بھارت کے ایک مسافر طیارے کی کراچی ایئرپورٹ پر ہنگامی لینڈنگ ہوئی ہے۔ دو ہفتوں کے دوران یہ دوسرا بھارتی طیارہ ہے جو جناح انٹرنیشنل ایئرپورٹ پر اترا ہے۔
بھارتی فضائی کمپنی 'انڈی گو' کے طیارے ایئر بس 320 نے اتوار اور پیر کی درمیانی شب کراچی کے جناح انٹرنیشنل ایئرپورٹ پر ہنگامی لینڈنگ کی۔
بتایا جاتا ہے کہ مسافر طیارہ 180 مسافروں کو لے کر شارجہ سے حیدرآباد دکن جا رہا تھا کہ دورانِ پرواز پائلٹ نے اس میں تیکنیکی خرابی محسوس ہونے پر کراچی میں ہنگامی لینڈنگ کی اجازت مانگی۔
After the pilot of the Sharjah-Hyderabad flight observed a technical defect in the aircraft, as a precaution the aircraft was diverted to Karachi, Pakistan. An additional flight is being sent to Karachi to fly the passengers to Hyderabad: IndiGo airlines
— ANI (@ANI) July 17, 2022
بھارتی ذرائع ابلاغ کے مطابق 'انڈی گو' نے ایک بیان میں کہا ہے کہ شارجہ سے حیدرآباد دکن آنے والی پرواز میں فنی خرابی کے بعد احتیاطی تدابیر کے پیشِ نظر اسے کراچی کی طرف موڑ دیا گیا ہے۔ مسافروں کی بحفاظت واپسی کے لیے ایک طیارہ روانہ کیا جا رہا ہے۔
واضح رہے کہ دو ہفتوں کے دوران بھارتی ایئرلائن کا یہ دوسرا طیارہ ہے جس نے کراچی کے جناح انٹرنیشنل ایئرپورٹ پر ہنگامی لینڈنگ کی ہے۔
#IndiGo airlines has announced that they will be sending an additional flight to Karachi to fly the passengers to #Hyderabad (From Agencies)@DGCAIndia @MoCA_GoI @IndiGo6E pic.twitter.com/fF8lIQuFXY
— ET NOW (@ETNOWlive) July 17, 2022
اس سے قبل اسپائس جیٹ کے طیارے نے رواں ماہ کے آغاز میں دہلی سے دبئی جاتے ہوئے ہنگامی صورتِ حال کے باعث کراچی میں ہنگامی لینڈنگ کی تھی۔ مسافروں کو کئی گھنٹوں کے بعد بھارت سے پہنچنے والے طیارے کے ذریعے کراچی سے دبئی روانہ کیا گیا تھا ۔ بعدازاں خراب ہونے والے طیارے کی خرابی دور کرنے کے بعد اسے واپس بھارت روانہ کر دیا گیا تھا۔