انگلینڈ اور بھارت کے درمیان کھیلے جا رہے ٹیسٹ میچ میں ایک نئی تاریخ رقم ہوئی ہے۔ بھارتی کپتان جسپریت بمرا نے انگلش بالر اسٹوئٹ براڈ کے ایک اوور میں 35 رنز بنا کر عالمی ریکارڈ اپنے نام کرلیا ہے۔
ایج باسٹن میں کھیلے جا رہے ٹیسٹ میچ کے دوسرے روز پہلی اننگز کا آخری اوور بھارتی اور انگلش کھلاڑی دونوں کے لیے یادگار بن گیا۔
بھارتی کپتان جسپریت بمرا نے ایک اوور میں 35 رنز اسکور کیے جس میں ایک نو بال اور پانچ وائیڈ کے رنز بھی شامل تھے۔
بمرا نے انگلش بالر براڈ کی پہلی گیند پر چوکا لگایا جس کے بعد اگلی گیند وائٹ ہوکر باؤنڈری لائن کو چھو گئی اس طرح پانچ رنز مزید اسکور ہوئے۔
🔥 4 5wd 6nb 4 4 4 6 1 🔥Jasprit Bumrah v Stuart Broad – What an over! 🏏#WTC23 | #ENGvIND pic.twitter.com/WnGyEBmF0N
— ICC (@ICC) July 2, 2022
براڈ نے اوور کی تیسری گیند نو بال کرائی جس پر جسپریت بمرا نے چھکا دے مارا۔
اس کے بعد اگلی تین گیندوں پر بمرا نے لگاتار تین چوکے مارے۔
اوور کی آخری دو گیندوں میں سے پانچویں گیند پر بمرا نے ایک اور چھکا دے مارا جب کہ آخری گیند پر ایک رنز اسکور کیا۔
اس طرح اسٹوئٹ براڈ نے ٹیسٹ میچ کے ایک اوور میں 35 رنز دے کر سب سے زیادہ رنز دینے کا ریکارڈ بنا لیا۔
35 runs in an over! World record. And that too by Jasprit Bumrah off Stuart Broad. Boom boom💥 💥 pic.twitter.com/ED96xJzxSu
— Harsh Goenka (@hvgoenka) July 2, 2022
اس سے قبل ٹیسٹ میچ میں ایک اوور میں سب سے زیادہ رنز بنانے کا اعزاز ویسٹ انڈیز کے مایہ ناز کھلاڑی برائن لارا کے پاس تھا جنہوں نے سن 2013 میں جنوبی افریقی بالر رابن پیٹرسن کے خلاف 28 رنز اسکور کیے تھے۔
ان کے علاوہ آسٹریلوی کھلاڑی جارج بیلی اور جنوبی افریقی کھلاڑی کیشو مہاراج بھی ایک اوور میں 28 رنز اسکور کرچکے ہیں۔