افغانستان میں ایک سابق پولیس اہلکار اور مقامی مزاحیہ اداکار کو مبینہ طور پر قتل کر دیا گیا ہے جن کے اہل خانہ قتل کا الزام طالبان پر عائد کر رہے ہیں۔
وائس آف امریکہ کی پشتو سروس کے مطابق قندھار میں فضل محمد نامی شخص کی مسلح افراد کے ساتھ گاڑی میں موجودگی کی ویڈیو سوشل میڈیا پر وائرل ہوئی تھی۔ گزشتہ ہفتے کے آخر میں سامنے آنے والی ویڈیو میں موجود شخص کو ’خاشہ زوان‘ کے نام سے جانا جاتا ہے جن کی مزاحیہ ویڈیوز اکثر و بیشتر سوشل میڈیا پر بھی مشہور ہوتی رہی ہیں۔
قندھار کے حکام کا کہنا تھا کہ خاشہ زوان کو ان کے گھر سے مسلح افراد نے حراست میں لیا تھا۔
خاشہ زوان کی لاش قندھار کے ڈنڈ کے علاقے سے برآمد ہوئی ہے۔ ذرائع سے ملنے والی معلومات کے مطابق مسلح افراد نے جن کو خاشہ زان کے اہلِ خانہ نے طالبان قرار دیا ہے، ان کو رات کو گھر سے حراست میں لیا۔ بعد ازاں صبح ان کی لاش ملی۔ سوشل میڈیا پر ان کی لاش کی تصاویر بھی زیرِ گردش ہیں جن میں ان کے دونوں ہاتھ بندھے ہوئے ہیں۔
وائس آف امریکہ کے نمائندے نذر الاسلام سے بات کرتے ہوئے طالبان ترجمان ذبیح اللہ مجاہد نے خاشہ کے مزاحیہ فنکار ہونے کے تاثر کی تردید کرتے ہوئے کہا کہ 'خاشہ ایک مسلح پولیس افسر تھا۔ وہ طالبان کے خلاف برسرِ پیکار تھا۔ اس کے پاس بندوق تھی اور وہ طالبان کے خلاف لڑ رہا تھا'۔
طالبان ترجمان نے بطور ثبوت وائس آف امریکہ سے خاشہ کی ایک تصویر شئیر کی جس میں ان کے ہمراہ ایک بندوق کو دیکھا جا سکتا ہے۔ ذبیح اللہ مجاہد کا کہنا تھا کہ انہیں طالبان جنگجوؤں نے حراست میں لیا تھا۔ جیل منتقلی کے دوران وہ مارے گئے۔ البتہ طالبان نے خاشہ کی ہلاکت کے بارے میں تحقیقات شروع کر دی ہیں۔ کیوں کہ ان کی ہلاکت طالبان کے طریقۂ کار کے خلاف ہے۔
خاشہ کی ہلاکت کے بعد افغانستان میں طالبان کے رویے کے بارے میں بحث چھڑ گئی ہے۔ اگرچہ طالبان اس بات کی جانب اشارہ کرتے رہے ہیں کہ ان کی پالیسی گزشتہ دور سے قدرے مختلف ہو گی۔ تاہم مبصرین کا کہنا ہے کہ ایسا طالبان صرف حکمرانی کے حصول کے لیے کہتے ہیں۔ جب کہ دراصل طالبان صرف طاقت پر یقین رکھتے ہیں۔
اس سے قبل قطر میں طالبان کے سیاسی دفتر کے ترجمان سہیل شاہین سے جب خاشہ کی موت کے بارے میں پوچھا گیا تھا تو انہوں نے اسے الزام قرار دیتے ہوئے پہلے مکمل طور پر مسترد کیا۔ بعد میں جب ان سے خاشہ کی طالبان جنگجوؤں کے ہمراہ ویڈیو شئیر کی گئی تو انہوں نے بتایا کہ اس معاملے کی تحقیقات ہونی چاہیئں۔
