لاہور کی اورنج لائن میٹرو ٹرین کا افتتاح

اورنج ٹرین کے ٹریک پر 27 ٹرینیں چلیں گی اور ہر ٹرین پانچ بوگیوں پر مشتمل ہوگی۔ 

منصوبے کا معاہدہ پاکستان اور چین کے درمیان مئی 2014 میں ہوا تھا۔ اس وقت پنجاب میں مسلم لیگ (ن) کی حکومت تھی۔

ایک ٹرین میں 1350 افراد سفر کر سکیں گے اور پنجاب حکومت کے مطابق ہر روز ڈھائی لاکھ مسافر اس میں سفر کر سکیں گے۔

افتتاحی تقریب میں وزیراعلی عثمان بزدار کے علاوہ چیئرمین سی پیک اتھارٹی لیفٹننٹ جنرل ریٹائرڈ عاصم سلیم باجوہ اور چینی سفیر بھی شریک ہوئے۔ 

اورنج لائن میٹرو ٹرین کا یکطرفہ کرایہ 40 روپے رکھا گیا ہے۔

شہری 26 اکتوبر سے اورنج ٹرین میں سفر کر سکیں گے۔

ٹرین صبح ساڑھے سات سے رات ساڑھے آٹھ بجے تک چلائی جائے گی۔

بجلی سے چلنے والی اورنج لائن ٹرین کو آٹھ گرڈ اسٹیشنز سے بجلی فراہم کی جائے گی۔

ٹرین روٹ پر 24 ایلی ویٹیڈ اور 2 انڈر گراؤنڈ اسٹیشنز بنائے گئے ہیں۔