کوپا امریکہ کے فائنل میں ارجنٹائن نے میزبان برازیل کو صفر کے مقابلے میں ایک گول سے شکست دے کر ٹائٹل اپنے نام کر لیا۔
خبر رساں ادارے 'رائٹرز' کے مطابق برازیل کے شہر ریو ڈی جنیرو کے ماراکانا اسٹیڈیم میں ہفتے کو کھیلے گئے فائنل میں اسٹار کھلاڑی لیونل میسی کی ٹیم بالآخر 28 برس بعد کوئی بڑا ٹائٹل جیتنے میں کامیاب رہی۔
Un sueño. Una ilusión. Un CAMPEÓN 🇦🇷 🏆¡Felicitaciones, @Argentina! #VibraElContinente #CopaAmérica pic.twitter.com/dDBvk7ypdK
— Copa América (@CopaAmerica) July 11, 2021
میچ کے دوران پہلے ہاف کے 21 ویں منٹ میں ارجنٹائن کے کھلاڑی ڈی ماریا نے ایک خوبصورت پاس پر گول داغ کر اپنی ٹیم کو ایک گول کی برتری دلائی جو میچ کے آخر تک برقرار رہی۔
برازیل کی جانب سے ارجنٹائن کی برتری کو ختم کرنے کی کوشش کی گئی اور ایک موقع پر برازیل کی ٹیم نے پانچ اسٹرائکرز کے ساتھ ارجنٹائن کی ٹیم پر دباؤ بڑھایا۔ لیکن گول کرنے میں ناکام رہی۔
#CopaAmérica 🏆¡Como para no celebrar así! @Argentina volvió a levantar la CONMEBOL #CopaAmérica de la mano de Lionel Messi 🔟 y se festejó con todo 🥳🇦🇷 Argentina 🆚 Brasil 🇧🇷#VibraElContinente #VibraOContinente pic.twitter.com/4ps25RHfMy
— Copa América (@CopaAmerica) July 11, 2021
ارجنٹائن کی فتح کپتان لیونل میسی کے لیے بھی کسی اعزاز سے کم نہیں ہے۔ کیوں کہ انہوں نے ایک دہائی سے زائد عرصے بعد اس جرسی میں پہلا ٹائٹل اپنے نام کیا ہے۔
میچ کے اختتام پر ارجنٹائن کی ٹیم نے بھرپور انداز میں جشن منایا اور پوری ٹیم کپتان کے ارد گرد جمع ہو گئی اور انہیں کندھوں پر اٹھا لیا۔
ارجنٹائن کی ٹیم نے 15 ویں مرتبہ کوپا امریکہ کا ٹائٹل اپنے نام کیا ہے اور وہ اب تک سب سے زیادہ ٹائٹل جیتنے والے یورا گوئے کے برابر آ گئی ہے۔
کوپا امریکہ کا ٹائٹل اپنے نام کرنے پر ارجنٹائن کے مداحوں نے بھرپور انداز میں جشن منایا اور وہ سڑکوں پر نکل آئے۔
اس خبر میں شامل معلومات خبر رساں ادارے 'رائٹرز' سے لی گئی ہیں۔