پاکستان مسلم لیگ (ن) کی رہنما مریم اورنگزیب نے دعویٰ کیا ہے کہ تحریکِ انصاف کی سوشل میڈیا ٹیم گزشتہ کئی روز سے جعلی ٹرینڈ چلا رہی تھی اور اب ان کی جعل سازی پکڑی گئی ہے۔
ایک ٹوئٹ میں مریم اورنگزیب کا کہنا تھا کہ ٹوئٹر نے تحریکِ انصاف کی 'بوٹ آرمی' کی شناخت کر لی ہے جو اداروں کے خلاف جعلی ٹرینڈ چلا رہی تھی۔
اتوار کو پریس کانفرنس میں بھی مریم اورنگزیب نے مبینہ طور پر جعلی اکاؤنٹس کے ذریعے کی جانے والی ٹوئٹس کے ذریعے تحریکِ انصاف پر جعلی ٹرینڈ چلانے کا الزام عائد کیاتھا۔
سابق وزیرِ اعظم عمران خان کے خلاف تحریکِ عدم اعتماد کی کامیابی کے بعد سے ہی پاکستان کے سوشل میڈیا پر '#امپورٹڈ_حکومت_نامنظور' کا ہیش ٹیگ ٹرینڈ کر رہا ہے جس میں اب تک لاکھوں ٹوئٹس ہو چکی ہیں۔ یہ ٹرینڈ اب بھی پاکستان میں ٹرینڈ کر رہا ہے۔
تحریکِ انصاف کے چیئرمین عمران خان سمیت کئی پارٹی رہنما اس ہیش ٹیگ کا حوالہ دے کر دعویٰ کر چکے ہیں کہ عوام کی اکثریت عمران خان کو ہٹانے کے بعد بننے والی نئی حکومت کو مسترد کر رہی ہے۔
#امپورٹڈ_حکومت_نامنطور جعلی ٹرینڈ کا فراڈContributing Twitter Accounts: 924Active Twitter Accounts: 709Confirmed Humans: 177Bots or Bot Like: 532Original tweet originators:33 pic.twitter.com/CEONWgvIXk
— Marriyum Aurangzeb (@Marriyum_A) April 18, 2022
مریم اورنگزیب نے مذکورہ ٹرینڈ کے لیے 'بوٹ اکاؤنٹ' کی اصلاح استعمال کی ہے جس سے مراد ایسے ٹوئٹر اکاؤنٹس ہیں جو سینکڑوں کی تعداد میں ایک ہی شخص آپریٹ کر رہا ہوتا ہے۔
تاہم تحریکِ انصاف نے اس الزام کی تردید کی ہے۔ پی ٹی آئی آفیشل ٹوئٹر اکاؤنٹ سے ایک ٹوئٹ میں کہا گیا ہے کہ یہ بوٹ اکاؤنٹ نہیں بلکہ ان کا اپنا اکاؤنٹ ہے اور وہ امپورٹڈ حکومت مسترد کرتے ہیں۔
This is Team PTIOfficial and we are NOT a BOT Also, we do not accept the Imported Government in Pakistan! #امپورٹڈ_حکومت_نامنظورThank you!
— PTI (@PTIofficial) April 18, 2022
بوٹ اکاؤنٹس کیا ہوتے ہیں؟
بوٹ اکاؤنٹ کو جعلی اکاؤنٹ بھی کہا جاتا ہے۔ یہ ایسا اکاؤنٹ ہوتا ہے جو خود کار طریقے سے کوئی پیغام بھیجنے یا معلومات کو شائع کرنے کے لیے بنایا جاتا ہے۔ عام طور پرمارکیٹنگ یا سیاسی مقاصد کے لیے ایسے اکاؤنٹ استعمال کیے جاسکتے ہیں۔
ڈیجیٹل رائٹس ایکسپرٹ نگہت داد کہتی ہیں کہ بوٹ اکاؤنٹس کسی بھی ہیش ٹٰیگ کو ٹرینڈ کرنے میں مدد کرتے ہیں اور ایسا بھی ہو سکتا ہے کہ صرف پانچ افراد ہزاروں بوٹ اکاؤنٹس چلا رہے ہوں۔
وائس آف امریکہ سے گفتگو کرتے ہوئے اُن کا کہنا تھا کہ اگر کوئی شخص 300 بوٹ اکاؤنٹس چلا رہا ہے اور وہ ایک ٹوئٹ کے ساتھ کوئی ہیش ٹیگ استعمال کرتا ہے تو وہ 300 بوٹ اکاؤنٹس کے ذریعے بیک وقت ایک ہی ٹوئٹ کی جا سکتی ہے۔
اُن کے بقول، "سوشل میڈیا پلیٹ فارمز کو بوٹ اکاؤنٹس کے بارے میں پتا چل جاتا ہے کیوں کہ کافی دیر تک ان پر کوئی سرگرمی نہیں ہوتی اور پلیٹ فارمز کو لگتا ہے کہ یہ اکاؤنٹ مشکوک ہے تو وہ اسے بلاک بھی کرتے ہیں۔ لیکن جب تک یہ کارروائی ہوتی ہے اس وقت تک ہیش ٹیگ ٹرینڈ کرنا شروع کر دیتا ہے۔"
نگہت داد کہتی ہیں جب ٹوئٹر صارفین بوٹ اکاؤنٹس سے ہونے والی سرگرمی میں شامل ہو جاتے ہیں، ری ٹوئٹس کرتے یا رپلائی کرتے ہیں تو پھر یہ ٹرینڈ بڑھتے بڑھتے لاکھوں ٹوئٹس تک پہنچ جاتا ہے۔
تحریک انصاف کی جانب سے مبینہ طور پر جعلی ٹرینڈ چلانے کے مریم اورنگزیب کےدعوے کے بعد سوشل میڈیا پر ایک نئی بحث چھڑ گئی ہے اور صارفین اس معاملے میں اپنی اپنی رائے کا اظہار کر رہے ہیں۔
سینئر صحافی اور تجزیہ کار نجم سیٹھی نے بھی ایک ٹوئٹ میں کہا ہے کہ افسوس ہے ایسی قوم پر جس کے نواجوان کو سرکاری خزانے سے ادا کیے گئے ریموٹ بی او ٹیز کے ذریعے برین واش کیا جاتا ہے۔
Pity the nation in which the minds of young people are brainwashed by remote BOTs paid out of the public exchequer.
