دنیا کا مشہور مائیکرو بلاگنگ پلیٹ فارم ’ٹوئٹر‘ جب سے ایلون مسک کی ملکیت میں گیا ہے اور اس کی پالیسیوں میں تبدیلیاں کی جا رہی ہیں۔ ایسے میں ہالی وڈ سمیت دیگر شعبوں کی بعض مشہور شخصیات نے اعلان کیا ہے کہ وہ اس پلیٹ فارم سے کنارہ کشی اختیار کر سکتی ہیں۔
ایسے افراد جو ایلون مسک کے اقدامات کی حمایت کر رہے ہیں ان کی بھی ایک بڑی تعداد موجود ہے اور وہ اسے ٹوئٹر سے جعلی اکاؤنٹس کے خاتمے کے لیے اقدامات سے تعبیر کر رہے ہیں۔
حال ہی میں ایلون مسک نے اعلان کیا ہے کہ ٹوئٹر پر تصدیق شدہ اکاؤنٹ کے لیے بلو ٹک رکھنے پر صارفین کو ماہانہ آٹھ ڈالرز ادا کرنے ہوں گے۔
ٹوئٹر پر بلو ٹک اس بات کی علامت ہے کہ وہ اکاؤنٹ تصدیق شدہ ہے اور اس اکاؤنٹ کو استعمال کرنے والا شخص یا ادارہ حقیقت میں موجود ہے۔ اس لیے اس اکاؤنٹ سے کی گئی ٹوئٹ پر یقین کیا جا سکتا ہے۔
ایلون مسک نے منگل کو بتایا تھا کہ ٹوئٹر پر وہ افراد جو کہ تصدیق شدہ ’بلو ٹک‘ والا اکاؤنٹ رکھتے ہیں، وہ ماہانہ آٹھ ڈالر ادا کریں گے تو ان کا یہ بلو ٹک برقرار رہے گا۔
Twitter’s current lords & peasants system for who has or doesn’t have a blue checkmark is bullshit. Power to the people! Blue for $8/month.
— Elon Musk (@elonmusk) November 1, 2022
انہوں نے یہ وضاحت بھی کی تھی کہ بلو ٹک کے لیے مختلف ممالک کے لوگوں کی مالی حالات کے مطابق قیمت مقرر کی جائے گی۔
Price adjusted by country proportionate to purchasing power parity
— Elon Musk (@elonmusk) November 1, 2022
ان کا مزید کہنا تھا کہ وہ ٹوئٹر پر سبسکرپشن فیس اس لیے رکھنا چاہ رہے ہیں تاکہ وہ مزید ریونیو جمع کر سکیں جس سے کانٹینٹ کری ایٹرزیعنی سوشل میڈیا پلیٹ فارم کے لیے مواد بنانے والے افراد کو ادائیگی شروع کی جا سکے۔
This will also give Twitter a revenue stream to reward content creators
— Elon Musk (@elonmusk) November 1, 2022
ایلون مسک ٹوئٹر کی پالیسیوں میں تبدیلی پر تنقید کی زد میں اس لیے بھی ہیں کیوں کہ ان کے بارے میں کہا جاتا ہے کہ وہ اس پلیٹ فارم پر سب کو کسی بھی قسم کی بات کرنے کی آزادی دینے کے حامی ہیں۔ ان پر تنقید ہوتی ہے کہ وہ ٹوئٹر پر ان افراد کو بھی آنے کی اجازت دیں گے جو نفرت انگیز گفتگو کرتے ہیں۔
جس وقت ایلون مسک نے ٹوئٹر کا انتظام سنبھالا تو اسی وقت کئی ہالی وڈ کی اداکاروں نے ٹوئٹر چھوڑنے کا عندیہ دے دیا تھا جن میں شاندہ راہیم بھی شامل ہیں۔
وہ کہتی ہیں کہ ایلون مسک نے جو بھی منصوبہ بندی کی ہے وہ اس کے لیے یہاں موجود نہیں ہیں۔
Not hanging around for whatever Elon has planned. Bye.
