اسرائیل کی فوج نے غزہ کی سرحد کے قریب فائرنگ کر کے چار فلسطینیوں کو ہلاک کر دیا ہے۔
اسرائیل کی دفاعی فورس نے اپنی ایک ٹوئٹ میں کہا ہے کہ غزہ سے اسرائیل کی طرف بڑھنے والے چار مسلح افراد کو فائرنگ کر کے ہلاک کردیا گیا ہے جن کے پاس بھاری تعداد میں رائفلز اور دستی بم تھے۔
We just identified a number of terrorists from Gaza approaching Israel, armed with AK-47 assault rifles, RPG grenade launchers & grenades—one of which was thrown. Once one of the terrorists crossed into Israel, our troops opened fire. The terrorists were neutralized.
— Israel Defense Forces (@IDF) August 10, 2019
بیان میں کہا گیا ہے کہ مسلح افراد میں سے ایک اسرائیل کی حدود کے اندر داخل ہوا جس کے جواب میں فوجی اہلکاروں نے انہیں نشانہ بنایا۔
اسرائیل کی فوج نے ایک اور ٹوئٹ میں مارے جانے والے مسلح افراد کے قبضے سے برآمد مبینہ اسلحے کی تصاویر بھی شیئر کیں اور کہا کہ " عسکریت پسندوں کو گزشتہ رات ہلاک کیا گیا جن کا مقصد اسرائیلیوں کو قتل کرنا تھا۔"
These are the weapons possessed by the terrorists who attempted to infiltrate into Israel from Gaza last night.Their (unfulfilled) objective: murdering Israelis. pic.twitter.com/sQbMPK59sX
— Israel Defense Forces (@IDF) August 10, 2019
دوسری جانب فلسطینی حکام اور غزہ میں مسلح تنظیموں کی جانب سے اب تک کوئی ردعمل سامنے نہیں آیا ہے۔
یاد رہے کہ غزہ میں فلسطینی مسلح تنظیم 'حماس' کا 2007 سے کنٹرول ہے اور اس عرصے کے دوران اسرائیلی فوج اور حماس کے مابین متعدد جھڑپیں ہو چکی ہیں۔