'اسپیڈ ریسر'، 'دی گڈ جرمن' اور 'ریڈی اور ناٹ' جیسی فلموں میں اداکاری کے جوہر دکھانے والے ہالی وڈ اداکار کرسچن اولیور ایک طیارہ حادثے میں ہلاک ہو گئے ہیں۔
جمعے کو کیربیئن جزیرے سینٹ لوشیا کے قریب سمندر میں گر کر تباہ ہونے والے جہاز میں 51 سالہ اداکار کے ساتھ ان کی دو بیٹیاں اور پائلٹ بھی موجود تھے۔
کرسچن اولیور ایک فور سیٹر طیارے میں بیٹیوں 10 سالہ مدیٹا اور 12 سالہ اینِک کے ہمراہ سینٹ ونسنٹ سے سینٹ لوشیا جا رہے تھے۔
تفصیلات کے مطابق کریش کی وجہ جہاز میں فنی خرابی ہو سکتی ہے کیوں کہ کنٹرول ٹاور سے آخری گفتگو میں پائلٹ نے ٹیک آف کے بعد واپس مڑنے کا عندیہ دیا تھا۔
#ChristianOliver, passed away on Thursday along with his two daughters after their small plane crashed into the water off the coast of a Caribbean island.Our condolences to the family and friends. pic.twitter.com/hu1YHuFjqm
— Filmfare (@filmfare) January 6, 2024
سینٹ ونسنٹ اور گرینا ڈینز کی پولیس کے مطابق سینٹ لوشیا کی جانب جاتے ہوئے جہاز بیکویا نامی جزیرے کے قریب گر کر تباہ ہوا، البتہ جہاز گرنے کی وجوہات کا ابھی تک حتمی تعین نہیں کیا جا سکا ہے۔
مقامی کوسٹ گارڈز کا کہنا تھا کہ رابرٹ نامی پائلٹ بھی اس حادثے میں ہلاک ہو گئے ہیں۔ ہلاک شدگان کی لاشیں طیارہ تباہ ہونے کے کچھ دیر بعد ہی مقامی غوطہ خوروں اور ماہی گیروں کی مدد سے نکال لی گئی تھیں۔
VIDEO: Actor Christian Oliver and his two young daughter have tragically been killed in a plane crash in the Caribbean. The victims of the crash have been identified as Christian Klepser, 55, Madita, 10, and Annik, 12. The pilot was also killed in the crash. Christian… pic.twitter.com/5Tk4KtLcv2
— Ryan Foster (@RyanFosterHQ) January 5, 2024
کرسچن اولیور جن کا اصل نام کرسچن کلیپسر تھا، تین مارچ 1972 کو مغربی جرمنی کی ریاست لوئر سیکسنی میں پیدا ہوئے تھے، نوے کی دہائی میں وہ ماڈلنگ کے شعبے سے شوبز میں داخل ہوئے اور بعد میں اداکاری سے بھی وابستہ ہو گئے۔
انہوں نے جارج کلونی، ایل پچینو اور ٹام کروز جیسے اداکاروں کے ساتھ فلموں اور ٹی وی شوز میں کام کیا، 2008 میں ان کی دو فلمیں 'اسپیڈ ریسر' اور 'دی گڈ جرمن' ریلیز ہوئی تھیں جس میں ان کی اداکاری کو کافی سراہا گیا تھا۔
Actor Christian Oliver has died in a tragic plane crash in the Caribbean alongside his two daughters. Oliver, known for his roles in ‘Speed Racer’ and ‘Valkyrie’ was 51 years old. #RIPZahara #ChristianOliver #PlaneCrash pic.twitter.com/eqqpujlJ9q
— Shashank Singh (@RccShashank) January 6, 2024
نوے کی دہائی میں وہ سیوڈ بائی دی بیل، دی نیو کلاس نامی ٹی وی سیریز کا حصہ تھے جب کہ حال ہی میں انہوں نے ایمیزون پرائم کی سیریز 'دی ہنٹرز' میں ایل پچینو کے کردار کم عمری کا کردار ادا کیا تھا۔
سن 2002 سے 2004 تک نشر ہونے والی جرمن سیریز 'الارم فور کوبرا الیون' میں انہوں نے مرکزی کردار ادا کیا تھا۔ انہیں جرمنی سے تعلق رکھنے کی وجہ سے فلموں اور ٹی وی شوز میں زیادہ تر جرمن کرداروں میں ہی کاسٹ کیا جاتا تھا۔
Christian Oliver morto con le due figlie ai CaraibiJessica Mazur è l’ex moglie che non era con loro https://t.co/VMMEu8jwDJ
— Fanpage.it (@fanpage) January 6, 2024
دی میٹریکس سیریز کے خالق واچوسکیز کے ساتھ انہوں نے اسپیڈ ریسر کے ساتھ ساتھ ٹی وی شو 'سینس ایٹ' میں بھی کام کیا جب کہ کئی فلموں میں بھی انہوں نے اہم کردار ادا کیے۔
گزشتہ سال ریلیز ہونے والی انڈیانا جونز سیریز کی پانچویں فلم ان کی آخری بڑی ریلیز تھی، انہوں نے سوگواروں میں سابق اہلیہ جسیکا مزور چھوڑی ہیں جن کو انہوں نے 2021 میں طلاق دے دی تھی۔