پاکستان کی ڈرامہ اور فلم انڈسٹری کے نامور اداکار حمزہ علی عباسی نے زندگی کا نیا سفر شروع کر دیا ہے۔
اتوار کو اسلام آباد میں حمزہ علی عباسی اور اداکارہ نیمل خاور کی نکاح کی تقریب منعقد ہوئی جس میں قریبی دوستوں اور عزیز و اقارب نے شرکت کی۔
تقریب میں تحریک انصاف کے رہنما و سینیٹر فیصل جاوید اور گلوکار عاطف اسلم بھی شریک تھے۔
اداکار نے نکاح کے روز سفید شلوار قمیض زیب تن کی اور ان کی شریک حیات بھی سنہری لباس میں شاندار دکھائی دیں۔
حمزہ علی عباسی کی شادی سے متعلق خبریں چند روز قبل ہی سوشل میڈیا پر گردش کرنے لگی تھیں۔ اس سے قبل کسی کو معلوم نہ تھا کہ وہ اداکارہ نیمل خاور سے شادی کرنے جا رہے ہیں۔
سوشل میڈیا پر حمزہ علی عباسی کی شادی پر جہاں انہیں مبارکبادیں دی جا رہی ہیں وہیں اُنہیں بعض صارفین تنقید و طنز کا نشانہ بھی بنارہے ہیں۔
#HamzaWedsNaimal#HamzaAliAbbasiCongratulations To A Beautiful Couple. Wishing You A Wonderful Journey As You Build Your New Life Together.Stay Blessed @iamhamzaabbasi 💐 pic.twitter.com/MYf0w9RVD8
— Muhammad Sufyan Khan (@iSufyanSays) August 25, 2019
محمد سفیان نامی ٹوئٹر صارف نے حمزہ علی عباسی اور نیمل خاور کو مبارکباد پیش کرتے ہوئے نیک خواہشات کا اظہار کیا۔
This couple ❤️❤️❤️Congratulations to both of you 💕 #HamzaAliAbbasi@Naimalkhawarr pic.twitter.com/CSLoq7acZ5
— Zafar Ullah Wazir (@pro_insafian) August 25, 2019
ظفراللہ وزیر نامی ٹوئٹر صارف نے حمزہ علی عباسی اور نیمل خاور کو مبارکباد پیش کی۔
Difference between a man and a %27gentleman%27 is so clear. #HamzaAliAbbasi #HamzaWedsNaimal pic.twitter.com/ROxtgpJW8W
— فاطمہ (@iFatimaAlAsadi) August 25, 2019
فاطمہ نامی ٹوئٹر صارف لکھتی ہیں ایک مرد اور ایک مہذب شخص کے درمیان فرق صاف واضح ہے۔
The Kind of wife everyone was expecting for #HamzaAliAbbasi vs the Wife He chose for himself 😂😂.Sahi Khel gaya!#naimalkhawar pic.twitter.com/XTKhj69Mhb
— Muhammad Osama (@MOY707) August 21, 2019
اس سے قبل محمد اسامہ نامی ٹوئٹر صارف نے اپنی ٹوئٹ میں دو تصاویر شیئر کیں۔ اور کہا کہ ہر شخص حمزہ علی عباسی کی شادی کے لیے ایسی خاتون کی توقع کر رہا تھا جو پردے میں ہو لیکن انہوں نے کسی اور کا انتخاب کیا، 'صحیح کھیل گیا'۔