پاکستان سپر لیگ کے ساتویں ایڈیشن میں مسلسل آٹھ شکستوں کے بعد بابر الیون نے ایونٹ میں نئی تاریخ رقم کردی ہے۔
ناکامیوں کے بھنور میں پھنسی کراچی کنگز ٹائٹل کی دوڑ سے تو پہلے ہی باہر ہو گئی تھی لیکن اسے ایونٹ میں اب تک ایک میچ میں بھی کامیابی نہیں مل سکی۔
لاہور کے قذافی اسٹیڈیم میں بدھ کو ملتان سلطانز کےخلاف کانٹے کے مقابلے کے باوجود کراچی کنگز کو سات وکٹوں سے شکست کا سامنا کرنا پڑا۔ میچ کے آخری اوور میں جب ملتان سلطانز کو پانچ گیندوں پر سات رنز درکار تھے تو اس موقع پر باؤنڈری لائن پر موجود کراچی کنگز کے صدر وسیم اکرم کو غصے بھرے انداز میں بابر اعظم سے گفتگو کرتے ہوئے دیکھا گیا۔
سوشل میڈیا پر وائرل ہونے والی ایک ویڈیو میں دیکھا جا سکتا ہے کہ وسیم اکرم کے چہرے کے تاثرات سے معلوم ہوتا ہے کہ وہ بابر اعظم پر غصہ کر رہے ہیں۔
what%27s happening here 🥲Wasim Akram You can%27t do this with Babar Azam #BabarAzam #KarachiKings #Rizwan#Khushdil Shah pic.twitter.com/qGuJoJl5fB
— Samra Khan 🇵🇰 (@cric_girl007) February 16, 2022
وسیم اکرم نے اس سارے معاملے پر کہا ہے کہ وہ باؤنڈری پر بابر سے کی جانے والی گفتگو پر آنے والا ردِعمل دیکھ کر حیران ہوئے۔
انہوں نے کہا کہ میں یہ کہہ رہا تھا کہ 'کیوں ہمارے بالر یارکر یا سلوئر ونز نہیں کرا سکتے۔'ان کے بقول بابر اعظم ایک بہترین لڑکا ہے اور وہ اپنی پوری کوشش کر رہا ہے۔
Hello ! Surprised to see reactions on my talking to Babar at the boundary last night. What I was saying was ‘why our bowlers are not bowling yorkers or slower ones offside off’.nothing else . Babar is a wonderful boy and has tried his best. And what he wants for dinner 🥘 1/2
— Wasim Akram (@wasimakramlive) February 17, 2022
بابر اعظم کی قیادت میں کراچی کنگز کے ابتدائی چھ میچز یکطرفہ رہے لیکن ساتویں اور آٹھویں میچ میں کنگز کے کھلاڑیوں کی جانب سے بھرپور مزاحمت دیکھی گئی لیکن پھر بھی ٹیم کو فتح نہ مل سکی۔ کراچی کنگز کی اس کارکردگی پر ٹیم کے مداحوں نے شدید برہمی کا اظہار کیا ہے اور بابر بھی تنقید کی زد میں ہیں۔
کپتان بابر کی انفرادی کارکردگی بھی پی ایس ایل 7 میں کوئی زیادہ شاندار نہیں۔ وہ آٹھ میچز میں اب تک 268رنز اسکور کرچکے ہیں جس میں ان کی ایک 90 رنز ناٹ آؤٹ کی اننگز بھی شامل ہے۔
بابر اعظم پر بطور کپتان اور بلے باز شائقین کی تنقید کے بعد ان کے والد کی جانب سے بھی پیغام جاری کیا گیا ہے۔
بابر اعظم کے والد اعظم صدیقی نے انسٹاگرام کی ایک پوسٹ میں کہا کہ ''دعا ہے اللہ بابر اعظم کا یہ جمود توڑے اور فارم بحال کرے۔''
ان کے بقول بابر اعظم نہ گھبراتے ہیں نہ محنت چھوڑتے ہیں اور نہ ہی اللہ کی رحمت سے مایوس ہیں۔ وہ اپنی پوری کوشش کر رہے ہیں۔
