امریکہ کے صدر جو بائیڈن نے کہا ہے کہ انہوں نے روس کے صدر ولادی میر پیوٹن ٹیلی فون پر حالیہ دنوں میں امریکہ میں مختلف کاروباروں پر ہونے والے ’رینسم ویئر‘ حملوں سے متعلق بات چیت کی ہے۔
صدر جو بائیڈن کا جمعے کو ہونے والی گفتگو کے حوالے سے کہنا تھا کہ انہوں نے پیوٹن سے کہا ہے کہ امریکہ اس بات کی توقع کرتا ہے کہ جب روس کے اندر سے ’رینسم ویئر‘ آپریشن ہو گا، چاہے اسے ریاست کی پشت پناہی حاصل نہ بھی ہو تو معلومات فراہم کرنے پر یہ حملہ کرنے والوں کے خلاف اقدامات کیے جائیں گے۔
وائٹ ہاؤس میں صحافیوں سے گفتگو میں انہوں نے کہا کہ جمعے کو ہونے والی بات چیت مناسب طور تھی اور وہ اس حوالے سے پر امید بھی ہیں۔
جب ان سے پوچھا گیا کہ اگر روس کسی قسم کے اقدامات نہیں کرتا تو کیا اس پر کارروائی ہوگی تو انہوں نے اثبات میں جواب دیا۔
Today, President Biden spoke with President Putin about the ongoing ransomware attacks by criminals based in Russia. President Biden reiterated that the U.S. will take any necessary action to defend its people and its infrastructure in the face of this continuing challenge. pic.twitter.com/J3wlCCdn3a
— The White House (@WhiteHouse) July 9, 2021
صدر جو بائیڈن نے یہ بھی کہا کہ دونوں سربراہان مملکت نے اتفاق کیا ہے کہ اس طرح کے معاملات میں ان کے رابطے جاری رہیں گے۔
واضح رہے کہ روس نے رینسم ویئر حملے کی ذمہ داری لینے سے انکار کیا ہے۔ حالیہ دنوں میں ہونے والے رینسم ویئر حملوں کا تعلق روس کے مختلف گروہوں سے بتایا گیا ہے۔
وائٹ ہاؤس نے ایک بیان میں کہا کہ صدر بائیڈن نے اس بات پر اصرار کیا کہ روس کو اپنے ملک سے ہونے والے ان رینسم ویئر حملوں کو روکنا ہوگا۔
SEE ALSO: رینسم ویئر چلانے والے ایک مشتبہ گروپ نے سات کروڑ ڈالر بطور تاوان مانگ لیےبیان میں کہا گیا کہ صدر بائیڈن نے اس عزم کو دہرایا ہے کہ امریکہ اپنے لوگوں اور اپنے ضروری انفراسٹرکچر کی حفاظت کے لیے تمام ضروری اقدامات کرے گا۔
ماسکو نے بھی کہا ہے کہ دونوں سربراہان نے اعادہ کیا ہے کہ وہ سائبر سیکیورٹی کے معاملات پر ایک دوسرے سے تعاون کریں گے۔ اور یہ کہ ایسا کوئی تعاون مستقل بنیادوں پر ہونے کے علاوہ پروفیشنل ہو اور اسے غیر سیاسی رکھا جائے۔
یہ بھی کہا گیا ہے کہ عالمی قوانین کا احترام رکھتے ہوئے انہیں خصوصی تبادلۂ خیال کے چینلز کے ذریعے کرنا چاہیے۔
⚡On July 9, Vladimir Putin had a telephone conversation with President of the USA @JoeBiden.The presidents continued their dialogue on ensuring information security.🕯️Vladimir Putin expressed his condolences over the building collapse in Florida.🇷🇺🇺🇸https://t.co/fV3vfhoEGL pic.twitter.com/cKOYMvGHGK
— MFA Russia 🇷🇺 (@mfa_russia) July 9, 2021
یہ کال جینیوا میں 16 جون کو بائیڈن اور پیوٹن کے درمیان ہونے والی ملاقات کے تین ہفتے بعد کی گئی ہے جب بائیڈن نے پیوٹن سے کہا تھا کہ وہ روس سے ہونے والے سائبر حملوں کے ذمہ داران اور ہیکرز کے خلاف اقدامات کریں۔
اس خبر میں معلومات خبر رساں ادارے ’رائٹرز‘ اور ’ایسوسی ایٹڈ پریس‘ سے شامل کی گئی ہیں۔