قندھار کے مقامی صحافی نے نام نہ ظاہر کرنے کی شرط پر وائس آف امریکہ سے بات کرتے ہوئے بتایا کہ اس وقت قندھار میں طالبان اور افغان اسپیشل فورسز کے درمیان شدید لڑائی جاری ہے جس کی وجہ سے ہزاروں افراد جان بچانے کی غرض سے ہجرت پر مجبور ہوئے ہیں۔
ان کا کہنا تھا کہ خاشہ کی ہلاکت کے بعد مقامی سطح پر خوف میں مزید اضافہ ہوا ہے۔ اب قندھار شہر میں فنونِ لطیفہ سے تعلق رکھنے والے فنکار میڈیا سے بات کرنے سے کتراتے ہیں کیوں کہ انہیں خدشہ ہے کہ وہ بھی طالبان کے حملوں کا شکار ہو سکتے ہیں۔
افغان صحافی کے مطابق خاشہ زوان کو اس سے قبل بھی مخالفین گرفتار کر چکے تھے۔ اور رہائی کے بعد انہوں نے لطیف انداز میں طالبان کو شدید تنقید کا نشانہ بنایا تھا۔
انہوں نے کہا خاشہ کی ویڈیوز کچھ عرصے سے سوشل میڈیا ویب سائٹ ٹک ٹاک پر کافی مشہور تھیں۔ اگرچہ ان کی ویڈیوز میں مزاحیہ شاعری کے ساتھ ساتھ گالم گلوچ بھی ہوتی تھی جس میں اکثر وہ طالبان کو نشانہ بناتے تھے۔ تاہم مقامی افراد اس سے محظوظ ہوتے تھے۔
طالبان کے ایک ترجمان قاری یوسف احمدی نے بھی قندھار میں خاشہ زوان کی ہلاکت میں طالبان کے ملوث ہونے کی تصدیق کی ہے۔
قاری یوسف احمدی کا سوشل میڈیا پر ایک بیان میں کہنا تھا کہ بدنام عسکریت پسند کو ایک گوریلا حملے میں ہلاک کیا گیا ہے۔
#الـفـتـح دکـنـدهـار ښار اړوند ۱۵ مي حوزې په سیمه كي نن سهار بدنام اربکی (خاشه) چي دعلماوو او داسیرو مجاهدینو توهین به یې کاوه د چریکي برید په ترڅ کي ووژل شو pic.twitter.com/L2zyv8le2t
— Ahmadi (@QyAhmadi21) July 23, 2021
دوسری جانب سوشل میڈیا پر زیرِ گردش ویڈیو میں دیکھا جا سکتا ہے کہ ایک کار میں دو مسلح افراد کے درمیان خاشہ زوان موجود ہے۔ جب کہ ویڈیو بنانے والا شخص پشتو میں ان سے گفتگو بھی کر رہا ہے۔ ویڈیو بنانے والے شخص کے اس سوال پر کہ ان کو کیسے حراست میں لیا گیا تو خاشہ زوان کا کہنا تھا کہ وہ عید منانے کے لیے گھر آئے ہوئے تھے کہ رات کو ان کو پکڑ لیا گیا۔
بعد ازاں ان کے چہرے پر تھپڑ بھی مارے جا رہے ہیں تو وہ خاموش ہو جاتے ہیں۔
خاشہ زوان کے قتل پر سوشل میڈیا پر بحث جاری ہے اور کئی سوشل میڈیا صارفین ان کے قتل کی مذمت کر رہے ہیں۔
افغانستان کے اول نائب صدر امر اللہ صالح کا سوشل میڈیا پر ایک بیان میں کہنا تھا کہ خاشہ زوان کے قتل سے ثابت ہو گیا ہے کہ طالبان کسی شریعت کو نہیں مانتے۔ ان کی کوئی عدالت نہیں ہے اور نہ ہی کوئی قانون اور انسانیت ہے۔