— shonda rhimes (@shondarhimes) October 29, 2022
مشہور ٹی وی سیریز ’گریز اناٹومی‘ کی تخلیق کار نے اس کے ساتھ ساتھ ٹوئٹر پر’بائے‘ بھی لکھا۔ واضح رہے کہ ان کے ٹوئٹر پر لگ بھگ 20 لاکھ فالوورز ہیں۔
ہالی وڈ کے مشہور گانوں ’لو سانگ‘ اور ’برئیو‘ گانے اور گریمی ایوارڈ کی فاتح سیراہ بیرہلس نے بھی ٹوئٹ کیا کہ وہ اپنے چاہنے والوں سے سوشل میڈیا کے دوسرے پلیٹ فارموں کے ذریعے رابطے میں رہ سکتی ہیں۔
Welp. It’s been fun Twitter. I’m out. See you on other platforms, peeps. Sorry, this one’s just not for me. ❤️🙏🏼
— Sara Bareilles (@SaraBareilles) October 30, 2022
اس کے ساتھ انہوں نے ٹوئٹر کے حوالے سے لکھا کہ یہ پلیٹ فارم میرے لیے نہیں۔
سات بار ایمی ایوارڈ جیتنے اور مشہور گانوں ’ان بریک مائی ہارٹ‘ اور ’لونگ ایز آئی لیو‘ کی گلوکارہ ٹونی بریکسٹن نے بھی ٹوئٹر پر لکھا کہ ٹوئٹر میرے لیے اب محفوظ نہیں ہے، اس لیے وہ اس پلیٹ فارم کو چھوڑ رہی ہیں۔
I%27m shocked and appalled at some of the "free speech" I%27ve seen on this platform since its acquisition. Hate speech under the veil of "free speech" is unacceptable; therefore I am choosing to stay off Twitter as it is no longer a safe space for myself, my sons and other POC.
— Toni Braxton (@tonibraxton) October 29, 2022
انہوں نے آزادیٴ اظہار کے نام پر نفرت انگیزی کو بھی ناقابلِ قبول قرار دیا۔
ہالی وڈ فلم ’بیڈ بوائز‘ سے شہرت اور ٹی وی سیریز ’میڈم سیکریٹری‘ میں کردار ادا کرنے والی ٹی لیونی نے عندیہ دیا کہ وہ اس پلیٹ کا استعمال ترک کر رہی ہیں۔
SEE ALSO: ایلون مسک نے خود کو ٹوئٹر کا سی ای او بنا دیا، بورڈ آف ڈائریکٹرز کے ارکان فارغاس کے بعد ان کا ٹوئٹر اکاؤنٹ بند ہو گیا۔
مشہور ڈائریکٹر اور پروڈیوسر کین اولین نے کہا کہ وہ کوئی رائے نہیں دے رہے البتہ وہ ٹوئٹر چھوڑ رہے ہیں۔
Hey all -I’m out of here. No judgement. Let’s keep the faith.Let’s protect our democracy.Let’s try to be kinder.Let’s try to save the planet.Let’s try to be more generous.Let’s look to find peace in the world. 💙
— Ken Olin (@kenolin1) October 28, 2022
مشہور ریسلر اور اداکار مائی فولے نے ٹوئٹر سے کنارہ کشی اختیار کرنے کا اعلان کرنے کے لیے فیس بک کا استعمال کیا۔
انہوں نے ایک پوسٹ میں کہا کہ وہ ٹوئٹر سے وقفہ لے رہے ہیں۔
انہوں نے مزید کہا کہ وہ دیگر سوشل میڈیا پلیٹ فارمز کے ذریعے اپنے مداحوں سے رابطے میں رہیں گے۔
اداکار اور کامیڈین ٹیرین جے ویلمز کا کہنا تھا کہ وہ ٹوئٹر نہیں چھوڑ رہے۔
I’m not leaving Twitter
— Terrence K. Williams (@w_terrence) October 31, 2022
کئی ڈراؤنی کہانیاں لکھنے اور کئی ایوارڈز لینے والے اسٹیفن کنگ پہلے ہی کہہ چکے ہیں کہ ٹوئٹر کو ادائیگی کرنی چاہیے۔
We need to pay the bills somehow! Twitter cannot rely entirely on advertisers. How about $8?
