ٹی ٹوئنٹی ورلڈ کپ کا سپر 12 مرحلہ اپنے اختتام کی جانب گامزن ہے۔بدھ کو گروپ بی کے اہم میچ میں بھارت نے بنگلہ دیش کو پانچ رنز سے شکست دے کر پوائنٹس ٹیبل پر پہلی پوزیشن حاصل کرلی ہے۔ وہیں پاکستان ٹیم کی سیمی فائنل تک رسائی اب تک اگر مگر کی صورتِ حال سے دوچار ہے۔
پاکستان ٹیم ایونٹ میں اپنا چوتھا میچ جمعرات کو جنوبی افریقہ کے خلاف کھیلے گی جو اس وقت ٹورنامنٹ میں واحد ناقابل شکست ٹیم ہے۔ گرین شرٹس کی سیمی فائنل تک رسائی کا دار و مدار اس میچ میں بڑی کامیابی پر ہوگا۔
اگر پاکستان کو جنوبی افریقہ کے ہاتھوں شکست ہوئی تو وہ سیمی فائنل کی دوڑ سے باہر ہوجائے گا جب کہ میچ میں کامیابی کی صورت میں اس کا اگلا میچ مزید اہم بنا دے گی۔
اس وقت پوائنٹس ٹیبل پر چار میچوں کے بعد بھارت کے چھ اور تین میچز کے بعد جنوبی افریقہ کے پانچ پوائنٹس ہیں۔ یہ دونوں ٹیمیں اس گروپ سے سیمی فائنل کی دوڑ میں سب سے آگے ہیں۔
بنگلہ دیش کی ٹیم کے چار میچوں کے بعد چار پوائنٹس ہیں جبکہ زمبابوے کی ٹیم تین پوائنٹس حاصل کرسکی ہے، البتہ وہ سیمی فائنل کی دوڑ سے باہر ہے۔
اگر پاکستان ٹیم نے جمعرات کو جنوبی افریقہ جب کہ اتوار کو بنگلہ دیش کو بڑے مارجن سے شکست دی تو اس کے بھی چھ پوائنٹس ہو جائے گے۔ تاہم اگر بنگلہ دیش نے پاکستان کو ہرا دیا تو اس کے بھی چھ پوائنٹس ہوں گے اور پاکستان ٹیم ایونٹ سے باہر ہوجائے گی۔
اتوار کو ہی جنوبی افریقہ کا میچ نیدرلینڈز سے ہوگا جس میں کامیابی پروٹیز کو سیمی فائنل تک پہنچا دے گی، جس کے بعد پاکستان یا بنگلہ دیش جس ٹیم کے بھی چھ پوائنٹس ہوں گے وہ اپنے آخری میچ کے بعد پوائنٹس کے حساب سے بھارت کے برابر ہوں گے۔
Bangladesh gave it their all, but India reign in Adelaide 🙌#T20WorldCup | #INDvBAN | 📝: https://t.co/HSr0Div7W0 pic.twitter.com/tnTkAF1j7E
— T20 World Cup (@T20WorldCup) November 2, 2022
تاہم سپر 12 مرحلے کا آخری میچ بھارت اور زمبابوے کے درمیان ہوگا جس میں اگر بھارتی ٹیم فتح حاصل کرلیتی ہے تو جنوبی افریقہ کے ساتھ وہ سیمی فائنل میں پہنچ جائے گی۔یہ میچ اگر بارش سے متاثر ہوا تو اس صورت میں بھی پاکستان اور بنگلہ دیش کی ٹیمیں ایونٹ سے باہر ہوجائیں گی۔
Bangladesh gave it their all, but India reign in Adelaide 🙌#T20WorldCup | #INDvBAN | 📝: https://t.co/HSr0Div7W0 pic.twitter.com/tnTkAF1j7E
— T20 World Cup (@T20WorldCup) November 2, 2022
بنگلہ دیش کا ٹاس جیت کر فیلڈنگ کا فیصلہ بھارت نے غلط ثابت کردیا
بدھ کو ایڈیلیڈ میں کھیلے گئے میچ میں بنگلہ دیشی کپتان شکیب الحسن نے بھار ت کو پہلے کھیلنے کی دعوت دی، بھارتی ٹاپ آرڈر زنے اس دعوت کا فائدہ اٹھاتے ہوئے پہلے دس اوورز میں دو وکٹ کے نقصان پر 86 رنز بنائے۔
KL Rahul falls immediately after bringing up his half-century 👏#T20WorldCup | #INDvBAN | 📝: https://t.co/L9hgSeL5Z0 pic.twitter.com/CNoSVzTNLK
— ICC (@ICC) November 2, 2022
بھارتی بیٹر کے ایل راہول 32 گیندوں پر 50 رنز بناکر آؤٹ ہوئے تو وراٹ کوہلی نے جارحانہ بلے بازی کا سلسہ جاری رکھا اور ٹیم کا اسکور چھ وکٹ کے نقصان پر 184 رنز تک پہنچانے میں اہم کردار ادا کیا۔
