آسٹریلوی کرکٹ ٹیم کے آل راؤنڈر گلین میکسویل کی ایک اور دھواں دھار بیٹںگ کی بدولت کینگروز نے یقینی شکست کو فتح میں بدل لیا۔
بھارت کے خلاف گوہاٹی میں کھیلے گئے تیسرے ٹی ٹوئنٹی میچ میں میکسویل نے 48 گیندوں پر 104 رنز ناٹ آؤٹ کی شاندار اننگز کھیل کر نہ صرف تن تنہا آسٹریلیا کو جیت سے ہم کنار کیا بلکہ ٹیم کو سیریز میں بھی واپس لے آئے۔
میسکویل کی تباہ کن بیٹںگ پر کرکٹ حلقوں میں ان کی خوب تعریفیں ہو رہی ہیں اور انہیں بہترین آل راؤنڈر قرار دیا جا رہا ہے۔
یہ پہلا موقع نہیں جب میکسویل نے تنہا ٹیم کو میچ جتوایا ہے۔ حال ہی میں کرکٹ ورلڈکپ کے دوران افغانستان کے خلاف میچ میں میکسویل نے شاندار سینچری بنا کر آسٹریلیا کی یقینی شکست کو جیت میں تبدیل کیا تھا۔
منگل کو کھیلے گئے میچ میں بھارت نے پہلے بیٹنگ کرتے ہوئے مقررہ اوورز میں تین وکٹوں کے نقصان پر 222 رنز بنائے جب کہ آسٹریلیا نے سنسنی خیز مقابلے کے بعد ہدف بیسویں اوور کی آخری گیند پر حاصل کرلیا۔
اس جیت کے ساتھ ہی آسٹریلوی ٹیم پانچ میچز کی سیریز میں واپس آگئی ہے۔
بھارت میں جاری ٹی ٹوئنٹی سیریز میں میزبان ٹیم کو اب بھی 1-2 کی برتری حاصل ہے۔
منگل کی شب کھیلے گئے میچ میں ایک موقع پر بھارت کی کامیابی یقینی دکھائی دے رہی تھی لیکن میکسویل بلے بازی کے سامنے بھارتی بالنگ لائن بے بس رہی ہے۔
ہدف کے تعاقب میں آسٹریلوی بلے بازوں کی وکٹیں گرتی رہیں اور چودھویں اوور میں 134 رنز پر مہمان ٹیم کے پانچ کھلاڑی پویلین لوٹ چکے تھے۔
Another inspiring inning from Glenn Maxwell. He scores 104 off 48 balls as Australia sensationally chase 223 against India to get back into the T20 series...#indvsaust20 #INDvAUS #Maxwell pic.twitter.com/q3M8ALbC8L
— Alee Baltee💧 (@Alee_Journalist) November 28, 2023
آسٹریلیا کے پانچ کھلاڑیوں کے آؤٹ ہونے کے بعد بظاہر بھارت کی میچ پر گرفت مضبوط ہو چکی تھی کیوں کہ ایک موقع پر میزبان ٹیم کو جیت کے لیے 33 گیندوں پر 85 اور پھر نو گیندوں پر 33 رنز درکار تھے۔
یہی نہیں آخری اوور کی چار گیندوں پر آسٹریلیا کو جیت کے لیے 16 رنز درکار تھے اور میسکویل نے پھر وہ کیا جس کے لیے وہ جانے جاتے ہیں۔
پراسِدھ کرشنا کی آخری گیندوں پر میسکویل نے ایک چھکا اور چار چوکے لگا کر میچ کو ختم کیا۔
البتہ میکسویل تن تنہا بھارتی بالرز کے سامنے ڈٹ گئے اور گراؤنڈ کے چاروں طرف زبردست شارٹس کھیلے۔
انہوں نے 8 چھکوں اور8 چوکوں کی مدد سے 48 گیندوں پر 104 رنز کی شاندار اننگز کھیلی۔
میکسویل نے 47 گیندوں پر سینچری مکمل کر کے نہ صرف ٹی ٹوئنٹی کرکٹ کی تیز ترین سینچری بنائی بلکہ محدود طرز کے کرکٹ فارمیٹ میں سب سے زیادہ سینچریاں بنانے کا روہت شرما کا ریکارڈ بھی برابر کر دیا ہے۔
بھارتی اسپورٹس جرنلسٹ وکرانت گپتا نے میسکویل کی اننگز کی تعریف کرتے ہوئے کہا کہ انہوں نے ہدف کے تعاقب میں ایک غیر معمولی اننگز کھیلی ہے۔
وکرانت کے بقول وہ حیران ہیں کہ آئندہ برس کھیلے جانے والے ٹی ٹوئنٹی ورلڈکپ کے لیے آسٹریلوی ٹیم کتنی مضبوط ہے۔
Just wondering how good a full-strength Australia will be in the T20 World Cup next year. This has been an extraordinary run chase by Maxwell #INDvsAUS
— Vikrant Gupta (@vikrantgupta73) November 28, 2023
سماجی رابطے کی سائٹ ایکس پر ایک صارف نے میکسویل کی تعریف میں لکھا کہ وہ کتنے پرسکون، اطمینان بخش اور ایک مکمل بلے باز ہیں جنہوں نے اپنے انداز میں میچ ختم کیا۔
Cool calm and composed, Glenn Maxwell finishing in style #indvsaust20 #RuturajGaikwad#T20I #T20WorldCup2024#Bumrah #Maxi #Tilak #PrasidhKrishna #Yorkerpic.twitter.com/Dl27vZ2oRF
— Sujeet Suman (@sujeetsuman1991) November 29, 2023
کرکٹ کمنٹیٹر عاطف نواز کہتے ہیں میکسویل نے ایک اور شاندار اننگز کھیلی ہے۔ جب میکسویل کھیل رہے ہوں تو دنیا میں کوئی بھی نہیں جو ہدف کے تعاقب کے لیے منطق پر بھروسہ کرے۔
Another awe-inspiring knock from Glenn Maxwell. He scores 104 off 48 balls as Australia sensationally chase 223 against India to get back into the T20 series. When Maxwell is on it, there is noone in the world who matches him for logic-defying chases. Incredible!!! #INDvsAUS pic.twitter.com/Z1c2yLNCMb
— Aatif Nawaz (@AatifNawaz) November 28, 2023
ایک صارف نے لکھا کہ جب پریشر بہت زیادہ ہو تب گلین میکسویل چمکتے ہیں۔
When the pressure is high, Glenn Maxwell shines...!!! 🫡 pic.twitter.com/EhBfQO0Epc
— Mufaddal Vohra (@mufaddal_vohra) November 28, 2023