بھارت کی ریاست تمل ناڈو میں ایک فوجی ہیلی کاپٹر گر کر تباہ ہو گیا ہے جس میں بھارت کے چیف آف ڈیفنس اسٹاف جنرل بپن راوت، ان کی اہلیہ اور دیگر 11 افراد ہلاک ہو گئے ہیں۔
بھارت کی فضائیہ (آئی اے ایف) نے ایک ٹوئٹ میں واقعے کی تصدیق کرتے ہوئے بتایا کہ ایک ایم آئی 17 وی فائیو ہیلی کاپٹر کو تمل ناڈو کے قریب کونور میں حادثہ پیش آیا ہے۔
متاثرہ ہیلی کاپٹر میں 14 افراد سوار ہونے کی اطلاعات سامنے آئی تھیں جس کی تصدیق بھارت کی فضائی نے بھی کر دی ہے۔
انڈین ایئر فورس (آئی اے ایف) کے مطابق واقعے کی وجوہات جاننے کے لیے تحقیقات کا حکم دے دیا گیا ہے۔
With deep regret, it has now been ascertained that Gen Bipin Rawat, Mrs Madhulika Rawat and 11 other persons on board have died in the unfortunate accident.
— Indian Air Force (@IAF_MCC) December 8, 2021
رپورٹس کے مطابق ہیلی کاپٹر میں جنرل بپن کی اہلیہ، ان کے ڈیفنس اسسٹنٹ، سیکیورٹی کمانڈوز اور بھارتی فضائیہ کے اہلکار سوار تھے۔
اس واقعے میں زخمی ہونے والے ایک افسر گروپ کیپٹن ورن سنگھ زخمی ہوئے جن کو مقامی فوجی اسپتال منتقل کیا گیا۔
بھارت کے خبر رساں ادارے 'پریس ٹرسٹ آف انڈیا' کے مطابق سرکاری ذرائع کا کہنا ہے کہ جائے حادثہ سے متعدد لاشیں اور تین زخمیوں کو نکال لیا گیا ہے۔
An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.An Inquiry has been ordered to ascertain the cause of the accident.
— Indian Air Force (@IAF_MCC) December 8, 2021
ہیلی کاپٹر حادثے کی کئی ویڈیوز سوشل میڈیا پر وائرل ہیں جن سے متعلق کہا جا رہا ہے کہ یہ وہی ہیلی کاپٹر ہے جس میں جنرل بپن اور دیگر افراد سوار تھے۔
خبر رساں ادارے 'رائٹرز' کے مطابق جنرل بپن راوت تمل ناڈو کے علاقے سُلر میں بھارتی فضائیہ کے اڈے سے ویلنگٹن میں ڈیفنس سروسز اسٹاف کالج میں لیکچر دینے کے لیے جا رہے تھے۔
جنرل بپن روات کی موت پر بھارت کے وزیرِ اعظم نریندر مودی کا کہنا تھا کہ جنرل بپن راوت ایک بہترین فوجی تھے۔ وہ حقیقی محبِ وطن تھے۔ انہوں نے بھارت کی افواج اور سیکیورٹی اداروں کو جدید بنانے میں اہم کردار ادا کیا۔
نریندر مودی کا مزید کہنا تھا کہ ان کے اسٹریٹجک معاملات پر رائے غیر معمولی تھی۔ ان کی موت سے شدید دکھ ہوا ہے۔
Gen Bipin Rawat was an outstanding soldier. A true patriot, he greatly contributed to modernising our armed forces and security apparatus. His insights and perspectives on strategic matters were exceptional. His passing away has saddened me deeply. Om Shanti. pic.twitter.com/YOuQvFT7Et
— Narendra Modi (@narendramodi) December 8, 2021
وزیرِ دفاع راج ناتھ سنگھ نے ایک بیان میں کہا کہ ہیلی کاپٹر حادثے میں جنرل بپن راوت اور دیگر لوگوں کی موت پر ان کو شدید افسوس ہوا ہے۔
Deeply anguished by the sudden demise of Chief of Defence Staff Gen Bipin Rawat, his wife and 11 other Armed Forces personnel in an extremely unfortunate helicopter accident today in Tamil Nadu. His untimely death is an irreparable loss to our Armed Forces and the country.
— Rajnath Singh (@rajnathsingh) December 8, 2021
انہوں نے جنرل بپن راوت کی موت کو ملک اور مسلح افواج کے لیے بڑا نقصان قرار دیا۔
بھارت کے وزیرِ داخلہ امیت شاہ نے افسوس کا اظہار کرتے ہوئے کہا کہ وہ ایک بہادر فوجی تھے۔ انہوں نے ملک کے لیے انتہائی خلوص سے خدمات انجام دی تھیں۔
ان کا مزید کہنا تھا کہ جنرل بپن راوت کے مثالی خدمات اور ثابت قدمی کو الفاظ میں بیان نہیں کیا جا سکتا۔
A very sad day for the nation as we have lost our CDS, General Bipin Rawat Ji in a very tragic accident. He was one of the bravest soldiers, who has served the motherland with utmost devotion. His exemplary contributions & commitment cannot be put into words. I am deeply pained.
