امریکہ کے خلائی ادارے ’ناسا‘ کا ایک خلائی جہاز خلا میں موجود شہاب ثاقب سے پتھروں کے نمونے لے کر زمین پر لینڈ کر گیا ہے۔
اوسیریس ریکس خلائی جہاز نے ایک کیپسول نما جہاز خلا میں چھوڑا جو امریکہ کی ریاست یوٹا کے صحرا میں لینڈ کر گیا ہے۔
سائنس دان کہہ رہے ہیں کہ اس کیپسول میں ایک کپ کے جتنا شہاب ثاقب کا ملبہ موجود ہے۔
تین برس پہلے جب خلا کی گہرائیوں میں موجود بینو شہابیے سے یہ ملبہ اٹھایا جا رہا تھا تو کنٹینر کی داخلی طرف کچھ پتھر پھنس گئے تھے۔ اس لیے یہ کیپسول کھول کر ہی معلوم ہوگا کہ اس میں کتنی مقدار میں یہ پتھر موجود ہیں۔
Only minutes away from landing! The #OSIRISREx main parachute has deployed at about 5,050 feet (1540m) to slow down the speed of the sample capsule. pic.twitter.com/2XzvRMKshz
— NASA (@NASA) September 24, 2023
برطانیہ کی ناٹنگھم ٹرینٹ یونیورسٹی کے خلانورد ڈینئیل براؤن نے خبر رساں ادارے ’ایسوسی ایٹڈ پریس‘ کو بتایا کہ ان نمونوں کے معائنے سے ہم نظام شمسی کی ابتدا کے بارے میں مزید جان سکیں گے کہ اس وقت کے پتھروں کی کیمیائی خصوصیات کیا تھیں اور پانی کیسے وجود میں آیا جب کہ زندگی بنانے والے مالیکیول کیسے بنے؟
ناسا کے ایڈمنسٹریٹر بل نیلسن کا کہنا تھا کہ ان نمونوں سے نظام شمسی کی ابتدا کی جھلک سامنے آئے گی۔
Precious cargo 🚁The #OSIRISREx asteroid sample hitches a ride on a helicopter. The next stop is a clean room here in Utah. It will eventually make its way to @NASA_Johnson for scientific analysis. pic.twitter.com/pP6ZHVtTXg
— NASA (@NASA) September 24, 2023
ناسا کے مطابق ان نمونوں کے معائنے کے لیے چند ہفتے درکار ہوں گے۔
ناسا ان نمونوں کو اکتوبر میں عوام کے سامنے لانا چاہتا ہے۔
بینو شہابیہ خلا کی گہرائیوں میں موجود ہے اور اس پر ساڑھے چار ارب برس پرانے پتھر موجود ہیں۔
ناسا کا اوسیریس ریکس 2016 میں اپنے مشن پر روانہ ہوا تھا اور بینو تک 2020 میں پہنچا۔
Your package has been delivered.The #OSIRISREx sample return capsule containing rock and dust collected in space from asteroid Bennu has arrived at temporary clean room in Utah. The 4.5-billion-year-old sample will soon head to @NASA_Johnson for curation and analysis. pic.twitter.com/Ke0PcDAKt0
— NASA (@NASA) September 24, 2023
زمین پر واپسی تک اس خلائی جہاز نے چھ ارب 20 کروڑ کلومیٹر سفر طے کیا ہے۔
اس رپورٹ میں خبر رساں ادارے ’ایسوسی ایٹڈ پریس‘ سے معلومات شامل کی گئی ہیں۔