انہوں نے طالبان کو جاہل اور دہشت گردوں کا گروہ قرار دیا۔
افغانستان کے دوم نائب صدر سرور دانش کا سوشل میڈیا کی ایک طویل پوسٹ میں کہنا تھا کہ خاشہ زوان کے چہرے پر مارا گیا تھپڑ افغان عوام کو رسید کیے گئے تھپڑ کے برابر ہے۔ انہوں نے ان کے قتل کی مذمت کی اور اسے افغانستان کے ثقافت کے منافی قرار دیا۔
افغانستان کی نیشنل سیکیورٹی کونسل کے سابق ترجمان کبیر حقمل کا کہنا تھا کہ خدا شاہد ہے کہ لڑائی کو اسلام، انسانیت، غیرت اور احساس سے آگے لے جایا گیا ہے اور اس کو وحشت بنا دیا گیا ہے۔
دا کوم غيرت شو، چې يو وچ کلک مظلوم/کمزوری د بچيانو له منځه راوباسه او د سلو ظالمانو په منځ کې يې لاس تړلی په څپېړو وهه او پټکې پرې کوه. خدای شاهد دی،چې دا جګړه يې د اسلام،انسان،غيرت او احساس له ټولو پولو اړولې او سم دم وحشت يې ترې جوړ کړی. ظالم دې تباه شي.#خاشه_ځوان #KhashaZwan pic.twitter.com/NJ2kQZWpEl
— Kabir Haqmal (@Haqmal) July 27, 2021
پاکستان کی قومی اسمبلی کے رکن محسن داوڑ نے بھی خاشہ زوان کی ہلاکت کی مذمت کرتے ہوئے کہا کہ نذر محمد لوگوں کو ہنساتا تھا۔ طالبان نے اس کو گھر سے نکال کر قتل کیا۔
افغانستان کے صدر کے سابق مشیر ڈاکٹر عمر ذاخیل وال نے خاشہ زوان کی مسلح افراد کی حراست اور پھر ان کی لاش کے ساتھ اہلِ خانہ کی تصاویر سوشل میڈیا پر پوسٹ کرتے ہوئے کہا کہ ظلم اور مظلومیت دونوں کی انتہا کی تصاویر۔
د ظلم او مظلومیت دواړو د انتها تصویر! #KhashaZwan pic.twitter.com/BMc6EY1cna
— Dr Omar Zakhilwal (@DrOmarZakhilwal) July 27, 2021
افغانستان کے خفیہ ادارے نیشنل ڈائریکٹوریٹ آف سیکیورٹی کے سابق سربراہ رحمت اللہ نبیل نے کہا کہ کچھ لوگ افغانستان پر حکمرانی کا دعویٰ کر رہے ہیں لیکن ایک معصوم افغان جیسے خوشہ زوان کو بے دردی سے قتل کر دیا جاتا ہے۔ اس سے ثابت ہوتا ہے کہ یہ گروہ اجرتی قاتلوں پر مشتمل ہے۔
ما چى كله د انس حقانى سره د امنيت په يوه اداره كى ليدل، ځولنې مو تری خلاصې کړې او د مور سره مو یې په تلفون د خبرو مجال ورکړ تر څو ده ته دا فکر پيدا نشی چی مونږ د موقف څخه په ناوړه ګټې اخیستنې سره د نوموړی انسانی کرامت تر پښو لاندی کوؤ. ٢/٣
— Rahmatullah Nabil (@RahmatullahN) July 27, 2021
