پاکستان کے ٹیسٹ کرکٹر فواد عالم کھیل کے میدان کے بعد اب اداکاری کی دنیا میں بھی اپنی قسمت آزمانے کو تیار ہیں۔
فواد عالم جلد پاکستان کے او ٹی ٹی پلیٹ فارم ’اردو فلکس‘ کی ویب سیریز 'خودکش محبت' میں اداکاری کرتے ہوئے نظر آئیں گے۔
کرکٹر فواد عالم کی ویب سیریز 'خود کش محبت' کی کہانی ایک غریب خاندان کے گرد گھومتی ہے جس میں فواد عالم 'احمد' نامی نوجوان کا کردار ادا کر رہے ہیں جو ایک مدرسے میں پڑھاتا ہے۔
ویب سیریز میں احمد (فواد عالم) کے والد ایک دینی اسکالر کے گھر ڈرائیور کی نوکری کرتے ہیں اور احمد کو اسی اسکالر کی بیٹی زیب (فاریہ حسن) سے محبت ہوتی ہے۔
ویب سیریز میں دکھایا گیا ہے کہ زیب کے والدین اس کی شادی احمد کے بجائے کسی اور سے کرنا چاہتے ہیں۔
Conspicuously delighted to announce my debut as an actor in the upcoming Urdu flix web series “Khudkash Muhabbat”. I hope you guys like me in the acting ground as much as you did in the cricket ground! Your prayers, love and support matter the most.#UrduFlix #KhudkashMuhabbat pic.twitter.com/qynHDruArA
— Fawad Alam (@iamfawadalam25) April 8, 2021
فواد عالم نے آٹھ اپریل کو سوشل میڈیا پر اپنی ویب سیریز 'خودکش محبت' کا ٹریلر شیئر کیا۔
فواد عالم کا کہنا تھا کہ اردو فلکس پر آنے والی ویب سیریز خودکش محبت میں بطور اداکار ڈیبیو کا اعلان کرتے ہوئے خوشی محسوس ہوئی۔
پاکستانی کھلاڑی فواد عالم نے امید ظاہر کی ہے کہ ان کے چاہنے والے جتنا انہیں کرکٹ کے میدان میں پسند کرتے ہیں۔ اتنا ہی وہ اداکاری کے میدان میں بھی انہیں پسند کریں گے۔
فواد عالم کا مزید کہنا تھا کہ چاہنے والوں کی دعائیں، محبت اور حمایت ان کے لیے سب سے اہم ہے۔
کرکٹر فواد عالم کی جانب سے ویب سیریز 'خودکش محبت' کا ٹریلر شیئر کرنے کے بعد ساتھی کھلاڑیوں نے فواد عالم کو اداکاری کی دنیا میں قدم رکھنے پر سراہا۔
fadi the actor welldone bro😇😇😇😇
— Mohammad Amir (@iamamirofficial) April 8, 2021
پاکستانی فاسٹ بولر محمد عامر نے فواد عالم کی اداکاری کی تعریف کی۔
Mera hero bhai 🥰
— Sohail Tanveer (@sohailmalik614) April 8, 2021
سہیل تنویر نے فواد عالم کو کہا کہ میرا ہیرو بھائی۔
Fadhii bhai chaa ghye hoo. All the best for a new beginning bro.
— Junaid khan 83 (@JunaidkhanREAL) April 8, 2021
پاکستانی کھلاڑی جنید خان نے فواد عالم کے اس نئے آغاز پر ان کے لیے نیک خواہشات کا اظہار کیا۔
دوسری جانب جہاں ساتھی کھلاڑیوں کی جانب سے فواد عالم کو اداکاری کی دنیا میں قدم رکھنے کو سراہا جا رہا ہے وہیں سوشل میڈیا صارفین کی جانب سے ملا جلا ردِ عمل سامنے آ رہا ہے۔
^^bhai ye kis line pe agaye aap??
— khadija (@kvdejaa) April 9, 2021
فواد عالم کی اداکاری کی دنیا میں قدم رکھنے پر ایک سوشل میڈیا صارف خدیجہ کہتی ہیں کہ بھائی یہ کس لائن پر آ گئے آپ۔
Fadhii bhai chaa ghye hoo. All the best for a new beginning bro.
— Junaid khan 83 (@JunaidkhanREAL) April 8, 2021
ایک اور صارف افتخار احمد فواد عالم کو مشورہ دیتے ہوئے کہتے ہیں کہ کرکٹ پر ہی توجہ رکھتے تو اچھا تھا۔ اداکاری کے لیے ہمارے پاس ہمایوں سعید وغیرہ ہی اچھے ہیں۔
Fadhii bhai chaa ghye hoo. All the best for a new beginning bro.
— Junaid khan 83 (@JunaidkhanREAL) April 8, 2021
فواد عالم کے اداکاری کی دنیا میں قدم رکھنے پر ایک اور صارف کا کہنا تھا کہ میرے خیال میں یہ ایک اچھا فیصلہ نہیں ہے۔ آپ کو کرکٹ پر ہی توجہ رکھنی چاہیے اور اداکاری نہیں کرنی چاہیے۔
ماشاللہ بھائی۔ آللہ کامیابی دے گا۔ لیکن فواد بھائی، کرکٹ 🏏 پر سے دیہان نا ہٹایے گا۔ آپ کرکٹ کا بہت بڑا اثاثہ ہیں۔
— Shahbaz A Khan (@ShahbazAKhan1) April 9, 2021
اسی طرح ایک صارف شہباز خان کا کہنا تھا کہ ماشاء اللہ بھائی، اللہ کامیابی کرے، لیکن فواد بھائی کرکٹ سے دھیان نہ ہٹایے گا۔ آپ کرکٹ کا بہت بڑا اثاثہ ہیں۔