پاکستان کرکٹ ٹیم کے فاسٹ بالر نسیم شاہ انجری کی وجہ سے آئندہ ماہ اکتوبر میں ہونے والے ورلڈ کپ سے باہر ہو سکتے ہیں۔
نسیم شاہ ایشیا کپ میں بھارت کے خلاف میچ کے دوران انجری کی وجہ سے میچ مکمل نہیں کر سکے تھے جس کے بعد پاکستان کرکٹ بورڈ نے بتایا تھا کہ وہ ایونٹ میں ٹیم کی مزید نمائندگی نہیں کر سکتے۔
اب اطلاعات ہیں کہ فاسٹ بالر کی انجری سنگین نوعیت کی ہے جس کی وجہ سے ان کی ورلڈ کپ میں شرکت بھی مشکوک ہو گئی ہے۔
کرکٹ کی سائٹ کرک انفو کی ایک رپورٹ کے مطابق نسیم شاہ کی انجری سے متعلق ابتدائی رپورٹ میں انکشاف ہوا ہے کہ ان کے دائیں کاندھے میں سنگین نوعیت کی انجری ہوئی ہے۔ البتہ پی سی بی نسیم شاہ کے ایک مرتبہ پھر ٹیسٹ کرانے کا ارادہ رکھتا ہے۔
رپورٹ کے مطابق دبئی میں کیے گئے ٹیسٹ کی رپورٹ کی روشنی میں نسیم شاہ نہ صرف ورلڈ کپ میں ٹیم کی نمائندگی نہیں کر سکیں گے بلکہ رواں برس کے اختتام پر آسٹریلیا کے خلاف سیریز بھی نہیں کھیل سکیں گے۔
پاکستان کرکٹ بورڈ نے ایک بیان میں کہا ہے کہ نسیم شاہ کی دیکھ بھال کے لیے انہیں طبی ماہرین بہترین سہولتیں دے رہے ہیں جب کہ پی سی بی کا میڈیکل بورڈ بھی ان کے کاندھے کی انجری کی صورتِ حال کو دیکھ رہا ہے۔
SEE ALSO: ایشیا کپ میں شکست: 'بابر اعظم کی کپتانی پر اعتماد کم ہو رہا ہے'پی سی بی کے مطابق میڈیکل پینل فاسٹ بالر کی طبی رپورٹ آنے کے بعد ان کی کرکٹ میں واپسی کا فیصلہ کرے گا۔
واضح رہے کہ ایشیا کپ کے سپر فور مرحلے میں بھارت کے خلاف کھیلتے ہوئے 46 ویں اوور میں نسیم شاہ انجری کا شکار ہوئے تھے اور وہ گراؤنڈ سے باہر چلے گئے تھے۔
نسیم شاہ کی غیر موجودگی میں زمان خان سری لنکا کے خلاف ان کے متبادل کے طور پر کھیلے تھے۔
اگر نسیم شاہ ورلڈ کپ کے لیے دستیاب نہ ہوئے تو ان کے متبادل کے لیے محمد حسنین ہیں لیکن اس وقت وہ بھی انجریز کے مسائل سے دوچار ہیں۔
نسیم شاہ کی انجری کے بعد سوشل میڈیا پر ان کے چاہنے والوں اور کرکٹ مبصرین نے اسے پاکستان ٹیم کے لیے بڑا دھچکا قرار دیا ہے۔
بھارتی اسپورٹس جرنلسٹ وکرانت گپتا نے سماجی رابطے کی سائٹ 'ایکس' (سابقہ ٹوئٹر )پر ایک بیان میں کہا کہ اگر نسیم شاہ انجری کی وجہ سے ورلڈ کپ نہ کھیل سکے تو پاکستان کے لیے ورلڈ کپ کی امیدیں ڈرامائی طور پر دم توڑ گئیں۔
If Naseem Shah’s injury forces him to miss the entire World Cup, Pakistan’s hopes of a crack at the title nosedive dramatically.
— Vikrant Gupta (@vikrantgupta73) September 16, 2023
واضح رہے کہ بھارت کی میزبانی میں ورلڈ کپ کا باقاعدہ آغاز پانچ اکتوبر کو دفاعی چیمپئن انگلینڈ اور نیوزی لینڈ کے میچ سے ہو گا اور پاکستان ایونٹ میں اپنا پہلا میچ چھ اکتوبر کو نیدرلینڈز کے خلاف کھیلے گا۔
ایک اور ایکس صارف نے نسیم شاہ کی ایک ویڈیو شیئر کر کے اس پر لکھا کہ نسیم شاہ ہم آپ کو ورلڈ کپ میں بہت یاد کریں گے۔
Naseem shah we miss you in icc world cup#NaseemShah pic.twitter.com/I9IBL3LRUf
— Mubasher Ashfaq (@mubasherashfaq0) September 16, 2023
ماہم فاطمہ نامی صارف نے نسیم شاہ کے گزشتہ چار ماہ کے دوران کھیلے جانے والے کرکٹ ایونٹ کا جائزہ لیا اور کہا کہ نسیم نے ٹی ٹوئنٹی بلاسٹ، ٹیسٹ کرکٹ، لنکن پریمیئر لیگ اور ایشیا کپ کھیلے اور اب وہ ممکنہ طور پر ورلڈ کپ سے باہر ہو گئے ہیں۔
انہوں نے نسیم شاہ کے مصروفیت پر تبصرہ کیا کہ نسیم شاہ اور پی سی بی کی طرف سے زیرو ورک لوڈ مینیجمنٹ کی گئی۔
Naseem Shah in last 4 Months PlayedT20 blastTest CricketLPL And Then Asia Cup.And Today News Coming that he%27s likely to be ruled out of World Cup 2023.Zero Work load management by Naseem himself and PCB.#NaseemShah pic.twitter.com/hHu55YxDYx
— Maham Fatima (@Maham_0fficial) September 16, 2023
ایک اور صارف نے نسیم شاہ کی انجری کو پاکستان کے لیے دھچکا قرار دیا۔
Big setback for Pakistan. Naseem Shah set to be ruled out of 2023 World Cup. (Espncricinfo)#PakistanCricket #PAKvsSL #WorldCup2023 #NaseemShah #AsiaCup2023 #BabarAzam pic.twitter.com/pxp2aRuPQa
— Shashank Singh (@RccShashank) September 16, 2023
عبدالرافع نامی صارف نے چار فاسٹ بالر کے نام لکھ پر سوال کیا کہ نسیم شاہ کے متبادل کے طور پر حسنین، عامر، احسان اللہ اور ارشد اقبال میں سے کون ہو سکتا ہے؟
Which Pacer you want to include in place of Naseem?⭐️Hasnain⭐️Amir ⭐️Ihsanullah⭐️Arshad Iqbal #NaseemShah #CWC2023 #BabarAzam #BehindYouSkipper pic.twitter.com/mPTfAtZgqY
— Abdul Rafay 🇵🇰 (@rafayhassan17) September 16, 2023