لیجنڈ بھارتی اداکار امیتابھ بچن کے ٹوئٹر اکاؤنٹ کو مبینہ طور پر ہیک کر لیا گیا ہے اور اس پر عمران خان کی ڈسپلے پکچر لگ گئی ہے۔
سوشل میڈیا ویب سائٹ ٹوئٹر پر پیر کے روز پاکستان میں امیتابھ بچن کا نام اس وقت ٹرینڈ کرنے لگ گیا جب کسی نامعلوم شخص نے امیتابھ بچن کا ٹوئٹر ہینڈل ہیک کر لیا اور اس پر پاکستان کے وزیراعظم عمران خان کی تصویر ڈسپلے پکچر کے طور پر لگا دی۔
بھارتی اخبار انڈین ایکسپریس کے مطابق یہ ہیکنگ ‘‘پاکستان نواز’’ ترک ہیکنگ گروپ ایلزڈز ٹم نے کی اور اس نے بھارت مخالف ٹوئٹس بھی اس اکاؤنٹ سے بھیجیں۔
امیتابھ بچن کے ٹوئٹر اکاؤنٹ کو تقریباً تین کروڑ 74 لاکھ افراد فالو کرتے ہیں اور یہ بھارت کے چند سب سے زیادہ فالو کیے جانے والے اکاؤنٹس میں سے ایک ہے۔
اس اکاؤنٹ پر امیتابھ بچن خود بھی ٹوئٹس کے ذریعے پیغامات شیئر کرتے ہیں۔
اینکر منصور علی خان نے ٹوئٹ کی کہ لگتا ہے کہ امیتابھ بچن کا اکاؤنٹ ہیک ہو گیا ہے۔
Indian Actor @SrBachchan (Amitabh Bachchan) account hacked. Imran Khan’s picture posted as profile pic. pic.twitter.com/SLhoocD3YE
— Mansoor Ali Khan (@_Mansoor_Ali) June 10, 2019
نتاشا کندی نے ٹوئٹ کیا کہ اس پر ترکی کا جھنڈا اور عمران خان کی تصویر لگی ہوئی ہے۔
Seems like @SrBachchan account has been hacked. OMG 😂 Imran Khan’s DP and Pakistani - Turkish flags 🤭 Who did this? 😂😂😂 #AmitabhBachchan #imrankhan #AmitabhBachchanaccounthacked pic.twitter.com/eyncMZ4iFA
— Natasha Kundi نتاشا کُندی (@NatashaKLondon) June 10, 2019
اس پر ٹوئٹر صارفین کی جانب سے مزاحیہ انداز میں طنز بھی کیا گیا ہے۔ ایک اکاؤنٹ بابو بسلری نے لکھا کہ ‘‘اور رکھو rekha143 پاسورڈ’’۔
aur rakho rekha143 as password. Hack toh hoga he
— babu bisleri (@PUNchayatix4) June 10, 2019
آخری اطلاع آنے تک امیتابھ کے ٹوئٹر اکاؤنٹ @SrBachchan پر اس وقت عمران خان کی ڈسپلے پکچر ہٹا دی گئی تھی اور اکاؤنٹس سے کی گئی ٹوئٹس بھی ڈیلیٹ کر دی گئی ہیں۔