چیمپیئنز لیگ کے فائنل میں فٹ بال کلب چیلسی نے مانچسٹر سٹی کو شکست دے کر ٹرافی اپنے نام کرلی۔
پرتگال کے شہر پورتو میں ہفتے کو کھیلے گئے فٹ بال چیمپیئنز لیگ کے فائنل میں چیلسی نے مانچسٹر سٹی کو صفر کے مقابلے میں ایک گول سے شکست دی۔
دو یورپین کلبز کے درمیان ہونے والے اس فائنل کے پہلے ہاف کے 42 ویں منٹ میں چیلسی کے کھلاڑی کائی ہاوٹرز نے گول کرکے اپنی ٹیم کو برتری دلائی جو میچ کے آخر تک برقرار رہی۔
🏆 Chelsea have won the UEFA Champions League for a second time! 👏👏👏#UCL #UCLfinal pic.twitter.com/3ogfCK5C71
— UEFA Champions League (@ChampionsLeague) May 29, 2021
مانچسٹر سٹی نے چیلسی کی برتری کو ختم کرنے کی کوشش کی لیکن کامیاب نہ ہو سکی۔
ہفتے کو کھیلے گئے میچ کے فائنل سے قبل مانچسٹر سٹی کو فیوریٹ قرار دیا جا رہا تھا اور یہ توقع تھی کہ وہ پہلی مرتبہ چیمپیئنز لیگ کا ٹائٹل اپنے نام کرنے میں کامیاب رہے گی۔
CHAMPIONS OF EUROPE!!! 🏆 #ChelseaChampions #UCLFinal pic.twitter.com/Wz000kegmG
— Champions of Europe 🏆 (@ChelseaFC) May 29, 2021
البتہ چیلسی نے ان توقعات کو پورا ہونے سے روک دیا۔ میچ میں چیلسی نے بہتر کھیل پیش کیا اور مانچسٹر سٹی کو کھل کر کھیلنے کا موقع فراہم نہیں کیا۔
چیلسی نے مانچسٹر سٹی کو شکست دے کر دوسری مرتبہ چیمپئنز لیگ کا ٹائٹل اپنے نام کیا ہے۔
FULL TIME | Heartbreak in Portugal.Congratulations @ChelseaFC🔷 #ManCity | https://t.co/axa0klD5re pic.twitter.com/x6dzXwwq8b
— Manchester City (@ManCity) May 29, 2021
واضح رہے کہ چیلسی اور مانچسٹر سٹی کے درمیان کھیلے گئے آخری تینوں میچز میں چیلسی کی ٹیم کامیاب رہی ہے۔
چیلسی کی ٹیم نے یہ کامیابی جرمن فٹ بال منیجر تھومس ٹیوچل کی قیادت میں حاصل کی ہے۔