امریکہ کی ریاست کولوراڈو کے ایک شاپنگ سینٹر میں کرسمس سے قبل ہفتے کی شب فائرنگ سے ایک شخص ہلاک اور تین زخمی ہو گئے جن میں ایک خاتون بھی شامل ہیں۔
خبر رساں ادارے 'ایسوسی ایٹڈ پریس' کے مطابق کولوراڈو اسپرنگز نامی شہر کی پولیس نے فائرنگ کے واقعے کی تصدیق کرتے ہوئے بتایا ہے کہ سٹیڈال مال میں دو گروہوں میں تنازع کے بعد فائرنگ کا واقعہ پیش آیا ہے۔
پولیس کا کہنا تھا کہ اہلکاروں نے فائرنگ کی اطلاع ملتے ہی اس مقام پر پہنچنے کی کوشش کی جہاں واقعہ ہوا۔
پولیس کے بیان میں مزید کہا گیا ہے کہ فائرنگ کے واقعے میں ایک شخص ہلاک ہوا ہے جب کہ دو زخمیوں کو اسپتال منتقل کیا گیا جنہیں گولیاں لگی تھیں۔
At 4:34 pm on Sunday, December 24, 2023, CSPD received a call for service for shots fired at the Citadel Mall. Officers responded and determined that a fight had broken out between two groups of people. One adult male was found deceased in the mall from a gunshot wound.
— Colorado Springs Police Department (@CSPDPIO) December 25, 2023
پولیس کے مطابق واقعے میں ایک خاتون بھی معمولی زخمی ہوئی ہیں۔ ان کو بھی مقامی اسپتال میں ابتدائی طبی امداد دی گئی۔
پولیس حکام نے علاقے کو کلیئر قرار دیا ہے جب کہ شاپنگ مال میں مزید کسی قسم کا کوئی خطرہ نہ ہونے کی یقین دہانی کرائی ہے۔
'ایسوسی ایٹڈ پریس' کے مطابق پولیس نے متعدد افراد کو حراست میں بھی لیا ہے۔ حکام جائزہ لے رہے ہیں کہ زیرِ حراست افراد میں سے کون کون اس تنازع میں ملوث تھا۔
فائرنگ کے واقعے کے بعد پولیس نے شاپنگ مال کو کلیئر کر دیا تھا البتہ یہ بدستور بند ہے۔
There is no known threat to the community at this time. The mall has been cleared and closed. If you have any information, please call CSPD at 719-444-7000, or to remain anonymous, call Crime Stoppers at 719-634-7867 or 634-STO
— Colorado Springs Police Department (@CSPDPIO) December 25, 2023
حکام کے مطابق شاپنگ مال کو حفاظتی اقدام کے طور پر بند کیا گیا ہے۔
سوشل میڈیا پر اس واقعے کی ویڈیوز بھی زیرِ گردش کر رہے ہیں جس میں کچھ افراد ایک دوسرے سے گھتم گھتا ہیں۔ اسی دوران فائرنگ شروع ہو جاتی ہے اور چند گولیاں چلنے کی آواز سنائی دیتی ہے جب کہ کرسمس سے قبل شاپنگ کے لیے آئے ہوئے افراد کے دوڑنے کی آوازیں آتی ہیں۔
مقامی میڈیا کے مطابق پولیس اہلکاروں کی بڑی تعداد اب بھی اس علاقے میں موجود ہے جب کہ اس واقعے کی تحقیقات بھی جاری ہیں۔
(اس خبر میں خبر رساں ادارے ’ایسوسی ایٹڈ پریس‘ سے معلومات شامل کی گئی ہیں۔)