پاکستان کرکٹ ٹیم میں چار برس بعد کم بیک کرنے والے سابق کپتان سرفراز احمد کراچی ٹیسٹ میں پاکستان کو فتح تو نہ دلوا سکے، تاہم اُن کی شان دار سینچری نے ٹیم کو شکست سے بچا لیا۔
سابق کپتان کی کارکردگی پر جہاں سوشل میڈیا پر اُن کی تعریفیں ہو رہی ہیں تو وہیں کرکٹ ماہرین یہ بھی کہہ رہے ہیں کہ سابق کپتان کی شان دار کارکردگی نے پاکستان ٹیم کو مسلسل تیسری ہوم سیریز میں شکست سے بچا لیا۔
سرفراز احمد کو مین آف دی میچ کے ساتھ ساتھ مین آف دی سیریز کا ایوارڈ بھی دیا گیا۔
کراچی ٹیسٹ کے آخری روز نیوزی لینڈ کی ٹیم میچ جیتنے کے لیے فیورٹ تھی، کیوں کہ پاکستان کی صفر پر دو وکٹیں چوتھے روز کھیل کے اختتام پر ہی گر چکی تھیں اور یہی حالات پانچویں روز بھی رہے جب پاکستان کی 80 رنزپر پانچ وکٹیں گر گئیں۔
ایسے میں سرفراز احمد نے اپنے ہوم کراؤڈ کے سامنے وہ اننگز کھیلی جو شاید اُنہیں برسوں یاد رہے گی۔
سرفراز کی اسی شان دار کارکردگی پر سوشل میڈیا پر بھی ان کی دُھوم ہے اور ان کے نام کا ہیش ٹیگ ٹرینڈ کر رہا ہے۔
اوی ناش آریان نامی صارف نے سرفراز کی سینچری پر بابر اعظم کی خوشی کی تصویر شیئر کرتے ہوئے لکھا کہ سرفراز نے ہر موقع پر بڑے بھائی کی طرح بابر کو سپورٹ کیا۔ اب جب بڑے بھائی نے رنز کیے تو چھوٹے بھائی کا خوش ہونا تو بنتا تھا۔
See the reaction of Babar Azam,Imam Ul Haq on Sarfaraz Ahmed Century. Saifi bhai treats Babar Like his younger brother. Aur jab bada bhai, runs banaye to chhota bhai khush toh hoga hi.Much love for Babar and Sarfaraz.🫶 pic.twitter.com/ZemIhjGtjc
— Avinash Aryan (@AvinashArya09) January 6, 2023
مسکان نامی صارف نے گراؤنڈ میں موجود سرفراز احمد کی اہلیہ کی تصویر شیئر کرتے ہوئے لکھا کہ جب سرفراز نے سینچری بنائی تو اُن کی اہلیہ آبدیدہ ہو گئیں۔
Sarfaraz Ahmed%27s wife was crying with happiness 🥺🤍 pic.twitter.com/qUJsUp3neR
— MUSKAN 🇵🇰 (@Musskey) January 6, 2023
فاسٹ بالر محمد عامر نے بھی سرفراز کی سینچری پر ٹوئٹ کرتے ہوئے لکھا کہ "بابو آپ اصل چیمپئن ہیں، اللہ نظرِ بد سے بچائے۔"
what a knock @SarfarazA_54 babu u are true champion Allah nazar se bachaye ameen👏
— Mohammad Amir (@iamamirofficial) January 6, 2023
سابق کپتان وسیم اکرم نے بھی سرفراز احمد کی تعریف کی اور ٹوئٹ کی کہ چوتھی اننگز میں دباؤ میں ہوتے ہوئے بھی اُنہوں نے شان دار اننگز کھیلی۔
What a knock from @SarfarazA_54 and that too under pressure in fourth innings . We all are super proud of you 👏. #PAKvNZ
— Wasim Akram (@wasimakramlive) January 6, 2023
فرید خان نامی صارف نے ٹوئٹ کی کہ سرفراز احمد نے نیوزی لینڈ کے خلاف سیریز میں چار اننگز میں 84 کی اوسط سے 335 رنز بنائے۔
Sarfaraz Ahmed in the Test series against New Zealand:Inns 4Runs 335Ave 83.7550s 3100s 1HS 118The highest run-scorer in his comeback series 👏 #PAKvNZ pic.twitter.com/142LgHN4mu
— Farid Khan (@_FaridKhan) January 6, 2023
علی حسن نامی ایک ٹوئٹر صارف نے سینچری کے بعد سرفراز احمد کی خوشی مناتے تصویر شیئر کی اور لکھا کہ 'شیر دھاڑ رہا ہے۔"
Lion%27s Roar#SarfarazAhmed #PakvsNZ pic.twitter.com/jLSgF9KoEf
— Ali Hasan (@AaliHasan10) January 6, 2023
خیال رہے کہ پاکستان کرکٹ ٹیم کے سابق کپتان سرفراز احمد کو ٹیسٹ اور ٹی ٹوئنٹی فارمیٹ کی کپتانی سے ہٹا کر اظہر علی کو ٹیسٹ میچز جب کہ بابر اعظم کو ٹئ ٹوئنٹی فارمیٹ کا کپتان بنایا گیا تھا۔
بعدازاں اظہر علی کو کپتانی سے ہٹا کر تینوں فارمیٹس کی کپتانی بابر اعظم کے سپرد کر دی گئی تھی۔