بھارت میں جاری ورلڈ کپ کرکٹ ٹورنامنٹ میں آج نیوزی لینڈ کا مقابلہ نیدرلینڈز سے ہوگا۔ کیوی ٹیم کو اپنی دوسری کامیابی کی تلاش ہوگی جب کہ ڈچ ٹیم پہلی فتح حاصل کرنے کی کوشش کرے گی۔
ایک دن قبل اتوار کو بھارت نے آسٹریلیا کو شکست دے کر ایونٹ میں پہلی کامیابی حاصل کی تھی جس کے بعد تمام ٹیموں کا ایک ایک میچ ہو گیا ہے۔ پانچ ٹیموں کے دو دو پوائنٹس ہیں جب کہ پانچ ٹیموں کے مداح اب بھی کامیابی کی منتظر ہیں۔
اس وقت پوائنٹس ٹیبل کی صورتِ حال کے مطابق گزشتہ دو ایڈیشن کی فائنلسٹ نیوزی لینڈ ، میزبان بھارت اور سابق چیمپئن پاکستان کے دو دو پوائنٹس ہیں۔ ایک ایک میچ میں فتح کے بعد جنوبی افریقہ اور بنگلہ دیش بھی ٹاپ فائیو میں شامل ہیں۔
سب سے بہتر رین ریٹ دو عشاریہ ایک چار نو کی وجہ سے نیوزی لینڈ کی پہلی پوزیشن ہے جب کہ جنوبی افریقہ دوسرے، پاکستان تیسرے اور بنگلہ دیش چوتھے نمبر پر ہے۔
New Zealand are top of the standings after the first round of matches 🇳🇿#CWC23 stats 👉https://t.co/HEPMdZQumg pic.twitter.com/tU7SWKjVbP
— ICC Cricket World Cup (@cricketworldcup) October 9, 2023
اتوار کو آسٹریلیا کو چنئی میں شکست دینے کے بعد بھارت کے بھی دو پوائنٹس ہیں لیکن رن ریٹ کے اعتبار سے اس کا پانچواں نمبر ہے۔
اتوار کو کھیلے گئے میچ میں جہاں بھارت کامیاب ہوا، وہیں آسٹریلیا کے ڈیوڈ وارنر نے ورلڈ کپ کرکٹ میں ایک ہزار رنز کا سنگ میل عبور کیا جب کہ انہی کے ہم وطن آسٹریلیا کے مچل اسٹارک نے بھی صرف 19 میچز میں ورلڈ کپ میں50 وکٹیں حاصل کرکے نیا ریکارڈ بنایا۔
Fastest to 50 ODI World Cup wickets ⚡️👏This is truly Mitchell Starc%27s tournament 👊#INDvAUS pic.twitter.com/FMFON6jdb1
— Sport360° (@Sport360) October 8, 2023
ایونٹ میں اور کون کون سے ریکارڈ بنے ہیں اور کون سے ریکارڈ کھلاڑیوں کے نشانے پر ہو سکتے ہیں، جاننے کی کوشش کرتے ہیں۔
جنوبی افریقہ کا تین سینچریوں کی مدد سے 428 رنز کا ریکارڈ
جنوبی افریقہ نے ہفتے کو سری لنکا کو ایک ہائی اسکورنگ میچ میں شکست دے کر جہاں پہلی فتح سمیٹی، وہیں اس کے بلے بازوں نے کئی ریکارڈز اپنے نام کیے جس میں سرِ فہرست ایک اننگز میں سب سے زیادہ رنز بنانے کا ریکارڈ سر فہرست تھا۔
اس میچ میں جنوبی افریقہ نے پانچ وکٹ کےنقصان پر 428 رنز بنائے تھےجب کہ اس کے تین بلے بازوں نے ایک ہی اننگز میں سینچری بناکر تاریخ رقم کی۔
اس میچ سے قبل ون ڈے انٹرنیشنل کی 52 سالہ تاریخ میں صرف دو مرتبہ کسی ٹیم کے تین بلے بازوں نے ایک ہی اننگز میں سینچری بنانے کا اعزاز حاصل کیا۔
Aiden Markram broke a 12-year old record to become the fastest-ever century maker in ICC Cricket World Cup history 🎉#CWC23 | #SAvSL pic.twitter.com/EdoIsDyCNL
— ICC Cricket World Cup (@cricketworldcup) October 7, 2023
ورلڈ کپ میں رونما ہونے والا یہ پہلا موقع تھا جس کا کریڈٹ وکٹ کیپر کوئنٹن ڈی کوک اور بلے باز وں ایڈن مارکرم اور ریزی وین ڈیر ڈوسن کو جاتا ہے۔
دلی میں کھیلے گئے اس میچ سے قبل ورلڈ کپ کی ایک اننگز میں سب سے زیادہ رنز کا ریکارڈ آسٹریلیا کے پاس تھا جس نے 2015 کے ایڈیشن میں افغانستان کے خلاف چھ وکٹ پر 417 رنز بنائے تھے۔
