بھارت کی فوج نے منگل کے روز سوشل میڈیا پر دعوی کیا ہے کہ اس نے پہاڑوں پر دیو مالائی مخلوق ‘یٹی’ یعنی بگ فٹ کے پاؤں کے نشان دیکھے ہیں۔
ہندوستانی فوج کے تعلقات عامہ کے محکمے نے اپنے ٹویٹر اکاؤنٹ پر تصاویر جاری کرتے ہوئے لکھا ہے کہ ‘‘تاریخ میں پہلی بار بھارتی فوج کے کوہ پیماؤں کی ٹیم نے دیو مالائی مخلوق ‘یٹی’ کے پاؤں کے نشان دریافت کیے ہیں جو 32 انچ لمبے اور 15 انچ چوڑے ہیں اور مکلاؤ بیس کیمپ کے قریب 9 اپریل کو دیکھے گئے ہیں۔’’
For the first time, an #IndianArmy Moutaineering Expedition Team has sited Mysterious Footprints of mythical beast %27Yeti%27 measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
— ADG PI - INDIAN ARMY (@adgpi) April 29, 2019
‘یٹی’ جسے امریکہ میں ’بگ فٹ’ بھی کہا جاتا ہے ایک دیومالائی اور دیو ہیکل مخلوق ہے جس کے بارے میں خیال کیا جاتا ہے کہ یہ کوہ ہمالیہ کی بلندیوں میں رہتی ہے۔
ہندوستانی فوج کا کہنا ہے کہ یہ چھپی رہنی والی مخلوق ماضی میں مکلاؤ بارن نیشنل پارک کے پاس دیکھی گئی تھی۔ 1951 میں چند برطانوی کوہ پیماؤں نے ماؤنٹ ایورسٹ کے مغرب میں دیو ہیکل پاؤں کے نشان دیکھے تھے۔
ماضی میں ‘یٹی’ کے پاؤں کے نشان دیکھنے کے دعوے ڈی این اے ٹیسٹ کے ذریعے جھٹلائے جا چکے ہیں۔ ایسے نشان علاقے میں موجود ریچھوں کے پاؤں کے نشان ثابت ہوئے۔ ماہرین کا کہنا ہے کہ ہمالیہ کے علاقے میں تیز دھوپ اور ہوا کی وجہ سے بعض اوقت پاؤں کے نشان پھیل کر دیو ہیکل دکھتے ہیں۔
اس خبر کے جواب میں ٹویٹر پر کافی ردعمل دیا گیا۔
ایک صارف نے بھارت میں جاری انتخابات کے تناظر میں تصویر لگائی کہ یہ مخلوق پھر انتخابات میں ووٹ دینے بھی چلی گئی۔
He entered in city for voting pic.twitter.com/8QQRr5NBIR
— Asif Karjikar (@asif_karjikar) April 29, 2019
ایک صارف نے کہا کہ جس طرح سیدھی لکیر میں پاؤں کے نشان ہیں، یوں محسوس ہوتا ہے کہ ‘یٹی’ کو کیٹ واک آتی ہے۔
By that definition the bear must know the catwalk !! Look at the steps .
— santosh kumar sarkar (@ssantosh) April 30, 2019
ایم آئی ٹی میں سیاسیات کے ایسوسی ایٹ پروفیسر ویپنگ نارنگ نے ایک ٹویٹ میں لکھا کہ ہندوستانی فوج کی جانب سے یٹی کی دریافت کی کہانی، یوں محسوس ہوتا ہے کہ بھارتی فضائیہ کی پاکستانی ایف سولہ طیارہ گرانے کی کہانی کا تمسخر اڑانے کے لئے بنائی گئی ہے، یا پھر یہ بالکل دیوانے ہو گئے ہیں۔
The Indian Army’s Yeti story is either the most epic trolling of the Indian Air Force F-16 kill claim (which would be pretty brazen by interservice rivalry standards), or... they’ve truly lost their minds. pic.twitter.com/g3oz4guylK
— Vipin Narang (@NarangVipin) April 30, 2019
پیس اور کانفلیکٹ کے پروفیسر اشوک سوائن نے ایک ٹویٹ میں لکھا کہ بھارتی ایئر فورس کے بالاکوٹ میں کامیابی کے دعوے کے بعد بھارتی فوج نے ‘یٹی’ ڈھونڈنے کا دعوی کر دیا ہے۔ اب سپریم لیڈر یعنی نریندر مودی کو بھارت کی نیوی کو حکم دینا چاہئے کہ وہ سمندری عفریت ڈھونڈنے نکل جائے۔
After the Indian Air Force%27s Success in Balakot, the Indian Army had to find a Yeti! The Supreme Leader should now direct the Indian Navy to find out the Sea Monster! https://t.co/uD5p6Fr5z2
— Ashok Swain (@ashoswai) April 30, 2019
صحافی سلیل ترپاٹھی نے وزیراعظم نریندر مودی پر طنز کرتے ہوئے لکھا کہ سرکاری ذرائع سے اس بات کی ذمہ داری سے تصدیق ہو گئی ہے کہ ‘یٹی’ کا نام اچھے دن ہے، اسے چائے اور پکوڑے پسند ہے، اور یہ ہندوستان کی سرحد پر چوکیدار کا کردار ادا کرنے کو تیار ہے۔
It can be reliably confirmed that according to official sources that the Yeti%27s name is Achhe Din, loves chai and pakodas, and is willing to act as chowkidar on India%27s borders.
— Salil Tripathi سلیل تریپاٹھی સલિલ ત્રિપાઠી (@saliltripathi) April 30, 2019