پاکستان کے صوبہ بلوچستان سے تعلق رکھنے والے صحافی اور مصنف عابد میر مبینہ طور پر اسلام آباد سے لاپتا ہو گئے ہیں۔
عابد میر کے بھائی خالد میر نے میڈیا کو بتایا کہ اُن کا آخری مرتبہ بدھ کی شام ساڑھے چھ بجے اہلِ خانہ سے رابطہ ہوا تھا۔ ان کی آخری لوکیشن اسلام آباد کے جی الیون مرکز کی آئی تھی۔
خالد میر کا کہنا تھا کہ "ہمیں حالیہ عرصے میں کوئی خطرہ نہیں تھا اور ایسا کوئی معاملہ نہیں تھا جس کی بنا پر ہم کسی پر کوئی شک ظاہر کریں۔"
اسلام آباد پولیس کا مؤقف ہے کہ سوشل میڈیا کے ذریعے صحافی کے لاپتا ہونے کی اطلاعات سامنے آئی تھیں جب کہ صحافی کے اہلِ خانہ کی درخواست پر کارروائی جاری ہے، جلد مقدمہ درج کر کے تفتیش کا آغاز کر دیا جائے گا۔
درخواست کا متن
تھانہ رمنا میں ان کے بھائی خالد حسین کی طرف سے دی جانے والی درخواست میں بتایا گیا کہ عابد میر کی گزشتہ شام اپنی اہلیہ سے 6 بج کر 22 منٹ پر بات ہوئی اور اس کے بعد ان کے اہل خانہ کا ان سے کوئی رابطہ نہیں ہے۔ عابد کے کچھ دوستوں کا کہنا ہے کہ عابد کا فون رات نو بجے تک کھلا تھا لیکن وہ کال وصول نہیں کر رہے تھے۔
خالد حسین نے کہا کہ" عابد میر پیشے کے لحاظ سے پوسٹ ڈگری کالج سریاب روڈ کوئٹہ میں اسسٹنٹ پروفیسر ہیں اور نمل یونیورسٹی سے پی ایچ ڈی کررہے ہیں۔ ان کا اس طرح گمشدہ ہوجانا ان کے اہل خانہ اور دوستوں کے لیے باعث تشویش ہے لہذا قانونی کارروائی کرکے عابد میر کو بازیاب کروایا جائے۔"
بلوچستان کے معروف لکھاری دانشور صحافی پروفیسر عابد میر کل شام سے فیملی کا ساتھ رابطے میں نہیں۔وہ شہر اقتدار اسلام آباد میں گھر سے بنک کے لیے نکلے اور تاحال لاپتہ ہے۔ہم سب کو انکی تشویش ہورہی ہے اللہ پاک ان کو اپنی حفظ و امان میں رکھے@HamidMirPAK @a_siab @AsadAToor pic.twitter.com/mABvDC1xT3
— Ali Ahmed Langau (@AliAhmedNp) March 9, 2023
اسلام آباد پولیس کے ایس پی رخسار مہدی نے وائس آف امریکہ سے بات کرتے ہوئے کہا کہ اس بارے میں پولیس کو سوشل میڈیا سے آگاہی حاصل ہوئی تھی لیکن ان کے اہل خانہ کی طرف سے کوئی رابطہ نہیں کیا گیا تھا۔
رخسار مہدی کا کہنا تھا کہ بعدازاں اہلِ خانہ کی درخواست پر قانونی کارروائی کی جا رہی ہے۔
بلوچستان سے تعلق رکھنے والے صحافی کیا بلوچ نے ایک ٹوئٹ میں کہا کہ عابد میر صاحب ایک صحافی، کالم نگار اور مصنف ہیں جو تنقیدی تحریروں اور کہانیوں کی وجہ سے جانے جاتے ہیں۔
اُنہوں نے کہا کہ عابد میر کا شمار بلوچستان میں حکام کی پالیسیوں پر تنقید کرنے والوں میں ہوتا ہے۔ اُنہوں نے اپنے قلم کے ذریعے بلوچستان کے وہ مسائل اُجاگر کرنے کی کوشش کی ہے جو مقامی میڈیا رپورٹ نہیں کرتا۔
بلوچستان سے تعلق رکھنے والے صحافی کیا بلوچ کے مطابق عابد میر صاحب ایک صحافی، کالم نگار اور مصنف ہیں. انہوں نے کہا کہ میر نے اپنی قلم سے بلوچستان کے ایسے مسائل کو اجاگر کرنے میں کلیدی قردار ادا کی ہے جو میڈیا میں رپورٹ نہیں ہوتے۔‘#FindAbidMir https://t.co/AYCi4A469Y
— Kiyya Baloch (@KiyyaBaloch) March 9, 2023
عابد میر کی گمشدگی پر سوشل میڈیا پر بھی ان کے بارے میں 'فائنڈ عابد میر' کے نام سے ٹرینڈ چلایا جارہا ہے۔
لاپتا بلوچ افراد کی بازیابی کے لیے سرگرم سماجی کارکن ماہ رنگ بلوچ نے ایک ٹوئٹ میں کہا کہ عابد میر ایک ترقی پسند صحافی اور معروف لکھاری ہیں۔ ان کی اسلام آباد سے گمشدگی ایک تشویش ناک معاملہ ہے۔
Abid Mir is a progressive journalist and renowned writer. His disappearance from Islamabad last night is a matter of serious concern. We request the Islamabad Police and Government play their role in the recovery of Abid Mir as soon as possible.#FindAbidMir pic.twitter.com/URGwKtPqI8
— Mahrang Baloch (@MahrangBaloch_) March 9, 2023
حفیظ بلوچ نامی صارف نے عابد میر کی ایک نظم 'اندراج کرو؛ میں بلوچ ہوں’ پر مبنی ٹوئٹ کی اور مطالبہ کیا کہ انسانی حقوق کے کارکن صحافی اور سیاسی شخصیات عابد میر کی بازیابی کے لیے آواز اُٹھائیں۔
All progressive friends of Pakistan, writers, intellectuals, human rights activists, journalists and politically minded friends are requested to raise their voice for the speedy recovery of Abid Mir, Abid Mir is Balochistan and Balochistan is Abid Mir.#FindAbidMir pic.twitter.com/JEewMO64Qe
— Hafeez Baloch AWP (@BalochHafeez201) March 9, 2023