جمعے کو ریوڈی جنیرو میں کھیلے جانے والے ٹورنامنٹ کے پہلے سیمی فائنل میچ کا واحد گول جرمنی کے ڈیفینڈر میٹس ہملز نے 13 ویں منٹ میں کیا۔
واشنگٹن —
برازیل میں ہونے والے فٹ بال ورلڈ کپ کے پہلے کوارٹر فائنل میں ٹورنامنٹ کی فیورٹ ٹیم جرمنی نے فرانس کو 0-1 سے شکست دے کر سیمی فائنل میں جگہ بنالی ہے۔
تین بار عالمی چیمپئن کا اعزاز رکھنے والی جرمنی کی ٹیم مسلسل چوتھی بار ورلڈ کپ کے سیمی فائنل میں پہنچی ہے۔
جمعے کو ریوڈی جنیرو میں کھیلے جانے والے ٹورنامنٹ کے پہلے سیمی فائنل میچ کا واحد گول جرمنی کے ڈیفینڈر میٹس ہملز نے 13 ویں منٹ میں کیا۔
میچ کے باقی وقت کے دوران فرانس کی ٹیم نے گول برابر کرنے کی کئی کوششیں کیں جنہیں جرمن گول کیپر مینوئل نوئر اور جرمنی کی دفاعی ٹیم نے ناکام بنادیا۔
سیمی فائنل میں جرمنی کا مقابلہ برازیل اور کولمبیا کے درمیان ہونے والے دوسرے سیمی فائنل کی فاتح ٹیم سے ہوگا۔ یہ میچ جمعے کی سہ پہر فورٹالیزا میں کھیلا جائے گا۔
فٹ بال ورلڈکپ: جرمنی اور برازیل سیمی فائنل میں