پاکستان سپر لیگ (پی ایس ایل) ایڈیشن فائیو کا نغمہ "تیار ہیں" ریلیز ہونے کے بعد سے خبروں میں ہے۔ پی ایس ایل کی افتتاحی تقریب میں بدانتظامی کے بعد اس گانے پر ایک نیا تنازع شروع ہوا اور اب اس گانے پر مزید بات ہو رہی ہے۔
لوگ اب انتظار کر رہے ہیں علی ظفر کے گانے کا جنہوں نے اپنے طور پر پی ایس ایل کے لیے ایک گانا بنا لیا ہے۔
مقامی ٹی وی کے ایک شو میں علی ظفر اور علی عظمت کے درمیان شروع ہونے والی نوک جھونک کیا اس گانے کے ریلیز ہونے کے بعد ختم ہو جائے گی؟ اس بات کا جواب تو علی ظفر کا گانا ریلیز ہونے کے بعد ہی ملے گا۔ لیکن کیا علی ظفر "تیار ہیں" کا مقابلہ کرنے کے لیے پہلے سے تیار تھے یا انہوں نے یہ اقدام خالص عوامی رائے کے احترام میں کیا؟ علی ظفر نے اس بات کا جواب گزشتہ روز 'جیو نیوز' کے ایک پروگرام میں شرکت کر کے دیا ہے۔
شو کے میزبان شہزاد اقبال نے علی ظفر سے سوال کیا کہ آپ نے اتنی جلدی چند ہی روز میں گانا کیسے بنا لیا؟ حالانکہ آپ خود ہی کہہ چکے تھے کہ گانا بنانا اتنا آسان نہیں اس میں وقت لگتا ہے۔
تو جواب میں علی ظفر نے کہا کہ کبھی آرٹسٹ پر جلدی آمد ہو جاتی ہے تو چند گھنٹوں میں ہی گانا تیار ہو جاتا ہے کبھی اس میں ہفتوں کا وقت بھی لگ جاتا ہے۔ مجھ پر فوراً آمد ہو گئی تو پھر معجزاتی طور پر گانا جلد بن گیا۔
خیال رہے کہ علی ظفر نے علی عظمت کے ساتھ نوک جھونک کے بعد جھٹ پٹ اپنا گانا ترتیب دیا ہے اور ان کے بقول یہ انہوں نے کسی کی مخالفت میں نہیں بلکہ لوگوں اور ان کے فینز کے بھرپور اصرار پر کیا ہے۔
علی ظفر نے یہ گانا بنانے کے لیے ٹی وی اینکر وسیم بادامی کے ذریعے سوشل میڈیا پر لوگوں سے رائے بھی لی تھی جس میں زیادہ تر لوگوں نے انہیں گانا بنانے کا مشورہ دیا۔
علی ظفر کہتے ہیں عوام چاہیں تو میں اپنے طور PSL کا گانا بنانے کو تیار ہوں۔۔آپ کے خیال میں علی ظفر کو گانا چاہیے؟؟
— Waseem Badami (@WaseemBadami) February 22, 2020
علی ظفر کا گانا ان کے بقول صرف چند ہی روز میں تیار ہو چکا ہے۔ وہ ایک نجی ٹی وی 'سما' کے شو میں اپنے گانے کے ابتدائی بول گنگنا بھی چکے ہیں اور اس گانے کی دھن بھی ریلیز کر چکے ہیں۔
Lo G! The song is ready. Now time for the video. But this time, you can be the star and feature in it. Watch this video to understand what you need to do! You can see the longer version on my YouTube and subscribe https://t.co/gBub1wo5R7 #bhaeehazirhai pic.twitter.com/0Oo0RMbx42
— Ali Zafar (@AliZafarsays) February 24, 2020
اب علی ظفر کو انتظار ہے لوگوں کی ڈانس ویڈیوز کا جنہیں استعمال کرتے ہوئے وہ اپنے نئے گانے کی ویڈیو ترتیب دیں گے اور پھر ان کا گانا ریلیز کر دیا جائے گا۔
Kya dance kerte hain aap log. 💃 Ye bhee bhaijo. ☄️ bhaeehazirhai@gmail.com #bhaeehazirhai pic.twitter.com/pd74feJKaa
— Ali Zafar (@AliZafarsays) February 25, 2020