بابر اعظم کے والد کا کہنا تھا کہ دنیا میں بڑے سے بڑا کھلاڑی آؤٹ آف فارم ہوجاتا ہے۔ دعا ہے کہ آسٹریلیا کے خلاف ان کی فارم بحال ہو۔
عرفہ فیروز ذکی نامی ٹوئٹر صارف نے بابر اعظم اور وسیم اکرم کے معاملے پر لکھا کہ اگر وسیم اکرم بابر اعظم پر برہم ہوئے ہیں تو یہ مکمل غلط ہے۔انہوں نے کہا کہ آپ (وسیم اکرم) قومی ٹیم کے کپتان کے ساتھ ایسا نہیں کرسکتے۔ انہوں نے سوال کیا کہ کیا بابر نے کراچی کنگز کے اسکواڈ کا انتخاب کیا تھا؟
عرفہ کا کہنا تھا کہ صرف بابر اعظم کراچی کنگز کے لیے پرفارم کر رہے ہیں۔ اس طرح ان پر غصہ ناانصافی ہے۔
Was Wasim Akram going harsh on Babar Azam on the boundary line?If so then it%27s totally wrong!You can%27t do that to captain of national team. Did Babar chose squad of Karachi Kings?It is only Babar who%27s performing for KK. Babar at the receiving end of anger is unjustified!#HBLPSL7 pic.twitter.com/QEHJmU8YS8
— Arfa Feroz Zake (@ArfaSays_) February 16, 2022
ایک اور ٹوئٹر صارف ارشد خان تنولی نے کہا کہ پاکستان کے تمام فارمیٹ کے کپتان کے ساتھ وسیم اکرم کا ایسا رویہ انتہائی مایوس کن ہے۔ وہ ہمارے ہیرو اور دنیا کے بہترین کھلاڑی ہیں۔ ہار اور جیت کھیل کا حصہ ہے لیکن آپ اس طرح انہیں ڈانٹ نہیں سکتے۔
Really disappointed to see All Format Captain of Pakistan @babarazam258 is being treated like this by Wasim Akram. He is our hero and world’s best player, win and lose is part of game but you cannot scold him like this!#KKvMS #BabarAzam pic.twitter.com/IUZppN025G
— Arshad Khan Tanoli (@Arshadkhan_ofcl) February 16, 2022
یاد رہے کہ ملتان سلطانز کے خلاف کراچی کنگز نے پہلے بیٹنگ کرتے ہوئےمقررہ 20 اوورز میں 174 رنز اسکور کی تھے جس کے جواب میں ملتان کے کپتان محمد رضوان نے ذمہ دارانہ بیٹنگ کی اور 76 رنز اسکور کیے۔
ملتان سلطانز نے 175 رنز کا ہدف تین وکٹوں کے نقصان پر تین گیندیں قبل ہی پورا کیا تھا۔
Slow and steady, they won the race. #HBLPSL7 l #LevelHai l #MSvKK pic.twitter.com/1hG3yMJmpi
— PakistanSuperLeague (@thePSLt20) February 16, 2022
اس شکست کے ساتھ ہی کراچی کنگز کسی بھی پی ایس ایل میں ایک ساتھ سب سے زیادہ میچز ہارنے والی واحد ٹیم بن گئی ہے۔
اس سے قبل گزشتہ برس ہونے والی پی ایس ایل میں کوئٹہ گلیڈی ایٹرز کی کارکردگی بھی مایوس کن رہی تھی اور وہ سیزن میں مجموعی طور پر آٹھ میچز ہار گئی تھی۔لیکن کراچی کنگز نے لگاتار آٹھ میچز ہار کر تاریخ رقم کی ہے۔
خیال رہے کہ سال 2019 کے پی ایس ایل میں لاہور قلندرز کی ٹیم کو ایونٹ میں مجموعی طور پر سات میچز میں شکست ہوئی تھی۔