سابق وزیرِ اعظم نواز شریف کی صاحب زادی اور مسلم لیگ (ن) کی نائب صدر مریم نواز سیاسی سرگرمیوں اور جوشیلے خطاب کی وجہ سے تو خبروں میں رہتی ہیں البتہ ان دنوں سوشل میڈیا پر ان کی گلوکاری کے چرچے ہیں۔
رواں ہفتے مریم نواز نے اپنے بیٹے جنید صفدر کی شادی کی تقریب میں گانا گا کر نہ صرف سب کو خوش گوار حیرت میں مبتلا کیا بلکہ اپنے سیاسی مخالفین سے بھی داد سمیٹی۔
ان کی گلوکاری پر سوشل میڈیا میں ہونے والے تبصروں پر مریم نواز نے کہا ہے کہ ان کے بیٹے کی شادی ایک خاندانی تقریب تھی۔ دیگر ماؤں کی طرح ان کو بھی حق حاصل ہونا چاہیے کہ وہ سیاسی تبصروں کا موضوع بنے بغیر اس موقع پر خوشی منا سکیں۔
انہوں نے ذرائع ابلاغ سے درخواست کی کہ ان کے خاندان کی نجی زندگی کی رازداری کی پاسداری کرے۔
My son’s wedding is a private,family affair. I,like all mothers,deserve a chance to celebrate the occasion without attracting political commentary. I humbly request media and everyone else to respect the family’s right to privacy. Thank you 🙏🏼
— Maryam Nawaz Sharif (@MaryamNSharif) December 7, 2021
سوشل میڈیا پر مریم نواز کی دو ویڈیوز وائرل ہوئی ہیں جن میں انہوں نے بالی وڈ فلم 'یادوں کی بارات' کا گانا 'چرا لیا ہے تم نے جو دل کو' اور فلم 'جرم' کا گیت 'جب کوئی بات بگڑ جائے' گایا ہے۔
اسی تقریب کی ایک اور ویڈیو بھی سوشل میڈیا پر وائرل ہو رہی ہے جس میں مریم نواز کے چچا زاد بھائی حمزہ شہباز بھی گانا گاتے دکھائی دے رہے ہیں۔
انہوں نے انڈین فلم 'قدرت' کا گانا 'ہمیں تم سے پیار کتنا۔۔۔' گا کر حاضرین سے داد سمیٹی۔
واضح رہے کہ مریم نواز کے بیٹے جنید صفدر کا نکاح رواں سال اگست میں لندن میں ہوا تھا اور ان دنوں ان کی شادی کی تقریبات جاری ہیں۔
اس تقریب میں جنید صفدر نے فلم 'ہم کسی سے کم نہیں' کا گانا 'کیا ہوا تیرا وعدہ' گایا تھا۔
ان کی گلوکاری پر ان کے نانا اور سابق وزیرِ اعظم نواز شریف کے کئی سیاسی مخالفین بھی انہیں داد دیے بغیر نہ رہ سکے تھے۔
مریم نواز کے چچا اور قومی اسمبلی میں اپوزیشن لیڈر شہباز شریف کے گلوکاری کے شوق کو کون نہیں جانتا۔
ٹی وی انٹرویوز میں گنگنانے سے لے کر ایک مقامی ہوٹل میں پروفیشنل سنگرز کی طرح گانا گانے تک وہ سب کچھ کر چکے ہیں جب کہ جلسوں میں وہ شاعر حبیب جالب کی نظموں کو ترنم سے پڑھتے تھے۔
Mian Shehbaz Sharif%27s hidden talent will blow your mind as he covers Ahmed Rushdie%27s icnonic %27Akelay Na Jana%27. Listen to the original song here: https://t.co/qilBIsdcGy#ShehbazSharif #Singing pic.twitter.com/IDtn0njKIs
— Patari (@patarimusic) June 26, 2018
یہ پہلا موقع نہیں ہے جب کسی سیاست دان نے موسیقی کے ذریعے اپنے چاہنے والوں کو حیران کیا ہو۔
سندھ کے دو گورنر بھی اس سے قبل موسیقی سے اپنی قربت کا اظہار کر چکے ہیں۔
Governor Sindh @drishratulebad playing National Anthem on Guitar at #KarachiKings ARY team launch event.@Jerjees pic.twitter.com/rL5VH6Wxhz
— ApnaShowbiz.com (@ApnaShowbiz) January 9, 2016
سابق گورنر سندھ عشرت العباد نے کراچی آرٹس کونسل میں ہونے والے ایک ایونٹ میں گٹار بجا کر سب کو حیران کیا تھا۔
موجودہ گورنر سندھ عمران اسماعیل نے بھی الیکشن سے قبل اپنا ایک سیاسی نغمہ ریکارڈ کرکے ریلیز کیا تھا۔
New PTI Song - Shah Zaman and Jawad Kahlown Featuring PTI Leader Imran Ismail - Rok Sako To Rok Lo (28.08.17)#PTI @ImranIsmailPTI pic.twitter.com/Sv9tQauNL8
— PTI (@PTIofficial) August 28, 2017
پاکستان کے سابق صدر اور فوج کے سابق سربراہ جنرل (ریٹائرڈ) پرویز مشرف بھی گانے کا شوق رکھتے تھے۔ ان کی ویڈیوز بھی سوشل میڈیا پر وائرل ہوتی رہی ہیں۔
اپنے بیٹے کی شادی میں گلوکاری پر مریم نواز کو مخالف جماعت پاکستان تحریکِ انصاف (پی ٹی آئی) کے رہنما اور وفاقی وزیر فواد چوہدری بھی داد دیے بغیر نہ رہ سکے۔