— Amit Shah (@AmitShah) December 8, 2021
بھارت کی حزبِ اختلاف کی جماعت کانگریس کے رہنما راہول گاندھی کا سوشل میڈیا پر بیان میں کہنا تھا کہ ایک المناک حادثہ ہے۔ بھارت اس غم کے لمحے میں متحد ہے۔
I extend my condolences to the family of Gen Bipin Rawat and his wife. This is an unprecedented tragedy and our thoughts are with their family in this difficult time. Heartfelt condolences also to all others who lost their lives. India stands united in this grief.
— Rahul Gandhi (@RahulGandhi) December 8, 2021
بھارت کے وزیرِ خارجہ جے شنکر کا ایک بیان میں کہنا تھا کہ یہ قوم کے لیے ایک بڑا نقصان ہے۔
ان کا مزید کہنا تھا کہ وہ دونوں حالیہ برسوں میں ایک ساتھ کام کرتے رہے تھے۔ انہیں جنرل بپن راوت کی موت کا شدید افسوس ہوا۔
Deeply shocked at tragic demise of CDS General Bipin Rawat and his wife.We worked closely together in the last few years. It is a huge loss to the nation.
— Dr. S. Jaishankar (@DrSJaishankar) December 8, 2021
پاکستان کی فوج کی اعلیٰ قیادت کا اظہار تعزیت
بھارت کے چیف آف ڈیفنس اسٹاف جنرل بپن راوت کی ہیلی کاپٹر گرنے کے واقعے میں ہلاک ہونے پر پاکستان کی اعلیٰ فوجی قیادت نے بھی تعزیت کا اظہار کیا۔
General Nadeem Raza, CJCSC & General Qamar Javed Bajwa, COAS express condolences on tragic death of #CDS General #BipinRawat, his wife and loss of precious lives in a helicopter crash in India
— DG ISPR (@OfficialDGISPR) December 8, 2021
فوج کے تعلقات عامہ آئی ایس پی آر کے جاری کردہ بیان کے مطابق چیئرمین جوائنٹ چیفس آف اسٹاف کمیٹی جنرل ندیم رضا اور آرمی چیف جنرل قمر جاوید باجوہ نے جنرل بپن راوت اور ان کی اہلیہ کی ہیلی کاپٹر حادثے میں ناگہانی موت پر اظہارِ تعزیت کی ہے۔
جنرل بپن راوت 31 دسمبر 2016 سے 31 دسمبر 2019 تک بھارت کی بری فوج کے سربراہ کی حیثیت سے خدمات انجام دے چکے تھے۔
انہیں ریٹائرمنٹ کے بعد چیف آف ڈیفنس اسٹاف کے عہدے کی ذمہ داریاں سونپی گئیں۔ جنرل راوت بھارت کے پہلے چیف آف ڈیفنس اسٹاف ہیں جن کے لیے یہ عہدہ تشکیل دیا گیا تھا۔
Latest pictures from the crash site where Indian military helicopter crashed in Tamil Nadu. CDS General #BipinRawat and his wife were on board along with other senior defence officials. pic.twitter.com/jKDYvAEFra
— Sudhir Chaudhary (@sudhirchaudhary) December 8, 2021
جنرل بپن نے 16 دسمبر 1978 کو انفینٹری کی الیونتھ گورکھا رائفلز کی پانچویں بٹالین میں کمیشنڈ ہوئے تھے۔
انہیں فوج کی آپریشنل تیاریوں کا وسیع تجربہ تھا۔ انہوں نے جنگی اور تنازعات کے حالات میں خدمات انجام دی تھیں۔ وہ مشرقی سیکٹر میں لائن آف کنٹرول پر انفینٹری بٹالین اور بھارت کے زیرِ انتظام وادئ کشمیر میں راشٹریا رائفلز کی کمانڈ بھی کرچکے تھے۔
جنرل بپن لائن آف کنٹرول کے ساتھ انفینٹری ڈویژن کی کمانڈ اور شمال مشرق میں کور کمانڈر کے فرائض بھی انجام دینے کا موقع ملا تھا۔ اس کے علاوہ بھی انہوں نے مختلف عہدوں پر خدمات انجام دی تھیں۔
جنرل بپن ملٹری آپریشنز ڈائریکٹوریٹ میں جنرل اسٹاف افسر، کرنل ملٹری سیکریٹری برانچ میں ڈپٹی ملٹری سیکریٹری، اسٹیرن تھیٹر کے میجر جنرل، جنرل اسٹاف اور وائس چیف آف آرمی اسٹاف بھی رہے تھے۔
جنرل بپن راوت کو اپنے 42 سال سے زائد کے فوجی کریئر میں سول و عسکری اعزازات سے بھی نوازا گیا تھا۔
اس خبر میں شامل بعض معلومات خبر رساں ادارے 'رائٹرز' سے بھی لی گئی ہیں۔