بھارت کے وزیر اعظم نریندر مودی کو متحدہ عرب امارات کے دورے کے دوران اعلٰی سول ایوارڈ سے نوازنے پر پاکستان کے مختلف حلقوں کی جانب سے شدید تنقید کی جا رہی ہے۔
پاکستان کے سوشل میڈیا صارفین کشمیر کے موجودہ حالات کے تناظر میں متحدہ عرب امارات کی حکومت کے اس اقدام پر شدید برہمی کا اظہار کر رہے ہیں۔ بعض صارفین کا کہنا ہے کہ جب بھارت کے زیر انتظام کشمیر میں مسلمان گزشتہ 20 روز سے بھارت کی ظلم و بربریت کا سامنا کر رہے ہیں، ایسے میں مسلمان ممالک کے اتحاد کی بجائے نریندر مودی کو ایوارڈ دیے جا رہے ہیں۔
پاکستان میں ٹوئٹر پر 'شیم آن یو اے ای' ٹرینڈ کر رہا ہے جس میں صارفین اپنی رائے کا اظہار کر رہے ہیں۔
ایک سوشل میڈیا صارف افشاں نے لکھا ہے کہ مودی کے نازی اور فاشسٹ نظریے کو ایک اسلامی ملک میں پذیرائی مل رہی ہے۔
Modi is pawn in south asian regional politics seller(oldest democracy) and buyer( muslim brother) of nazism fascism #ShameOnUAE pic.twitter.com/5Um1tQRIY8
— Afshan (@beurself2020) August 25, 2019
بھارت کے وزیر اعظم نریندر مودی نے ہفتے کے روز متحدہ عرب امارات کا ایک روزہ دورہ کیا تھا اس دوران انہیں امارات کے سب سے بڑے 'زید' ایوارڈ سے نوازا گیا تھا۔
ایک صارف دانش شیخ نے لکھا ہے گجرات کے مسلمانوں کا قاتل عربوں کے نزدیک معتبر شخص ہے۔
#ShameOnUAESo if one is a slaughterer of Muslims, you are the best Man for Arabs! #KashmiriGenocideByModi pic.twitter.com/7Xrc55DUgt
— Danish Sheikh (@DanishSheikh999) August 25, 2019
ایف ایچ سلہری نامی صارف نے اپنی ٹوئٹ میں لکھا ہے کہ پیسے میں انسانیت سے زیادہ طاقت ہے۔
Apathetic Arab countries #ShameOnUAE pic.twitter.com/uctCL3e2fO
— FH Sulehri (@FhSulehri) August 25, 2019
بھارتی صارفین کی جانب سے بھی پاکستانی ٹوئٹر صارفین کی تنقید کا جواب دیا جا رہا ہے۔ ایک بھارتی صارف سبھاش نے لکھا ہے کہ پاکستان بھارت کی اس کامیابی پر آنسو بہا رہا ہے۔
Pakistan crying for indias win 😂 #ShameOnUAE pic.twitter.com/I4JWyzgJhH
— Subhash.M🇮🇳 (@subhashwodeyar1) August 25, 2019
ایک اور بھارتی صارف گیتگا سوامی نے لکھا ہے کہ پاکستان کے لیے مودی کو ملنے والے ایوارڈ کے علاوہ ایک اور تکلیف دہ بات بھارتی وزیر اعظم کے دورے کو متحدہ عرب امارات کے اخبارات اور میڈیا میں ملنے والی غیر معمولی کوریج بھی ہے۔
"Tolerant UAE, Secular India"The most heartbreaking headlines on Khaleej Times for Pakistan, as if the extensive media coverage of PM Modi and the "Order Of Zayed" was not enough :) #ShameOnUAE pic.twitter.com/DfLRWEyQiU
— Geetika Swami (@SwamiGeetika) August 25, 2019
سینئر صحافی اور تجزیہ کار سلیم صافی نے اپنی ایک ٹوئٹ میں اسلامی ممالک کی افواج کے سربراہ اور پاکستان کے سابق آرمی چیف جنرل راحیل شریف کو بھی تنقید کا نشانہ بنایا ہے۔
اپنی ٹوئٹ میں سلیم صافی نے وزیر اعظم عمران خان سے مطالبہ کیا کہ وہ فوری طور پر جنرل راحیل شریف کا اجازت نامہ منسوخ کر کے انہیں واپس بلا لیں۔
کشمیر کےحالات پر مجرمانہ خاموشی اور جنونی مودی پر عرب ممالک کے عنایات کےبعد کیا قومی غیرت کا تقاضا نہیں کہ ٹیپو سلطان کےنام لیواعمران خان،جنرل راحیل شریف کا اجازت نامہ منسوخ کرکے انہیں واپس بلالیں۔ حیران ہوں میجر شبیر شہید کا وارث اس کے بعد بھی سعودیوں کی نوکری کیوں کررہے ہیں؟
— Saleem Safi (@SaleemKhanSafi) August 24, 2019
اس سے قبل بھارت کے وزیر اعظم نریندر مودی نے متحدہ عرب امارات کی جانب سے ایوارڈ سے نوازے جانے پر اظہار تشکر کیا۔ اپنی ٹوئٹ میں نریندر مودی کا کہنا تھا کہ وہ یہ ایوارڈ بھارت کے ایک سو تیس کروڑ شہریوں کے نام کرتے ہیں۔
Humbled to be conferred the ‘Order of Zayed’ a short while ago. More than an individual, this award is for India’s cultural ethos and is dedicated to 130 crore Indians. I thank the UAE Government for this honour. pic.twitter.com/PWqIEnU1La
— Narendra Modi (@narendramodi) August 24, 2019
چیئرمین سینیٹ کا دورہ متحدہ عرب امارات منسوخ
پاکستان کے ایوان بالا سینیٹ کے چیئرمین صادق سنجرانی نے بطور احتجاج متحدہ عرب امارات کا دورہ مسوخ کر دیا ہے۔ سینیٹ کے ترجمان نے اپنے ایک بیان میں کہا ہے کہ چیئرمین سینیٹ نے اپنا دورہ بھارت کے زیر انتظام کشمیر میں انسانی حقوق کی خلاف ورزیوں کے باوجود امارات کی جانب سے نریندر مودی کو ایوارڈ سے نوازنے کے باعث بطور احتجاج منسوخ کیا ہے۔