مارکرم نے 49 گیندوں پر سینچری اسکور کرکے آئرلینڈ کے کیون وبرائن کو تیز ترین ورلڈ کپ سینچری بنانے کے اعزاز سے محروم کیا۔ آئرش کھلاڑی نے انگلینڈ کے خلاف 2011 میں 50 گیندوں پر سینچری اسکور کرکے ریکارڈ بنایا تھا۔
سری لنکا نے اس میچ میں 326 رنز بناکر مقابلہ تو خوب کیا لیکن فتح نہ حاصل کرسکی۔ تاہم دونوں ٹیموں نے اس میچ میں مجموعی طور پر 754 رنز بنائے جو ورلڈ کپ مقابلوں میں کسی بھی میچ میں بننے والا سب سے بڑا اسکور ہے۔
South Africa have achieved the highest-ever total in a @cricketworldcup game 🔥#CWC23 | #SAvSL 📝: https://t.co/bHwFpH9gw9 pic.twitter.com/oCGYqPZgyb
— ICC Cricket World Cup (@cricketworldcup) October 7, 2023
شکیب ، وراٹ کے بعد وارنر کی ہزار رنز کلب میں انٹری
ورلڈ کپ کی تاریخ میں سب سے زیادہ رنز بنانے کا ریکارڈ، چھ ورلڈ کپ میں بھارت کی نمائندگی کرنے والے سچن ٹنڈولکر کے پاس ہے۔ انہوں نے میگا ایونٹ میں 2278 رنز بنائے تھے اور فی الحال کسی بھی موجودہ کھلاڑی کا وہاں پہنچنا مشکل نظر آ رہا ہے۔
دوسرے نمبر پر 1743 رنز کے ساتھ آسٹریلیا کے رکی پونٹنگ دوسرے اور سری لنکا کے کمار سنگاکارا 1532 رنز کے ساتھ تیسرے نمبر پر ہیں۔
Shakib Al Hasan continues his charge up the all-time list at #CWC23 📈 pic.twitter.com/dglem78w2P
— ICC (@ICC) October 5, 2023
اس ورلڈ کپ میں شریک تین بلے باز ایسے ہیں جو ایک ہزار رنز کے کلب میں موجود ہیں اور پونٹنگ اور سنگاکارا کے ریکارڈ تک غیرمعمولی کارکردگی دکھا کر پہنچ سکتے ہیں۔
اس فہرست میں بنگلہ دیش کے شکیب الحسن سر فہرست ہیں جنہوں نے میگا ایونٹ میں 1160 رنز بنائے ہیں۔ آسٹریلیا کے خلاف میچ وننگ اننگز کھیلنے والے بھارت کے وراٹ کوہلی 1115 رنز کے ساتھ دوسرے نمبر پر ہیں۔
آسٹریلیا کے ڈیوڈ وارنر بھی اس کلب کا حصہ ہیں۔ انہوں نے ورلڈ کپ مقابلوں میں اب تک 1033 رنز بنائے ہیں۔ بھارت کے روہت شرما 978 رنز، آسٹریلیا کے اسٹیو اسمتھ 880 رنز اور بنگلہ دیش کے مشفق الرحیم 879 رنز کے ساتھ موجود ہیں جو اچھی کارکردگی دکھا کر اس کلب میں جگہ بناسکتے ہیں۔
Throwback to Virat Kohli masterclass in 2011.Still the youngest player to score a century on World Cup debut 🐐pic.twitter.com/f4jvQUdByZ
— Pari (@BluntIndianGal) October 5, 2023
سب سے زیادہ سنچریاں
اگر بات کی جائے ورلڈ کپ میں سب سے زیادہ سینچریوں کی تو پہلے میچ میں صفر پر آؤٹ ہونے والے روہت شرما اب بھی اس ریکارڈ کو توڑنے کے لیے فیورٹ ہیں۔
وہ مزید ایک سینچری اسکور کرکے میگا ایونٹ میں سب سے زیادہ سینچریاں اسکور کرنے والے بلے باز بن جائیں گے۔
اس وقت روہت شرما چھ سینچریاں بناکر ہم وطن سچن ٹنڈولکر کے ساتھ پہلی پوزیشن پر موجود ہیں جنہوں نے چھ ورلڈ کپ میں یہ کارنامہ انجام دیا تھا۔
CAN HE REPEAT IT? Rohit Sharma was at his very best in the 2019 World Cup. With 648 runs, he was the highest run-scorer in the tournament.#RohitSharma | #WorldCup2023 | #CWC23 pic.twitter.com/7qYPcafc4a