— Najam Sethi (@najamsethi) April 18, 2022
پاکستانی سوشل میڈیا پر #جعلی_ٹرینڈ_پکڑا_گیا کا ہیش ٹیگ بھی ٹرینڈ کر رہا ہے جس میں لگ بھگ ڈھائی لاکھ ٹوئٹس کی جا چکی ہیں جس کے ردِعمل میں "NOT a BOT" کا ہیش ٹیگ بھی ٹرینڈ کر رہا ہے۔
راشد نصراللہ نامی ٹوئٹر صارف نے ٹوئٹ کی کہ پی ٹی آئی جعلی مینڈیٹ سے جعلی ٹرینڈ تک کا سفر کرنے والی جماعت بن گئی ہے۔
پی ٹی آئی، جعلی مینڈیٹ سے جعلی ٹرینڈ تک کا سفر طے کرنے والی جماعت #جعلی_ٹرینڈ_پکڑا_گیا
— Rashid Nasrullah (@RashidNasrulah) April 18, 2022
صائمہ فاروق نامی صارف نے اپنی ٹوئٹ میں ٹوئٹر سے درخواست کی ہے کہ وہ جعلی ٹرینڈ چلانے پر تحریکِ انصاف کے خلاف کارروائی کرے۔
I request @Twitter to take strict action against @PTIofficial& @ImranKhanPTI for misusing Twitter #جعلی_ٹرینڈ_پکڑا_گیا pic.twitter.com/lyBln9VKUg
— Saima Farooq 🇵🇰 (@SaimaFarooq) April 18, 2022
حسان صدیقی نامی صارف نے ٹوئٹ کی کہ یہ ٹوئٹر کی تاریخ کے بڑے فراڈز میں سے ایک ہے جب ایک ٹرینڈ 80 فی صد فیک اکاؤنٹس کے ذریعے چلایا گیا۔
The previous fake government of the former fake Prime Minister has not stopped forgery and has been caught red handed in the worst action in the history of Twitter. Fake trend through 80% fake accounts have also been banned by Twitter.#جعلی_ٹرینڈ_پکڑا_گیا @Atifrauf79
— Hassan Siddiqui 🇵🇰 (@Hassandude7) April 18, 2022
تحریکِ انصاف کی سوشل میڈیا ٹیم پر جعلی ٹرینڈ چلانے کے الزامات پر تحریکِ انصاف کے رہنماؤں کی جانب سے بھی ردِعمل آ رہا ہے۔
سابق ڈپٹی اسپیکر قاسم سور ی نے ٹوئٹ کی کہ وہ اُ ن کے بقول اس امپورٹڈ حکومت کو مسترد کرتے ہیں۔
This is Qasim Khan Suri and I am NOT a BOT.Also, I do not accept the Imported Government in Pakistan. #امپورٹڈ_حکومت_نامنظورThank you. pic.twitter.com/Qu7LtN3ca8
— Qasim Khan Suri (@QasimKhanSuri) April 18, 2022
سابق وفاقی وزیر عمر ایوب خان نے بھی اپنی ٹوئٹ میں تحریکِ انصاف پر جعلی ٹرینڈ چلانے کے الزامات کو مسترد کیا ہے۔
I Omar Ayub Khan am NOT a BOT #امپورٹڈ_حکومت_نامنظور pic.twitter.com/6S96V6fSDq
— Omar Ayub Khan (@OmarAyubKhan) April 19, 2022
تحریکِ انصاف کی رہنما زرتاج گل وزیر نے کہا کہ مریم نواز نے ہم پر یہ الزام لگایا کہ ہم جھوٹا ٹرینڈ چلا رہے ہیں، حالاں کہ وہ خود کیلبری فونٹ کیس میں سزا یافتہ ہیں۔
I%27m Zartaj Gul Wazir and I%27m Not a Bot!Interestingly, the Calibri-convict Maryam Nawaz who made the weird allegation about our record-breaking signature Hashtag surely considered the phenomenon from her own criminal forgery-oriented thinking. Pathetic!
— Zartaj Gul Wazir (@zartajgulwazir) April 19, 2022