کوہلی 44 گیندوں پر 64 رنز بناکر نہ صرف ناٹ آؤٹ رہے بلکہ انہوں نے ٹی ٹوئنٹی ورلڈ کپ میں سب سے زیادہ رنز بنانے کا ریکارڈ سری لنکا کے مہیلا جے وردھنے سے چھین لیا۔
MILESTONE ALERT 🚨Virat Kohli becomes the leading run-scorer in ICC Men%27s #T20WorldCup history, overtaking Mahela Jayawardena 🌟#INDvBAN pic.twitter.com/xDO0HNK5o3
— T20 World Cup (@T20WorldCup) November 2, 2022
بدھ کو ہی آئی سی سی ٹی ٹوئنٹی رینکنگ میں ٹاپ پوزیشن پر پہنچنے والے سوریا کمار یادیو نے 30 رنز بنا کر اپنی ترقی کا جشن منایا۔ اس سے قبل پاکستان کے محمد رضوان اس پوزیشن پر براجمان تھے۔
بنگلہ دیش کی جانب سے حسن محمود تین اور کپتان شکیب الحسن نے دو کھلاڑیوں کو آؤٹ کیا۔
بارش بنگلہ دیشی اوپنرز کی جارح مزاجی کو بہا لے گئی
بھارت کے 185 رنز کے ہدف کے جواب میں بنگلہ دیش کو ان کے اوپنرز لٹن داس اور نجم الحسن نے شاندار آغاز فراہم کیا اور سات اوورز میں ٹیم کا اسکور 66 رنز تک پہنچا دیا۔ اس دوران بارش کی وجہ سے کھیل کو روکنا پڑا۔
جس وقت میچ روکا گیا اس وقت لٹن داس نے صرف 26 گیندوں پر سات چوکوں اور تین چھکوں کی مدد سے 59 رنز اسکور کرلیے تھے۔
Litton Das brings up his fifty off just 21 balls! 🤯#T20WorldCup | #INDvBAN | 📝: https://t.co/vDRjKeeGvf pic.twitter.com/sPM4wU5vch
— ICC (@ICC) November 2, 2022
بارش کے بعد بنگلہ دیش کو 16 اوورز میں 151 رنز کا نیا ہدف ملا تو سب سے پہلے لٹن داس 60 رنز بنا کر آؤٹ ہوگئے، جس کے بعد نجم الحسن 21 رنز بناکرواپس پویلین لوٹ گئے۔ ان دونوں کے بعد تمام بلے باز جلدی آؤٹ ہوگئے۔
بنگلہ دیش کو آخری اوور میں 20 رنز درکار تھے، وکٹ کیپر بیٹر نورالحسن 14 گیندوں پر 25 رنز بنا کر ٹیم کو ہدف کے قریب تو لائے لیکن ٹیم 16 اوورز میں چھ وکٹ کے نقصان پر 145 رنز ہی بنا سکی۔
Bangladesh lose two quick wickets after the rain break 😯#T20WorldCup | #INDvBAN | 📝: https://t.co/vDRjKeeGvf pic.twitter.com/eOrgwV0y8r
— ICC (@ICC) November 2, 2022
بھارت کی جانب سے ارشدیپ سنگھ اور ہاردیک پانڈیا دو دو وکٹوں کے ساتھ سب سے کامیاب بالر رہے۔ وراٹ کوہلی کو ان کی شاندار بلے بازی پر پلیئر آف دی میچ قرار دیا گیا۔
نیدرلینڈز کے ہاتھوں زمبابوے کو شکست
اس سے قبل ایڈیلیڈ ہی میں کھیلے گئے میچ میں نیدرلینڈز کی ٹیم نے زمبابوے کو شکست دے دی۔
زمبابوے کی ٹیم نے پہلے کھیلتے ہوئے سکندر رضا کے 40 رنز کی بدولت 19 اعشاریہ دو اوورز میں 117 رنز بنائے، سکندر رضا اور شان ولیمز کے سوا کوئی بھی زمبابوین بیٹر ڈبل فگر میں داخل نہ ہوسکا۔
A rock-solid performance 👊 Max O%27Dowd is the @aramco POTM for his performance against Zimbabwe 👏 #T20WorldCup | #ZIMvIRE pic.twitter.com/rJBocYs9qO
— T20 World Cup (@T20WorldCup) November 2, 2022
جواب میں نیدرلینڈز کی ٹیم نے میکس اوڈاؤڈ کی نصف سینچری کی بدولت ہدف 18 ویں اوور میں حاصل کرلیا۔ نیدرلینڈز کی ٹیم اپنے چار میں سے ایک میچ جیتنے میں کامیاب رہی ہے۔