پاکستان کرکٹ میں ابھرتے ہوئےکھلاڑی اسامہ میر کی رمضان ٹورنامنٹ میں دھواں دار بیٹنگ کے سوشل میڈیا پر چرچے ہیں۔
لاہور کے اسٹیڈیم میں کھیلےگئے کرکٹ ٹورنامنٹ 'غنی رمضان ٹورنی' میں غنی انسٹی ٹیوٹ آف کرکٹ (جی آئی سی) اور کراچی واریئرز کے درمیان اتوار کو کھیلے جانے والے میچ میں اسامہ میر نے 20 گیندوں پر 66 رنز اسکور کیے۔
اسامہ میر نے اپنی اس اننگز میں ایک اوور میں 34 رنز بھی بنائے جس میں پانچ چھکے اور ایک چوکا شامل تھا۔
اس دھواں دار اننگز کے سوشل میڈیا پر چرچے جاری ہیں اور کچھ لوگ تو یہ تک کہہ رہے ہیں کہ پاکستان کو آل راؤنڈر شاداب خان کا متبادل مل گیا ہے۔
اسامہ میر نے اب تک صرف تین ون ڈے انٹرنیشنل میچز میں پاکستان کی نمائندگی کی ہے جب کہ وہ کسی ٹی ٹوئنٹی انٹرنیشنل میں پاکستان ٹیم کا حصہ نہیں رہے۔
اسامہ نے حال ہی میں ہونے والی پاکستان سپر لیگ کے آٹھویں ایڈیشن میں ملتان سلطانز کی نمائندگی کی تھی۔ کرک انفو کے مطابق انہوں نے اپنی لیگ اسپن کے ذریعے ایونٹ میں 14 کھلاڑیوں کو پویلین کی راہ دکھائی تھی۔
رمضان ٹورنامنٹ میں اسامہ میر کی شاندار کارکردگی پر سوشل میڈیا صارفین ان کی خوب تعریف کر رہے ہیں۔
Once Shahid Afridi said "Usama Mir can be a useful batsman as well along with his leg spin" and today he scored 66 of just 19 balls in Ramadan tournament in Lahore. pic.twitter.com/iTrlaxZeCr
— Shahzaib Ali 🇵🇰 (@DSBcricket) April 2, 2023
شاہ زیب علی نامی ایک ٹوئٹر صارف نے لکھا کہ "شاہد آفریدی نے ایک مرتبہ کہا تھا کہ اسامہ میر اپنی لیگ اسپن کے ساتھ ساتھ ایک کارآمد بلے باز بھی ہوسکتا ہے اور آج انہوں نے ثابت کر دیا۔"
Usama mir on 🔥🔥🔥🔥He scored 34 runs with 5 sixes and one 4 in an over....What a bowler and what a clean hitter he is...Usama mir the real future of Pakistan cricket 😍❤️🙌🙌🙌🙌Vc: @geosupertv@iamusamamir#PakistanCricket #ramzancricket pic.twitter.com/mwcxtVvPcy
— Qadir Khawaja (@iamqadirkhawaja) April 2, 2023
قادر خواجہ نامی اسپورٹس جرنلسٹس نے ٹوئٹر پر لکھا کہ اسامہ میر نے ایک اوور میں پانچ چھکوں اور ایک چوکے کی مدد سے 34 رنز بنائے۔اسامہ میر کیا بالر ہیں اور کیا زبردست ہٹر ہیں۔ یہ پاکستان کرکٹ کا اصل مستقبل ہیں۔
Usama Mir 66 Off Just 19 Balls 😱🔥Can bowl legspin can be used as a pinch hitter perfect backup of Shadab Khan. 💎 pic.twitter.com/UUCm8ceN1U
— Ahtasham Riaz 🇵🇰 (@AhtashamRiaz_) April 2, 2023
احتشام ریاض نامی صارف نے اسامہ میر کے بارے میں کہا کہ وہ لیگ اسپن کرسکتے ہیں اور انہیں ہٹر کے طور پر استعمال کیا جاسکتا ہے۔ وہ شاداب خان کے بہترین متبادل ہیں۔