سابق آل راؤنڈر عبدالرزاق کے بعد اب پاکستان کرکٹ بورڈ (پی سی بی) کے سابق چیئرمین رمیز راجا اپنی ایک پرانی ویڈیو کی وجہ سے سوشل میڈیا پر تنقید کی زد میں ہیں۔
رمیز راجا کی دو ماہ پرانی ایک ویڈیو پر تنقید ہو رہی ہے جس انہیں سابق ویسٹ انڈین کرکٹر سر ویوین رچرڈز اور ان کی اہلیہ نینا گپتا سے متعلق نا مناسب بات پر قہقہہ لگاتے دیکھا جا سکتا ہے۔
ویڈیو وائرل ہونے کے بعد سر ویوین رچرڈز اور نینا گپتا کی بیٹی اداکارہ مسابا گپتا نے رمیز راجا کو آڑے ہاتھوں لیا ہے۔
مسابا گپتا نے سوشل میڈیا پلیٹ فارم ایکس پر رمیز راجا کو مخاطب کرتے ہوئے لکھا کہ ان کی اس حرکت سے ان کے والدین اور انہیں کوئی فرق تو نہیں پڑا لیکن ان کی اپنی ذہنیت کھل کر سامنے آگئی۔
Dear Ramiz Raja ( sir ) grace is a quality few have. My father,mother and I have it in spades. You have none. Sickening to see you laugh on national TV in Pakistan at something the world stopped laughing at about 30 years back.Step into the future. All 3 of us are here with our…
— Masaba (@MasabaG) November 15, 2023
حال ہی میں پاکستانی کرکٹر عبدالرزاق نے بھارتی اداکارہ ایشوریا رائے سے متعلق نازیبا بیان دیا تھا جس پر انہیں سوشل میڈیا پر تنقید کا سامنا کرنا پڑا تھا۔
شدید تنقید کےبعد عبدالرزاق نے ایک ویڈیو بیان میں اداکارہ سے معافی مانگی تھی۔ ابھی عبدالرزاق کا معاملہ سوشل میڈیا پر تھما بھی نہ تھا کہ رمیز راجا کا پرانا کلپ وائرل ہو گیا ۔
مسابا گپتا نے رمیز راجا کے کلپ پر تنقید کرتے کہا ہے کہ"اعلیٰ ظرف ہونے کا تعلق رنگ و نسل سے نہیں اور ان کے والدین اس کی ایک بڑی مثال ہیں۔ لیکن افسوس ہے کہ آپ کے پاس اس کی کمی ہے۔"
انہوں نے رمیز راجا کو مزید کہا کہ وہ مستقبل کی طرف دیکھیں جہاں وہ اور ان کے والدین سر اٹھا کر زندگی گزار رہے ہیں، نہ کہ ایسے مذاق پر ہنسیں جس پر دنیا نے 30 سال پہلے ہی ہنسنا چھوڑ دیا تھا۔
SEE ALSO: ایشوریا رائے سے متعلق متنازع ریمارکس، تنقید کے بعد عبدالرزاق کی معذرترمیز راجا کی اس پرانی کلپ پر سوشل میڈیا صارفین کی جانب سے بھی تنقید کا سلسلہ جاری ہے۔تاہم رمیز راجا کی جانب سے اب تک فوری طور پر کوئی ردِ عمل سامنے نہیں آیا ہے۔
ششانک سنگھ نامی ایکس صارف نے پاکستانی میڈیا پر تنقید کرتے ہوئے کہا کہ مسابا کو اپنے والدین کی کردار کشی سے زیادہ نسلی تعصب والی بات پر غصہ آیا ہوگا جو ایک قابلِ مذمت بات ہے۔
I think what offended Masaba is a racist joke rather than character assassination of her parents. It’s sick either way. Pakistani media needs to grow the fuck up.#Masaba #VivRichards #RamizRaja #CWC23 #NeenaGupta pic.twitter.com/QCXPcaqDzP
— Shashank Singh (@RccShashank) November 16, 2023
ایک اور صارف نے کہا کہ ہوسکتا ہے رمیز راجا اور ویوین رچرڈز دوست ہوں لیکن اس لطیفے پر ہنس کر انہوں نے کم ظرفی کا مظاہرہ کیا ہے۔
The state of #Pakistan Media: Women mocking women, and then labeling Sir Viv Richards a racist slut. This is the level. #RamizRaja is probably friends with Viv, and laughing at this displays a double-sided chameleon face. All in all, a pathetic low after #AbdulRazzaq. https://t.co/4S75dsI9Pt
— Meru (@MeruBhaiya) November 16, 2023
اسی کی دہائی میں بالی وڈ اداکارہ نینا گپتا اور سر ویوین رچرڈز اخبارات کی سرخیوں کی زینت بنے تھے۔ لیکن دونوں نے کبھی باضابطہ طور پر شادی نہیں کی۔
ان کی بیٹی مسابا 1989 میں نئی دہلی میں پیدا ہوئی تھی جو اب ایک فیشن ڈیزائنر اور اداکارہ ہیں۔ رواں برس کے آغاز میں مسابا کی شادی میں شرکت کے لیے ویوین رچرڈز خصوصی طور پر بھارت بھی آئے تھے۔
Portraits for the ages. Frame worthy, timeless, and just right. ☺️Made yesterday for Masaba and Sattu%27s family, featuring Sir Vivian Richards.I%27m so darn blessed to do this for a living! pic.twitter.com/BU4WzXGRmk
— Joe (@josephradhik) January 27, 2023
مسابا نے اس موقع پر خوشی کا اظہار کرتے ہوئے کہا تھا کہ اپنے دونوں والد (ویوین رچرڈز اور نینا گپتا کے شوہر ویویک مہرا) کی موجودگی میں نئے رشتے کی شروعات ان کی زندگی کا سب سے یادگار لمحہ ہے۔
نینا گپتا اور ان کی بیٹی دونوں نیٹ فلکس کی بائیوگرافک سیریز 'مسابا مسابا' میں بھی اداکاری کررہی ہیں جس کے اب تک دو سیزن آچکے ہیں۔ اس ویب سیریز کی کہانی ان ہی دونوں خواتین کی زندگی کے گرد گھومتی ہے جسے ذرا سی تبدیلی کے ساتھ پیش کیا گیا ہے۔