نوبیل انعام یافتہ ملالہ یوسف زئی کے والد ضیا الدین یوسف زئی نے بھی سوشل میڈیا پر ایک پیغام میں کہا کہ خاشہ زوان زندگی بھر لوگوں کو ہنساتا رہا۔ سنگ دل دہشت گردوں نے خاشہ زوان کے بچوں کو رُلا دیا۔
خاشہ ځوان زندگی بھر لوگوں کو ہنساتا رہا۔ سنگ دل دہشت گردوں نے خاشہ کے بچوں کو رُلا دیا۔#خاشه_ځوان pic.twitter.com/RNVqsys7fA
— Ziauddin Yousafzai (@ZiauddinY) July 27, 2021
افغانستان کی نیشنل سیکیورٹی کونسل سے وابستہ سعید اللہ ترکئی نے کہا کہ خاشہ زوان کا گناہ یہ تھا کہ وہ لوگوں کے چہرے پر مسکراہٹ لاتا تھا۔
د خاشه ځوان پر مخ د نجسو چړيانو چاپلاخو ډېر ځورولی يم. خاشه ځوان دا ګناه کړې وه چې خلکو ته يې يوه خوله خندا ور بخښله. د سپږن چړي پر افغانانو تبسم هم نه لوريږي. دوی يوازې د وحشت، بربريت او ورانکارۍ لپاره جوړ سوي دي. امارت د خپل حيثیت پر تابوت خپل وروستي ميخونه وهي! pic.twitter.com/YDYAw8M9F8
— Saeedullah Taraky (@srtaraky) July 27, 2021
افغان نیشنل سیکیورٹی کونسل کے ترجمان کا کہنا تھا کہ خاشہ زوان کی بیوی نوجوانی میں بیوہ ہو گئی ہے جب کہ ان کی بیٹیاں یتیم ہو گئی ہیں۔ عقل سے عاری لوگ اس پر خوش ہو رہے ہیں کہ انہوں نے اسلام کے دشمن کو قتل کر دیا ہے۔ البتہ حقیقت یہ ہے کہ اسلام کے دشمن بھی وہی ہیں جو دین کے نام پر لوگوں کو قتل کر رہے ہیں۔ اس ٹیکنالوجی، علم اور ترقی کے دور میں بھی ہمارے سامنے جہالت موجود ہے۔
د خاشه ځوان مېرمن کونډه او لورانې يې يتيمانو شوي.جاهلان به په دي خوشاله وي چې د اسلام ستر دوښمن يې وژلی، په حقيقت کې د اسلام دوښمنان هماغه دي چې د دين په نامه د پرديو د ګټو لپاره خپل مسلمان ورور وژني.د ټيکنالوژي، علم او پرمختګ پېر هم زموږ لپاره د جهالت پېر دی. pic.twitter.com/VneXfsfo6A
— Rahmatullah Andar (@RahmatAndar1) July 27, 2021
افغان صحافی شریف حسن کا کہنا تھا کہ طالبان نے کامیڈین نذر محمد کو حراست میں لیا۔ وہ کبھی مقامی پولیس کا اہلکار تھا۔ طالبان نے اس کی بے عزتی کی اور اسے تھپڑ مارے۔ پھر اسے گولیاں مار کر قتل کر دیا اور اس کی لاش ایک درخت سے لٹکا دی۔
ان کا کہنا تھا کہ ان کی تصویر جس میں لاش ایک گاڑی میں پڑی ہوئی اور ان کی بیٹیاں اور بیوی لاش کے گرد کھڑے ہیں دل کو تکلیف دینے والی تصویر ہے۔
The incident happened in Kandahar and visual evidence exist for every step of this horrendous act of violence. I am not posting the photos and video because they are very graphic and inappropriate.
