ایشین فٹ بال کنفیڈریشن (اے ایف سی) کپ میں شرکت کے لیے کے بھارتی شہر کلکتہ میں کوالیفائر میچ میں بھارت نے افغانستان کو ایک کے مقابلے میں دو گول سے شکست دی البتہ میچ کے اختتام پر دونوں ٹیموں کے کھلاڑی ایک دوسرے سے الجھ گئے جس کے بعد دونوں ٹیموں کے باقی کھلاڑی بھی گتھم گتھا نظر آئے۔
کلکتہ کے سالٹ لیگ اسٹیڈیم میں ہفتے کو بھارت اور افغانستان کی فٹ بال ٹیموں کے درمیان کوالیفائنگ میچ ہوا۔کھیل کے اس میدان کا اصل نام وویك آنندا یوبا بھارتی كريرانگن (وی وائے بی کے) اسٹیڈیم ہے البتہ اسے سالٹ لیک اسٹیڈیم کے نام سے بھی جانا جاتا ہے۔ اس اسٹیڈیم میں کھیلے گئے سنسنی خیز میچ میں بھارت نے افغانستان کو شکست دے کر تین پوائنٹس حاصل کیے۔
بھارتی اخبار ‘ٹائمز آف انڈیا’ کے مطابق میچ میں شکست کے بعد افغانستان کے کھلاڑیوں نے مایوسی کا ااظہار کیا۔
Just look at @GurpreetGK 😂Roshan and akash tried to fight them like brothersThen there%27s GSS entering the scene like a brave dad saving his sons. #IndianFootball pic.twitter.com/J88RDeKR01
— Roshan stan𓃵 (@_R4real_) June 12, 2022
سوشل میڈیا پر وائرل ہونے والی ویڈیوز میں دیکھا جاسکتا ہے کہ افغانستان کے تین کھلاڑی اور دو بھارتی کھلاڑیوں کے درمیان تکرار ہوتی ہے اور اس کے بعد دونوں جانے سے کھلاڑی ایک دوسرے کو دھکے مارنا شروع کر دیتے ہیں۔
کھلاڑیوں کے درمیان ابھی دھکے دینے کا سلسلہ جاری ہی ہوتا ہے کہ اس دوران دونوں ٹیموں کے مزید کھلاڑی اس میں شامل ہو جاتے ہیں۔
⏰ FT | 🇦🇫 @theaffofficial 1️⃣-2️⃣ @IndianFootball 🇮🇳Late drama at Vivekananda Yuba Bharati Krirangan Stadium sees Group D hosts snatch the win in injury time 😱#ACQ2023 | #AFGvIND pic.twitter.com/6P2dBBjQjG
— #AFCU23 (@afcasiancup) June 11, 2022
بھارت کے گول کیپر گرپیت سنگھ سے دونوں ٹیموں کے کھلاڑیوں کو ٹھنڈا کرنے کی کوشش کی تاہم افغانستان کی ٹیم میں شامل بعض کھلاڑیوں نے انہیں بھی دھکے دینا شروع کر دیے۔
دونوں ٹیم میں تنازع بڑھنے پر اے ایف سی کے حکام فوری طور پر میدان میں پہنچے تاہم تب تک دونوں ٹیموں کے کھلاڑیوں کے درمیان ہونے والے جھگڑا شدت اختیار کر چکا تھا۔
یہ واضح نہیں ہو سکا کہ دونوں ٹیموں میں تنازع کس بات پر شروع ہوا اور کھلاڑیوں میں تکرار کی وجہ کیا تھی۔
2️⃣ late goals from @chetrisunil11 and @sahal_samad gave the #BlueTigers 🐯 a 2-1 dramatic victory against Afghanistan in their second encounter of the AFC Asian Cup Qualifiers final round.Watch it here 🎥#AFGIND ⚔️ #ACQ2023 🏆 #BackTheBlue 💙 #IndianFootball ⚽ pic.twitter.com/8sxPj7klHb
— Indian Football Team (@IndianFootball) June 12, 2022
اے ایف سی کپ کی انتظامی کمیٹی نے بھارت اور افغانستان کے درمیان جھگڑے پر کوئی مؤقف جاری نہیں کی۔
واضح رہے کہ بھارت کی جانب دو گول سنیل چھیتری نے جب کہ فیصلہ کن گول ساحل عبد الصمد نے کیا۔ ان دونوں کھلاڑیوں کی تصاویر بھی بھارت میں سوشل میڈیا پر وائرل ہو رہی ہیں۔بھارتی ٹیم اگلے مرحلے میں ہانگ کانگ کے مدِ مقابل ہو گی۔
.@sahal_samad 🤩🤩#AFGIND ⚔️ #ACQ2023 🏆 #BlueTigers 🐯 #BackTheBlue 💙 #IndianFootball ⚽ pic.twitter.com/o4Ak1WutIN
— Indian Football Team (@IndianFootball) June 11, 2022
واضح رہے کہ بھارت اور افغانستان اے ایف سی (انڈر 23) کے کوالیفائر گروپ ڈی میں شامل ہیں۔
بھارت نے اب تک دو میچ کھیلے ہیں اور ان دونوں میں کامیابی حاصل کی اور اس کے چھ پوائنٹس ہیں جب کہ افغانستان نے بھی دو میچ کھیلے ہیں لیکن وہ کسی بھی میچ میں کامیابی حاصل نہیں کر سکا ہے۔
🇭🇰 Hong Kong and 🇮🇳 India are locked on 6 points each. Who will top Group D after Matchday 3? pic.twitter.com/lIwfIk00mx
— #AFCU23 (@afcasiancup) June 12, 2022
گروپ ڈی کی چار ٹیموں میں ہانگ کانگ سرِ فہرست ہے جس نے دو میچ کھیلے اور دونوں میں کامیابی اپنے نام کی۔