پاکستان کرکٹ ٹیم کے وکٹ کیپر بیٹر محمد رضوان نے انٹرنیشنل کرکٹ کونسل (آئی سی سی ) ٹی ٹوئنٹی پلیئر آف دی ایئر کا ایوارڈ جیت لیا ہے۔
اتوار کو آئی سی سی کی جانب سے جاری اعلامیے میں کہا گیا ہے کہ 2021 کے دوران محمد رضوان کی شان دار کارکردگی، مستقل مزاجی, غیر متزلزل جذبے کے باعث اُنہیں بہترین کرکٹر کا ایوارڈ دیا گیا ہے۔
محمد رضوان نے 2021 کے دوران 29 ٹی ٹوئنٹی میچز میں 73.66 کی اوسط سے 1326 رنز بنائے تھے جس میں ایک سینچری بھی شامل تھی جب کہ محمد رضوان کا اوسط اسٹرائیک ریٹ 139.89 رہا۔
محمد رضوان نے گزشتہ برس ٹی ٹوئنٹی کرکٹ ورلڈ کپ کے دوران بھی کپتان بابر اعظم کے ساتھ مل کر اوپننگ شراکت داری میں رنز کے انبار لگائے۔ بھارت کے خلاف اُن کی ناقابلِ شکست اننگز نے پہلی بار پاکستان کو ورلڈ کپ مقابلوں میں بھارت کے خلاف کامیابی دلوائی۔
محمد رضوان نے بھارت کے خلاف میچ میں صرف 55 گیندوں پر 79 رنز کی ناقابلِ شکست اننگز کھیلی جس میں چھ چوکے اور تین چھکے شامل تھے۔
Sheer Consistency, indomitable spirit and some breathtaking knocks 🔥 2021 was memorable for Mohammad Rizwan 👊 More 👉 https://t.co/9guq9xKOod pic.twitter.com/6VZo7aaRIA
— ICC (@ICC) January 23, 2022
محمد رضوان نے ورلڈ کپ میں آسٹریلیا کے خلاف میچ بھی بیماری کی حالت میں کھیلا اور 52 گیندوں پر 67 رنز بنائے۔
محمد رضوان میچ سے دو روز قبل گلے میں انفیکشن اور نزلے کے باعث اسپتال میں بھی داخل رہے اور ان کی اسپتال کی تصاویر بھی وائرل ہوئی تھیں۔ تاہم محمد رضوان نے آسٹریلیا کے خلاف سیمی فائنل میں شان دار کارکردگی کا مظاہرہ کیا تھا۔
Mohammad Rizwan in hospital the night before the match against Australia. He had developed a severe chest infection and spent 2 nights in the ICU #T20WorldCup #PAKvAUS pic.twitter.com/E7qbcxdJmg
— Saj Sadiq (@SajSadiqCricket) November 11, 2021
محمد رضوان نے 2021 میں جنوبی افریقہ کے خلاف ہوم سیریز کے دوران لاہور میں اپنی پہلی ٹی ٹوئنٹی سینچری بنائی جس کے بعد اُنہوں نےپورے سال اپنی بہترین کارکردگی کا سلسلہ جاری رکھا۔
محمد رضوان وکٹوں کے پیچھے بھی اپنی شان دار کارکردگی کے باعث پاکستان کی فتوحات میں اپنا بھرپور کردار ادا کرتے رہے ہیں اور 2021 کے دوران اُنہوں نے وکٹوں کے پیچھے 24 شکار کیے۔
پاکستان کرکٹ بورڈ (پی سی بی) نے بھی محمد رضوان کو سال کے بہترین ٹی ٹوئنٹی پلیئر کا ایوارڈ جیتنے پر مبارک باد دی ہے۔
PCB congratulates Mohammad Rizwan on winning ICC Men%27s T20I Cricketer of the Year 2021 pic.twitter.com/tu7x0peXkl
— Pakistan Cricket (@TheRealPCB) January 23, 2022
آئی سی سی ایوارڈ جیتنے پر سوشل میڈیا پر بھی محمد رضوان کی تعریف کی جا رہی ہے۔
پاکستان کرکٹ ٹیم کے کپتان بابر اعظم نے بھی محمد رضوان کو آئی سی سی ٹی ٹوئنٹی کرکٹر آف دی ایئر کا ایوراڈ جتینے پر مبارک باد دی ہے۔
Congratulations @iMRizwanPakICC T20 man%27s of year❤️#ICCAwards2021 pic.twitter.com/NmxBWFjarh
— Babarazam (@Safeerbutt56) January 23, 2022
سری لنکن بیٹر ڈیموتھ کرونا رتنے نے بھی اپنی ٹوئٹ میں محمد رضوان کو مبارک باد دیتے ہوئے کہا کہ آپ اس ایوارڈ کے حق دار تھے۔
Congratulations @iMRizwanPak For Winning @ICC Men%27s T20I Cricketer of the year. Well deserved award! 👏🏼 #ICCAwards #ICCAwards2021 @TheRealPCB
— Dimuth Karunarathna (@IamDimuth) January 23, 2022
مصور خان بلوچ نامی صارف نے ٹوئٹ کی کہ مستقل مزاجی، جذبے اور دل کو چھو لینے والی اننگز سال 2021 محمد رضوان کے نام ہی رہا۔
Sheer Consistency, indomitable spirit and some breathtaking knocks 🔥 2021 was memorable for Mohammad Rizwan 👊 #ICCAwards #ICCAwards2021 pic.twitter.com/Vw3U5wYZrs
— Musawer Khan Baloch (@MusawerKhan512) January 23, 2022