وائٹ ہاؤس کے سامنے ایک شخص نے خود کو گولی مار کر شدید زخمی کر دیا جو بعد ازاں زخموں کی تاب نہ لاتے ہوئے دم تور گیا۔
سیکرٹ سروس کے مطابق اس شخص نے فائرنگ کر کے خود کو زخمی کیا جس کے فوری بعد وہاں طبی امداد دینے والا عملہ پہنچ گیا۔
لیکن کچھ ہی دیر بعد واشنگٹن پولیس نے ٹوئٹر پر اس شخص کی موت کی تصدیق کی۔ مذکورہ شخص کی شناخت تاحال ظاہر نہیں کی گئی ہے۔
Update: Adult male allegedly shot himself along the north fence line of the @WhiteHouse. No other injuries reported. Our natural death squad is on the scene. Will provide updates as they come in.
— DC Police Department (@DCPoliceDept) March 3, 2018
جس وقت یہ واقعہ پیش آیا صدر ڈونلڈ ٹرمپ اور خاتون اول میلانیا ٹرمپ فلوریڈا کے علاقے ویسٹ پام بیچ پر اپنی قیام گاہ میں تھے۔
صدر اور دیگر قومی شخصیات کے تحفظ کی ذمہ دار سیکرٹ سروس نے ٹوئٹر پر بتایا کہ مذکورہ شخص کے علاوہ کوئی اور شخص زخمی نہیں ہوا۔
وائٹ ہاؤس کے پریس آفس کے مطابق اسے اس واقعہ کا علم ہے اور صدر کو اس بارے میں آگاہ کر دیا گیا ہے۔
فائرنگ کا یہ واقعہ ایک ایسے وقت پیش آیا ہے جب گزشتہ ہفتے فلوریڈا کے ایک اسکول میں فائرنگ سے 17 لوگوں کی ہلاکت کے بعد امریکہ میں گن کٹرول کے معاملے پر ایک بار پھر شدید بحث چھڑ چکی ہے۔