— Cricket.com (@weRcricket) September 29, 2023
موجودہ کھلاڑیوں میں آسٹریلیا کے ڈیوڈ وارنر چار اور انگلینڈ کے جو روٹ تین سینچریوں کے ساتھ اس فہرست میں موجود ہیں۔ ان کے پاس اس ایڈیشن کے دوران روہت شرما اور سچن ٹنڈولکر کے برابر جانے کا موقع موجود ہے۔
ایک ورلڈ کپ میں سب سے زیادہ رنز
ایک ورلڈ کپ ایونٹ کے دوران سب سے زیادہ رنز بنانے کے ریکارڈ کے مالک بھی سچن ٹنڈولکر ہیں۔ 2003 میں ہونے والے ایونٹ کے دوران انہوں نے 673 رنز اسکور کیے تھے جس ریکارڈ کو آج تک کوئی نہیں توڑ سکا۔
Sachin Tendulkar will be the Brand Ambassador for World Cup 2023.- The God of cricket. pic.twitter.com/gnSoR5OzZO
— Johns. (@CricCrazyJohns) October 3, 2023
آسٹریلیا کے میتھیو ہیڈن نے 2007 میں 659 رنز جب کہ 2019 میں بھارت کے روہت شرما نے 648 اور آسٹریلیا کے ڈیوڈ وارنر نے 647 رنز بنا کر ٹنڈولکر کے قریب آنے کی کوشش تو کی تھی لیکن اسے توڑنے میں کامیاب نہیں ہوسکے تھے۔
ورلڈ کپ مقابلوں میں سب سے بڑی پارٹنرشپ کا ریکارڈ آج بھی ویسٹ انڈیز کے مارلن سیمیولز اور کرس گیل کے پاس ہے جنہوں نے 2015 میں زمبابوے کے خلاف دوسری وکٹ کی شراکت میں 372 رنز بنائے تھے۔
#OnThisDay, Chris Gayle and Marlon Samuels put on the highest-ever partnership in men%27s ODIs. 💥#WestIndies #MarlonSamuels#ChrisGayle pic.twitter.com/kFjjn0hC1z
— 100MB (@100MasterBlastr) February 24, 2023
سب سے بڑا انفرادی اسکور
ورلڈ کپ کی ایک اننگز میں سب سے بڑے انفرادی اسکور کی بات کی جائے تو اب تک میگا ایونٹ کی تاریخ میں صرف دو بلے باز ہی ڈبل سینچریاں اسکور کرسکے ہیں ۔
نیوزی لینڈ کے مارٹن گپٹل کے 2015 کے ورلڈ کپ میں ویسٹ انڈیز کے خلاف 237 رنز ناٹ آؤٹ ایونٹ کا اب بھی سب سے بڑا اسکور ہے۔
ویسٹ انڈیز کے کرس گیل کے اسی ورلڈ کپ میں بننے والے 215 دوسرا بڑا انفرادی اسکور ہے۔
کم میچوں میں 50 وکٹیں لینے کا ریکارڈ
اس ورلڈ کپ میں بظاہر تو وکٹیں بلے بازوں کو سپورٹ کرتی نظر آ رہی ہیں۔ لیکن مچل اسٹارک نے ان حالات میں بھی ایک ورلڈ کپ ریکارڈ اپنے نام کیا ہے۔
انہوں نے بھارت کے خلاف میچ میں ایشان کشن کو آؤٹ کرکے ورلڈ کپ میں سب سے کم میچز میں 50 وکٹیں لینے کا سنگ میل عبور کیا۔
انہوں نے اس سنگ میل کو عبور کرنے کے لیے 19 میچز کھیل کر سری لنکا کے لسیتھ ملنگا کو ریکارڈ سے محروم کیا۔
ملنگا کو یہاں تک پہنچنے کے لیے 26میچ کھیلنے پڑے تھے۔
Mitchell Starc is just the fifth player to reach 50 ODI World Cup wickets.In just 19 games, at an average of a tick over 15, Starc has also never gone wicketless in an ODI World Cup match 😮 #CWC23 pic.twitter.com/dJvB8NARHs
— 7Cricket (@7Cricket) October 9, 2023
سب سے زیادہ وکٹیں
ورلڈ کپ مقابلوں میں سب سے زیادہ وکٹیں لینے کا ریکارڈ گلین میگرا کے پاس ہے جنہوں نے 39 میچوں میں 71 کھلاڑیوں کو واپس پویلین بھیجا۔
سری لنکا کے مرلی دھرن 68 اور لسیتھ ملنگا 56 وکٹوں کے ساتھ دوسرے اور تیسرے نمبر پر ہیں۔