کابینہ اجلاس کے بعد پریس کانفرنس کے دوران جب صحافیوں نے ان سے مریم نواز کی گلوکاری سے متعلق سوال کیا تو انہوں نے مریم نواز کے ساتھ ساتھ حمزہ شہباز کی بھی تعریف کی۔
فواد چوہدری کا کہنا تھا کہ ان کا شریف خاندان سے سیاسی اختلاف ہے، ذاتی نہیں۔
انہوں نے کہا کہ سیاست دان بھی انسان ہوتے ہیں۔ اس قسم کی ویڈیوز سے ایک نارمل پاکستان کا تشخص سامنے آتا ہے۔
صحافی عالیہ رشید نے مریم نواز کی ویڈیو پر تبصرہ کیا کہ لوگوں کو تھوڑی دیر کے لیے بھول جانا چاہیے کہ مریم نواز ایک سیاست دان ہیں اور ان کے گانے سے لطف انداز ہونا چاہیے۔
Beautiful voice @MaryamNSharif Dosto, keep politics aside for a moment & enjoy the song. Two imp points, music, movies, art, sports, books do enlighten the minds.2) Political figures r Not untouchables, their human side makes them more human & normal. 👍 https://t.co/A3EJ9kJszy
— Aalia Rasheed (@aaliaaaliya) December 6, 2021
معروف کامیڈین سعد قیصر نے بھی مریم نواز کی گلوکاری پر خوش گوار حیرت کا اظہار کیا اور کہا کہ ان کی آواز بھی اپنے بیٹے جنید صفدر کی طرح انتہائی سریلی ہے۔
انہوں نے مریم نواز سے سوال بھی کیا کہ اگر آپ سیاست دان نہ ہوتیں تو کیا آپ گلوکارہ بننا پسند کرتیں؟
Dear @MaryamNSharif , I just heard you sing “Jub koi baat bigad jaye” song and trust me, your voice is as beautiful as your son Junaid. If you weren’t a politician, kya aap singer (musician) ban’na pasand kartin? But I guess, you have bigger responsibilities 😊🇵🇰
— Saad Kaiser (@TheSaadKaiser) December 6, 2021
تحریکِ انصاف کے کئی حامیوں نے بھی مریم نواز کی ویڈیو سوشل میڈیا پر شیئر کرتے ہوئے ان کی تعریف کی ہے۔
بعض صارفین کا کہنا تھا کہ سیاسی اختلاف ایک جانب رکھا جائے۔ مریم نواز کی آواز بہت اچھی ہے اور انہیں گلوگاری کا فن آتا ہے۔
@MaryamNSharif my political differences at side and want to praise her voice MashaallahAmazing voice and skills, good family time. ALLAH pak ye shadi ap k or ap k gher walo k lye Mubarak krayAmeen #MaryamNawaz https://t.co/f7JNFxkPUm
— Syed Hamza (@Shamzaofficial) December 7, 2021
’مریم نواز اور جنید صفدر کی گلوکاری میں نقص نظر نہیں آئے‘
معروف میوزک کمپوزر اور گلوکار عباس علی خان نے وائس آف امریکہ سے بات کرتے ہوئے کہا کہ انہیں مریم نواز اور جنید صفدر کی گلوکاری میں وہ نقص نظر نہیں آئے جو گانے کا شوق رکھنے والے عام افراد کی آواز میں پائے جاتے ہیں۔
ان کے مطابق شریف خاندان میں تو سب ہی لوگ سریلے ہیں۔ مریم نواز نے بھی 'جب کوئی بات بگڑ جائے' گایا تو متوازن گایا۔
عباس علی خان نے جنید صفدر کو شریف خاندان کا سب سے سریلا شخص بھی قرار دیا۔
ان کے مطابق شریف خاندان کے لوگوں اور نارمل سنگرز کی گائیکی میں وہی فرق ہے جو کسی شوقیہ گلوکار اور باقاعدہ ریاض کرنے والوں کی آواز میں ہوتا ہے۔ انہیں سر کی سمجھ ہے اور سریلے ہیں۔
’اس خاندان میں سب ہی اچھا گنگنا لیتے ہیں‘
گلوکارہ نتاشا بیگ بھی جنید اور مریم کی گلوکاری سے متاثر ہوئے بغیر نہ رہ سکیں۔
انہوں نے وائس آف امریکہ سے گفتگو کرتے ہوئے کہا کہ جنید صفدر کا گانا سنا تو خوشی ہوئی کہ وہ ایک 'کی' میں گا رہے ہیں اور دیگر گنگنانے والوں کی طرح سر سے نہیں ہٹ رہے۔ بے سرا انسان اسی وقت ہوتا ہے جب وہ ایک 'کی' میں نہیں رہ پاتا اور ایک پروفیشنل سنگر اور شوقیہ گانے والے میں سب سے بڑا فرق یہی ہوتا ہے۔
Your browser doesn’t support HTML5
انہوں نے مریم نواز کی گلوکاری کی بھی تعریف کرتے ہوئے کہا کہ اگر جنید کو وہ ساڑھے سات نمبر دیں گی تو دس میں سے سات نمبر مریم نواز کے ہوں گے۔
ان کے مطابق اس خاندان میں سب ہی اچھا گنگنا لیتے ہیں اور اگر یہ سیاست میں نہ ہوتے تو موسیقی میں آ سکتے تھے۔