ کی کہ کیا پی سی بی علیم ڈار کو انٹرنیشنل امپائرنگ کے پینل سے ہٹوائے گا؟ کسی کو آگے آںا ہو گا یا علیم ڈار کو خود ہی فیصلہ کرنا ہو گا۔ ورنہ لوگ بھول جائیں گے کہ وہ کچھ عرصے قبل تک کتنے بہترین امپائر تھے۔
Can PCB remove Aleem Dar from the list of international umpires? Someone needs to step in here. At least Aleem himself. If this continues, no one will remember how great he used to be until a few years ago.
— مدثر حسن وانى (@kaeshurr1) December 26, 2022
عبداللہ سلطان نامی صارف نے ٹوئٹ کی علیم ڈار نے بابر اعظم کو بھی پہلے غلط ایل بی ڈبلیو قرار دیا۔ حالاں کہ گیند واضح طور پر وکٹوں سے دُور جا رہی تھی۔
Babar survived 🙏Aleem DAR hamre peche kuu para hai...He used to be the best umpire in the world by some distance. Seems to have lost his touch now 😡😏#PakvsNZ #BabarAzam𓃵 #WTC23 pic.twitter.com/FDeNZrRs6E
— Abdullah SuLtan 🇵🇰 (@ImAbdullaha56) December 26, 2022
محمد اشفاق خان نے علیم ڈار کی جانب سے اپنا فیصلہ تبدیل کرنے کا اشارہ کرنےکی تصویر شیئر کرتے ہوئے لکھا کہ یہ وہ کام ہے جو آج کل علیم ڈار کو بہت زیادہ کرنا پڑ رہا ہے۔
The frequent sight of Aleem Dar nowadays 😂😂 pic.twitter.com/3WiEv9ZEWJ
— Muhammad Ishfaq Khan (@imMIK571) December 28, 2022
ڈاکٹر ادریس مبارک نامی صارف نے ٹوئٹ کی کہ یہاں کوئی علیم ڈار کی بطور امپائر فارم کی بات نہیں کر رہا۔
No body is talking about form of aleem dar the umpire!
— Dr. Idrees Mubarik (@doc_hormone) December 26, 2022
حماد انور نامی صارف نے ٹوئٹ کی کہ علیم ڈالر جیسے بہترین امپائر کے لیے گزشتہ کچھ میچز میں غلطیاں الارمنگ ہیں۔
For an umpire of Aleem Dar%27s caliber, the number of errors is alarming high in the last few matches
— Hammad Anwar (@manihammad) December 28, 2022
ایٹ ایٹی فائیو کے نام سے موجود ایک ٹوئٹر اکاؤںٹ نے ٹوئٹ کی کہ ایک میچ نیوزی لینڈ سے ہو رہا ہے اور ایک علیم ڈار سے۔
Aik match NZ se ho raha hai aur aik Aleem Dar se.
— 🍉 (@eightyffive) December 28, 2022
احمد نشیط نامی صارف نے علیم ڈار کی حمایت میں ٹوئٹ کرتے ہوئے لکھا کہ علیم ڈار ڈی آر ایس سے بھی زیادہ مستند اور قابلِ بھروسہ امپائر ہیں۔
C%27mon Aleem Dar_Your much better, precise & accurate than the DRS. Shocking to see your decisions going erratic nowadays. Majority of your decisions are reviewed & overturned by the TV umpires🧐🧐🧐
— Ahmed Nasheeth (@ahmed_nasheeth) December 28, 2022
ڈیسپریشن کے نام سے ایک صارف نے اسپورٹس جرنلسٹ سلیم خالق کی جانب سے علیم ڈار کو ریٹائرمنٹ کا مشورہ دینے پر ٹوئٹ کی کہ کچھ غلط فیصلے دینے کا یہ مطلب نہیں ہے کہ علیم ڈار برے امپائر ہیں۔
Sir g with due respect apki age sa zyada matches ma Aleem Dar sir na umpiring ki ha. So kindly "jiska Kaam usi ko sajhy". Wrong decisions doesn%27t means he%27s a bad umpire. Laughing on ur cricketing sense.
— despresson (@fvghkb) December 26, 2022
علیم ڈار اب تک 141 ٹیسٹ میچز، 219 ایک روزہ میچز اور 69 ٹی ٹوئنٹی میچز میں امپائرنگ کر چکے ہیں۔
وہ انٹرنیشنل کرکٹ کونسل کے ایلیٹ امپائرز کے پینل میں بھی شامل ہیں اور کئی بار آئی سی سی ایوارڈز میں بہترین امپائر کا ایوارڈ بھی حاصل کر چکے ہیں۔