پاکستانی کرکٹر اور بیٹسمین آصف علی کی دو سالہ بیٹی نور فاطمہ کینسر کے باعث امریکہ میں انتقال کرگئیں۔
کرکٹ ٹیم کے میڈیا منیجر نے صحافیوں کو بتایا کہ نور فاطمہ گزشتہ کئی ماہ سے بیمار اور ان دنوں امریکہ میں زیر علاج تھیں۔ تاہم وہ کینسر کے خلاف زندگی کی جنگ ہار گئیں۔
I know too well the pain & anguish of losing a loved one to cancer. My heart goes out to @AasifAli2018 & his family who lost their beautiful child to this most merciless disease.May Allah grant them strength in this difficult time & may another brave cancer warrior rest in peace.
— Shah Mahmood Qureshi (@SMQureshiPTI) May 19, 2019
پاکستان کے وزیرخارجہ شاہ محمود قریشی نے ایک ٹویٹ کے ذریعے آصف علی سے ان کی بیٹی کے انتقال پر افسوس اور ان کے اہل خانہ سے ہمدردی کا اظہار کیا ہے۔
انا لله وانا اليه راجعونAllah @AasifAli2018 bhai ki beti ko jaanat naseeb farmaye aur un ki family ko sabr de. Asif bhai jesa saabir insaan maine nahi dekha. Asif bhai is mushkil waqt mai hum sub aap ke saath hein.
— Shadab Khan (@76Shadabkhan) May 19, 2019
ادھر پاکستانی لیگ اسپنر شاداب خان نے بھی ٹویٹر کے ذریعے آصف علی سے دکھ اور افسوس کا اظہار کرتے ہوئے متاثرہ خاندان کے لئے صبر کی دعا کی ہے۔
پی ایس ایل کی ٹیم اسلام آباد یونائٹیڈ کی جانب سے بھی آصف علی سے اظہار ہمدردی کیا گیا ہے۔ آصف علی پاکستان سپرلیگ میں اسلام آباد یونائٹیڈ کی ٹیم کا حصہ تھے۔
پی ایس ایل سیزن فور جاری ہی تھا کہ اس دوران انہیں بیٹی کے کینسر میں مبتلا ہونے کی اطلاع ملی جس پر وہ بے اختیار روپڑے تھے۔ انہیں روتا دیکھ کر آسٹریلین ٹیم کے سابق کوچ ڈین جونز بھی جذبات پر قابو نہ رکھ سکے تھے اور ان کی انکھوں میں بھی آنسو آگئے تھے۔
آصف علی انگلینڈ کے خلاف سیریز میں پاکستانی اسکواڈ کا بھی حصہ تھے اور اتوار کو انہوں نے سیریز کا پانچواں اور آخری میچ بھی کھیلا۔
انگلینڈ ٹور پر روانگی سے قبل انہوں نے ٹویٹر کے ذریعے اپنی بیٹی کی خرابی طبعیت کی اطلاع دی تھی۔ ان کا کہنا تھا کہ "نور فاطمہ کو کینسر ہے جو چوتھے اسٹیج پر ہے۔ اسے ہم علاج کی غرض سے امریکہ لے جارہے ہیں۔"
انہوں نے ایک گھنٹے کی مختصر مدت میں امریکی ویزہ جاری کرنے پر امریکی حکام کا شکریہ بھی ادا کیا تھا۔