انگلینڈ کے خلاف دوسرے ٹی ٹوئنٹی میچ میں بابر اعظم کی سینچری کی ہر جگہ دھوم ہے اور انہیں مبارک بادیں ملنے کا سلسلہ بھی جاری ہے۔
بابر نے جمعرات کو انگلینڈ کے خلاف 66 گیندوں پر 110 رنز کی ناقابلِ شکست اننگز کھیل کر ناقدین کو خاموش کرا دیا ہے۔
بابر کی اننگز میں پانچ چھکے اور گیارہ چوکے شامل تھے۔ ان کی اس پرفارمنس کے بعد کرکٹ ماہرین کا کہنا ہے کہ پاکستانی کپتان کے لیے یہ اننگز اس لیے بھی ضروری تھی کیوں کہ حال ہی میں ایشیا کپ کے دوران ان کی بیٹںگ پر کئی سوال اٹھائے گئے تھے۔
ایشیا کپ اور پھر انگلینڈ کے خلاف پہلے ٹی ٹوئنٹی میں بابر اعظم کی مایوس کن فارم پر جہاں ان کے مداح مایوس تھے وہیں بعض سابق کرکٹرز نے یہ کہنا شروع کر دیا تھاکہ وقت آ گیا ہے کہ پاکستان کو اوپننگ جوڑی پر نظر ثانی کرنی چاہیے۔
پاکستان کے سابق پیسر عاقب جاوید نے ایشیا کپ کے فائنل میں سری لنکا کے ہاتھوں شکست پر یہاں تک کہا تھا کہ بابر اور رضوان کی کوشش ہوتی ہے کہ وہ اپنے رنز کریں اور وہ دفاعی مائنڈ سیٹ سے کھیلتے ہیں۔
عاقب جاوید کا یہ بھی کہنا تھا کہ رضوان اور بابر 150 کا ٹارگٹ حاصل کر سکتے ہیں لیکن 180 کا نہیں۔
SEE ALSO: بابر اور رضوان کامیابی کی نئی بلندی پرلیکن جمعرات کو پاکستان کی اوپننگ جوڑی نے انگلینڈ کے خلاف 200 رنز کا ہدف حاصل کر کے ٹی ٹوئنٹی کرکٹ میں نئی تاریخ رقم کر دی ہے۔ اس اننگز میں رضوان نے 51 گیندوں پر 88 رنز کی ناقابلِ شکست اننگز کھیلی تھی۔
پاکستانی اوپنرز کی اس کارکردگی پر سابق انگلش کپتان ناصر حسین نے اپنے ٹویٹ میں کہا کہ اگر کوئی بھی شخص محمد رضوان اور بابر اعظم کو پاکستان کے مسائل کی جڑ قرار دے رہا ہے، تو اس نے دو سال سے کرکٹ ہی نہیں دیکھی۔
ان کا اشارہ سابق پیسر عاقب جاوید کی جانب تھا یا نہیں اس کے بارے میں کچھ کہا نہیں جاسکتا لیکن انجری کی وجہ سے ٹیم سے باہر ہونے والے شاہین شاہ آفریدی نے بابر اور رضوان کے ناقدین کو طنزیہ انداز میں جواب دیا ہے۔
If you think Babar and Rizwan have been the problem… you really haven’t been watching the last couple of years !!
— Nasser Hussain (@nassercricket) September 22, 2022
شاہین کا کہنا تھا 'وقت آگیا ہے کہ کپتان بابر اعظم اور محمد رضوان جیسے سیلفش کھلاڑیوں کو ہٹا دیا جائے۔ کیوں کہ اگر وہ صحیح طرح کھیلتے تو یہ میچ 15 اوورز میں ہی ختم ہوجاتا۔'
انہوں نے مذاق میں لکھا کہ آخری اوور تک میچ کو لے جانے کے خلاف ایک تحریک شروع کرنی چاہیے، جس کے بعد ایک مسکراتے ہوئے چہرے کا ایموجی بنا کر اپنی بات ختم کرتے ہوئے پاکستان ٹیم کی تعریف کی۔
I think it is time to get rid of Kaptaan @babarazam258 and @iMRizwanPak. Itne selfish players. Agar sahi se khelte to match 15 overs me finish hojana chahye tha. Ye akhri over tak le gaye. Let%27s make this a movement. Nahi? 😉Absolutely proud of this amazing Pakistani team. 👏 pic.twitter.com/Q9aKqo3iDm
— Shaheen Shah Afridi (@iShaheenAfridi) September 22, 2022
بھارت کے اسپورٹس جرنلسٹ وکرانت گپتا بابر کی پرفارمنس کی تعریف کرتے ہوئے ایک ٹویٹ میں کہتے ہیں بابر نے اپنی کارکردگی سے ناقدین کو جواب دیا ہے۔
Almost as if thumbing his nose at the critics, Babar Azam @babarazam258 #PAKvsEng
— Vikrant Gupta (@vikrantgupta73) September 22, 2022
جبران پیش امام نامی ٹوئٹر صارف لکھتے ہیں اپنی وفاداریوں کی تجدید کریں اور اب دوبارہ کبھی بادشاہ پر سوال نہ اٹھائیں۔
Renew your allegiances.And never question your King again. #PAKvENG
— Gibran Peshimam (@gibranp) September 22, 2022
ایک ٹوئٹر صارف نے بابر اور رضوان کی اوپننگ جوڑی کو اس وقت کا سب سے بہترین پیئر قرار دیا۔
Best opening pair going around at the moment!! 🔥🔥🔥 #PAKvENG #BabarAzam https://t.co/Y92qQw2DN4
— Marizanne Kapp (@kappie777) September 22, 2022
پاکستان ٹیم کے سابق کپتان سلمان بٹ لکھتے ہیں بابر اعظم اور رضوان نے ناقدین کو شاندار جواب دیا ہے۔
WHAT A PERFORMANCE TOP TOP RESPONSE TO CRITICS @babarazam258 and @iMRizwanPak . Outstanding 👏👏👏👑👑
— Salman Butt (@im_SalmanButt) September 22, 2022
راجنیش گپتا نے اپنے ٹویٹ میں کہا کہ پاکستان کی بغیر کسی نقصان کے 203 رنز بنا کر جیت ایک میچ کی جیت نہیں بلکہ یہ ٹی ٹوئنٹی کرکٹ کی سب سے بڑی فتح ہے۔
Pakistan%27s 203 is now the highest total in a 10-wicket win in ALL Twenty20 cricket (and not just the Twenty20 Internationals). #PAKvENG #PAKvsEng
— Rajneesh Gupta (@rgcricket) September 22, 2022
پاکستانی بیٹر فخر زمان نے بھی اپنے کپتان کو شاندار سینچری بنانے پر مبارک باد دیتے ہوئے لکھا کہ بابر کی واپسی ہوئی ہے۔ سیریز میں اب مزہ آئے گا۔سابق آف اسپنر سعید اجمل نے بابر اور رضوان کے درمیان ریکارڈ پارٹنر شپ پر لکھا کہ یہی وہ بیٹنگ آرڈر ہے جس کی پاکستان کو ضرورت ہے۔
ایویناش آرین نامی ٹوئٹر صارف نے 'جیو شیر' لکھ کر بابر اعظم کو مخاطب کیا، اور 'کنگ از بیک' کہہ کر ان کی اننگز کو داد دی۔