— Elon Musk (@elonmusk) November 1, 2022
بلیو ٹک سے متعلق نئی پالیسی پر سامنے آنے والے ردِعمل کا جواب دیتے ہوئے ہی ایلون مسک نے کہا کہ تمام شکایت کرنے والے شکایت کرتے رہیں لیکن بلیو ٹک کی قیمت آٹھ ڈالر ہوگی۔
To all complainers, please continue complaining, but it will cost $8
— Elon Musk (@elonmusk) November 2, 2022
خیال رہے کہ ٹوئٹر کی انتظامیہ تبدیل ہونے کے بعد لوگ مختلف خدشات کا اظہار کر رہے ہیں جب کہ مبصرین کا خیال ہے کہ اگر اس وقت مؤثر پالیسی نہ اپنائی گئی تو لوگ ٹوئٹر سے دوسرے پلیٹ فارمز کا رخ کریں گے۔
ٹوئٹر کی جانب سے ماہانہ آٹھ ڈالر بلو ٹک کی فیس رکھنے کے اس اعلان کے بعد کئی افراد یہ سوال بھی اٹھا رہے کہ اگر کوئی ماہانہ ادائیگی کرتا ہے تو اس کے ساتھ اسے یہ اختیار بھی مل جائے گا کہ وہ کسی کا نام اور تصویر استعمال کرکے کوئی بھی بات کہہ سکتا ہے۔
SEE ALSO: ٹوئٹر بلیو اب مفت میں نہیں ملے گا، نئے مالک نے بتا دیااس حوالے سے یورپ کے 32 سالہ یوٹیوبر روبن ڈابلاس نے بھی سوال اٹھایا۔ وہ ’ایلربیوس‘ کے نام سے ٹوئٹر اکاؤنٹ کے مالک ہیں اور ان کے دو کروڑ سے زائد فالوورز ہیں جب کہ وہ گزشتہ 11 سال سے اپنا یہ اکاؤنٹ چلا رہے ہیں جس پر بلو ٹک موجود ہے۔
انہوں نے ایلون مسک کو ٹیگ کرکے سوال کیا کہ اس وقت کیا ہو گیا جب کوئی بھی شخص ٹوئٹر کو آٹھ ڈالر کی ادائیگی کرے اور اپنا نام ایلون مسک رکھ لے اور اس کے ساتھ وہ ایلون مسک کی تصویر بھی لگا لے اور اس طرح ٹوئٹ کرنا شروع کر دے جیسے وہ ایلون مسک ہو۔
That already happens very frequently
— Elon Musk (@elonmusk) November 1, 2022
انہوں نے تصدیق شدہ اکاؤنٹ کی اہمیت پر زور دیتے ہوئے کہا کہ ویری فائیڈ چیک مارک سے لوگ یہ جانتے ہیں کہ وہ ایک حقیقی شخص کو ٹوئٹر پر فالو کر رہے ہیں۔
البتہ ان کے اس ٹوئٹ پر ایلون مسک نے بھی ری پلائی کیا۔ ان کا کہنا تھا کہ اس طرح تو تواتر سے پہلے ہی ہو رہا ہے۔
بھارتی اداکارہ کستھوری شنکر نے بھی اس معاملے پر کہا کہ ٹوئٹر کے اس اقدام سے حقیقی اہم لوگ ٹوئٹر چھوڑ کر چلے جائیں گے۔
Way to dilute the blue tick verification. Real important people will leave, and take with them the users you need to justify the platform. When businesses and media buy blue ticks, they will in turn try to monetise their tweets. Twitter will become a bill board.
— Kasturi Shankar (@KasthuriShankar) November 1, 2022
واضح رہے کہ کستھوری شنکر تامل، تیلگو اور ملیالم زبانوں کی فلموں میں اداکاری کرتی رہی ہیں۔ ان کے ٹوئٹر پر لگ بھگ تین لاکھ تین ہزار فالوورز ہیں۔
انہوں نے اس خدشے کا بھی اظہار کیا کہ جب بڑے کاروباری اور میڈیا کے ادارے بلو ٹک خرید لیں گے اور وہ اپنی ٹوئٹس سے پیسے کمانا شروع کر دیں گے۔