پاکستان سپر لیگ (پی ایس ایل)کے ساتویں ایڈیشن کا پہلا مرحلہ جاری ہے۔ اب تک ایونٹ کی ناقابلِ شکست رہنے والی ملتان سلطانز کے کپتان محمد رضوان کی انفرادی کارکردگی کے ساتھ ساتھ کرکٹ شائقین ان کی کپتانی کی تعریفیں بھی کر رہے ہیں۔
رضوان کی قیادت میں سلطانز نے پیر کو سنسنی خیز مقابلے کے بعد کوئٹہ گلیڈی ایٹرز کو چھ رنز سے شکست دی تھی۔ دو وکٹ کیپرز کپتانوں کے اعصاب شکن میچ میں محمد رضوان کو اس وقت بھی پرسکون دیکھا گیا جب میچ کسی بھی وقت کسی کے بھی حق میں جا سکتا تھا۔
اس میچ میں سلطانز نے سرفراز احمد کی کوئٹہ گلیڈی ایٹرز کو جیت کے لیے 174 رنز کا ہدف دیا تھا۔ یہ ہدف اس وقت آسان نظر آنے لگا تھا جب ڈیتھ اوورز میں افتخار احمد کی دھواں دار بیٹںگ کے دوران جیت مخالف ٹیم سے دور ہوتی رہی۔
کوئٹہ کو جیت کے لیے چار اوور میں 48 رنز درکار تھے اور 17ویں اوور میں فاسٹ بالر عمران خان نے 24 رنز دیے۔ لیکن اس موقع پر رضوان مسکراتے ہوئے ان کے پاس آئے اور انہیں حوصلہ دیا۔
رضوان کے اس رویے کو ان کی ٹیم کے لیے متاثر کن قرار دیا جا رہا ہے۔
In the 17th over Imran Khan went for 24 runs. Instead of shouting and screaming at the bowler, Mohammad Rizwan smiled, gave him a pat on the back and encouraged his players. The sort of behaviour that inspires your team #PSL7 #QGvMS
— Saj Sadiq (@SajSadiqCricket) January 31, 2022
بعض ٹوئٹر صارفین ملتان سلطانز کی کامیابی کا سارا کریڈٹ رضوان کی قیادت کو دے رہے ہیں۔
This is what we called captaincy 🥵Rizwan 🔥#QGvMS pic.twitter.com/vxWnYdPesn
— Mubeen Malik (@Mubeen_Malik707) January 31, 2022
پاکستان کرکٹ ٹیم کے سابق فاسٹ بالر محمد آصف نے ایک ٹوئٹ میں کہا ہے کہ ایک عظیم لیڈر آپ کو یہ نہیں بتاتا کہ آپ کو کیا کرنا ہے بلکہ وہ آپ کو کر کے دکھاتا ہے۔ انہوں نے ملتان سلطانز کی ٹیم کو کہا ہے کہ آپ خوش قسمت ہیں کہ آپ کو رضوان جیسا کپتان ملا ہے۔
- Great Leaders don%27t tell you what to do they show you how it%27s done.Team @MultanSultans are lucky you have a captain like @iMRizwanPak - He is the only winner of today%27s game. Proud of you 👍#QGvMS #HBLPSL #PSL2022
— Muhammad Asif (@MuhammadAsif26_) January 31, 2022
حماد علی نامی ٹوئٹر صارف نے لکھا کہ جب شاہ نواز دھانی نے ایک آسان رن آؤٹ چھوڑا تو اس پر صہیب مقصود نے غصے کا اظہار کیا لیکن وکٹ کے پیچھے سے ایک آواز آئی، خیر ہے کوئی بات نہیں۔
Sohaib maqsood shouting at dahani after he missed an easy run out 😬Then a voice came from behind the stump "It%27s okay koi bat nh" Cool and calm rizzi boy 🥺❤️#QGvMS pic.twitter.com/nmKzVUQjMv
— Hammad Ali (@Hammad_ali_8) January 31, 2022
ایک صارف نے کہا کہ جب سرفراز احمد نے خوش دل شاہ کو چوکا لگایا تو اس پر رضوان مسکرائے اور انہوں نے بالر کے اعتماد میں اضافہ کرنے کی کوشش کی۔ اس موقع پر کمنٹیٹر نے کہا کہ رضوان کبھی ہمت نہیں ہارتے اور نہ ہی یہ ان کا طریقہ ہے۔
چوکا لگنے کی اگلی ہی گیند پر خوش دل شاہ نے سرفراز کو آؤٹ بھی کر دیا۔
After Khushdil Shah being hit for a boundary by Sarfaraz, Rizwan smiled & gave confidence to Khushdil while commentator said that Rizwan is never gonna get down, that%27s not his way. Then on the very next ball Khushdil Shah got Sarfaraz out. #QGvMS pic.twitter.com/wFmgH03Y21
— batadun? (@nahi_bataonga) January 31, 2022
کوئٹہ گلیڈی ایٹر کو شکست دینے کے بعد ملتان سلطانز نے رضوان اور خوش دل شاہ کی تصویر شیئر کی اور کہا کہ یہ میچ انتہائی اعصاب شکن میچ تھا لیکن اس کا اختتام مسکراہٹ پر ہوا ہے۔
It might have been a nervy affair but it finished with all smiles 😀 in the end. A brilliant team effort. #QGvMS #SultanAaGayya #HBLPSL7 pic.twitter.com/dnhM6bvJ0Z
— Multan Sultans (@MultanSultans) January 31, 2022
انٹرنیشنل کرکٹ کونسل نے حال ہی میں رضوان کو سال 2021 کا بہترین ٹی ٹوئنٹی بلے باز قرار دیا تھا۔ محمد رضوان پاکستان ٹیسٹ کرکٹ ٹیم کے کپتان ہونے کے ساتھ ساتھ ون ڈے اور ٹی ٹوئنٹی ٹیموں کے نائب کپتان بھی ہیں۔ ڈّومیسٹک میچز میں وہ خیبرپختونخوا کی جانب سے قیادت کے فرائض انجام دے چکے ہیں۔