ایونٹ میں شرکت کرنے والے بالرز میں نیوزی لینڈ کے ٹرینٹ بولٹ اور شکیب الحسن ان کے قریب ہیں۔
کیوی بالر نے اب تک میگا ایونٹ میں 40 جب کہ بنگلہ دیشی کپتان نے 37 وکٹیں حاصل کی ہیں۔
Australia%27s Glenn McGrath has the best bowling figure in the ODI World Cup. For India, Ashish Nehra%27s 6/23 against England in 2003 World Cup remains the best figure.#GlennMcGrath | #CWC23 | #WorldCup2023 pic.twitter.com/j8375olvef
— Cricket.com (@weRcricket) September 30, 2023
ان کے ہم وطن ٹم ساوتھی اس وقت ایونٹ میں شرکت کرنے والے بالرز میں واحد کھلاڑی ہیں جنہوں نے ورلڈ کپ مقابلوں میں ایک ہی اننگز میں سات کھلاڑیوں کو آؤٹ کیا، اننگز میں بہترین کارکردگی کا ریکارڈ بھی گلین میگرا کے پاس ہے جنہوں نے 2003 میں صرف 15 رنز دے کر نمیبیا کے سات کھلاڑیوں کو آؤٹ کیا۔
البتہ ایک ہی ایونٹ میں سب سے زیادہ وکٹوں کے معاملے میں مچل اسٹارک نے میگرا کو چار سال قبل پیچھے چھوڑ دیا تھا، گزشتہ ورلڈ کپ میں وہ 27 کھلاڑیوں کو آؤٹ کرکے 2007 کے ایڈیشن میں 26 وکٹیں لینے والے گلین میگرا سے آگے نکل گئے تھے۔
Is it possible for Mitchell Starc to surpass Glenn McGrath%27s ODI World Cup record of 71 wickets? 👀🔥#MitchellStarc #WorldCup2023 #CricketTwitter #TrentBoult #MohammedShami #ICCCricketWorldCup pic.twitter.com/GkXRCWnxCW
— Sportz Point (@sportz_point) October 3, 2023
وکٹ کیپنگ ، فیلڈنگ ریکارڈ پر کن کن کھلاڑیوں کی نظر
وکٹ کیپرز کے معاملے میں سری لنکا کے کمار سنگاکارا سب سے آگے ہیں جنہوں نے 37 ورلڈ کپ میچوں میں 54 شکار کیے جس میں 41 کیچز اور 13 اسٹمپ شامل ہیں۔
اس وقت موجودہ کرکٹرز میں بنگلہ دیش کے مشفق الرحیم دوسرے نمبر پر ہیں لیکن اب وہ وکٹ کیپنگ نہیں کرتےاور صرف بطور بلے باز کھیلتے ہیں۔
نیوزی لینڈ کے ٹام لیتھم 24 ، انگلینڈ کے جوس بٹلر 23 اور آسٹریلیا کے ایلکس کیری 20 شکاروں کے ساتھ اس فہرست میں نمایاں ہیں۔
ورلڈ کپ کے 2019 کے ایڈیشن میں 21 کیچز کے ساتھ ٹام لیتھم گزشتہ ایک ہی ورلڈ کپ کے دوران سب سے کامیاب وکٹ کیپر بن کر سامنے آئے تھے جب انہوں نے آسٹریلیا کے ایڈم گلکرسٹ کا ایک ہی ورلڈ کپ میں زیادہ شکار کا ریکارڈ برابر کیا تھا ۔
Most wins in ODI World Cup as a captain ⬇️26 Ricky Ponting (2 lost)16 Stephen Fleming (10 lost)15 Clive Lloyd (2 lost)14 MS Dhoni (2 lost)14 Imran Khan (8 lost)#CWC23 #WorldCup2023 pic.twitter.com/HxP3dGlA9A
— Sameer Allana (@HitmanCricket) September 27, 2023
اگر انگلینڈ کے جو روٹ نے اس ایڈیشن میں نو کیچز پکڑ لیے تو وہ آسٹریلیا کے رکی پونٹنگ سے آگے نکل جائیں گے جو 46 میچز میں 28 کیچز تھام کر سرفہرست ہیں۔
امپائرز کی کارکردگی
اور آخر میں بات امپائرز کی جن کے بغیر کسی بھی میچ کا مکمل ہونا ممکن نہیں۔
میگا ایونٹ کے دوران سب سے زیادہ میچز میں امپائرنگ کرنے کا ریکارڈ آج بھی انگلینڈ کے ڈیوڈ شیپرڈ کے پاس ہے جنہوں نے کئی ورلڈ کپ کے فائنل سمیت 46 میچز میں امپائرنگ کی۔
ویسٹ انڈیز کے اسٹیو بکنر 45 اور پاکستان کے علیم ڈار 34میچز کے ساتھ دوسرے اور تیسرے نمبر پر ہیں۔