بھارت میں ایک انوکھا ریستوران کھولا گیا ہے جس کا نام گاربیج کیفے، یا آسان الفاظ میں کچرا ہوٹل ہے۔
نام سے دھوکا نہ کھائیں کیونکہ یہاں سڑا بسا نہیں، گرماگرم کھانا ملتا ہے۔ فرق یہ ہے کہ بل روپوں کے بجائے پلاسٹک کے کچرے کی صورت میں وصول کیا جاتا ہے۔
یہ کیفے ریاست چھتیس گڑھ کے شہر امبیکاپور میں کھلا ہے جو بھارت کا دوسرا سب سے زیادہ صاف ستھرا شہر قرار دیا جاتا ہے۔ اس فہرست میں پہلے نمبر پر اندور آتا ہے۔
گاربیج کیفے کا افتتاح چھتیس گڑھ کے وزیر صحت ٹی ایس سنگھ نے کیا اور شہر کو پلاسٹک کے کچرے سے پاک کرنے کے خیال کی تعریف کی۔ انھوں نے کہا کہ پوری قوم پلاسٹک کے کچرے سے جان چھڑانے کی کوشش کررہی ہے لیکن اے ایم سی نے سب سے منفرد کام کیا ہے۔
Gives me immense pride to inaugurate Ambikapur Municipal Corporation’s brilliant initiative #garbagecafe which seeks to feed the needy in exchange for plastic! Proud that Ambikapur is leading the way in the fight against Plastic.2/2 pic.twitter.com/ZYQFfMoylJ
— TS Singh Deo (@TS_SinghDeo) October 9, 2019
اے ایم سی امبیکاپور میونسپل کارپوریشن کا مخفف ہے جس نے یہ کیفے کھولا ہے۔ یہاں جمع کرائے جانے والے کچرے کو وہی ٹھکانے لگاتی ہے۔
کیفے کا کھانا معیار میں کم نہیں اس لیے لوگ اپنے گھر میں موجود پلاسٹک کا سارا کچرا اٹھاکر کھانا کھانے پہنچ رہے ہیں۔ کیفے کا تشہیری نعرہ ہے: مور دا ویسٹ، بیٹر دا ٹیسٹ۔ یعنی کچرا مزید، کھانا لذیذ!