— Sharif Hassan (@MSharif1990) July 28, 2021
مقامی نشریاتی ادارے سے وابستہ صحافی عبد اللہ ہمیم نے ایک ویڈیو سوشل میڈیا پر پوسٹ کی اور ساتھ میں لکھا کہ خاشہ زوان قندھار کا ایک مشہور مزاحیہ اداکار اور پولیس اہلکار تھا جس کو گھر سے پکڑ کر قتل کیا گیا۔
خاشه ځوان په کندهار کي يو مشهور کوميډين او پوليس سرتيری وو تيره شپه له کوره ايستل سوی او په مرموزه توګه وژل سوی دی pic.twitter.com/8mPQWU5SWA
— Abdullah Hamim (@abdullahhamim5) July 23, 2021
نصیب زردان نامی صحافی نے بھی اپنی ایک پرانی سوشل میڈیا پوسٹ شیئر کرتے ہوئے لکھا کہ طالبان کے ہاتھوں قتل ہونے والا خاشہ زوان سوشل میڈیا پر کافی مشہور تھا۔
د "خاشه ځوان" په نوم پولیس چې ټولنیزو شبکو کې هم مشهور ؤ طالبانو پسې به یې سپکې سپوري ویلي.نن د کندهار ډنډ ولسوالۍ کې و وژل شو. https://t.co/E51UNeS8aW
— Naseeb Zadran (@NaseebKhanZ) July 23, 2021
صحافی حبیب خان کا کہنا تھا کہ وہ ہمیں ہنستے ہوئے نہیں دیکھ سکتے۔
They can’t see us laugh. #Justice4Khasha pic.twitter.com/baJItwBxXS
— Habib Khan (@HabibKhanT) July 27, 2021
پاکستان میں متحرک پشتون تحفظ تحریک (پی ٹی ایم) کے سربراہ منظور پشتین کا ایک بیان میں کہنا تھا کہ دنیا دوحہ میں ہونے والے متنازع معاہدے کے بعد طالبان کے مظالم پر خاموش ہے۔ افغان سرزمین اور پشتونوں کے خلاف ایک نئے انداز میں جنگ جاری ہے۔
This is the dead body of Afghan comedian Nazar Mohammed killed by taliban. The world is silent over the brutalities of taliban after the controversial doha deal. No mention of taliban%27s sanctuaries in the said deal. The war continue on Pashtun/ Afghan land in new form. pic.twitter.com/PFry6ijUij
— Manzoor Pashteen (@ManzoorPashteen) July 27, 2021
مصنف جعفر ہاند کا کہنا تھا کہ افغان خوشہ زوان کے قتل کی مذمت کرتے ہیں۔
افغانان د "خاشه ځوان" وژل او وژونکي غندي https://t.co/1p8wrWHfOY
— Jafar Haand (@jafarhaand) July 27, 2021
بعض افراد نے خاشہ زوان کو طالبان مخالف ملیشیا کا رکن بھی قرار دیا ہے اور اسلحے کے ساتھ اس کی ویڈیوز اور تصاویر شیئر کی جا رہی ہیں۔
He always carried heavy guns like LMG, assault rifle, someone he was seen with pistols. He was seen using walkie-talkies in video surfacing online.He was always accompanied by his gang members.Also there%27s a YT channel where he described as a commander. #خاشه_زوان #خاشه_ځوان pic.twitter.com/pyq5lCb2lO
— Sakib 🇧🇩 🇵🇸 (@Sa_k_i_b) July 28, 2021
افغانستان میں سیکیورٹی کی صورتِ حال تیزی سے بدل رہی ہے۔ طالبان کے مطابق غیر ملکی افواج کے انخلا کے آغاز کے بعد سے 200 سے زائد اضلاع پر وہ قبضہ کر چکے ہیں۔
اہم سرحدی گزرگاہوں کے کنٹرول کے ساتھ ساتھ طالبان نے اب ملک کے جنوب مشرق میں اپنی کارروائیوں کا دائرہ کار وسیع کر دیا ہے۔
دوسری جانب افغان اسپیشل فورسز نے طالبان کے خلاف کارروائیاں تیز کرنے کا اعلان کیا ہے۔
اطلاعات کے مطابق جنوبی صوبے قندھار میں شدید لڑائی جاری ہے جہاں طالبان 17 میں سے 12 اضلاع کے مکمل کنٹرول کا دعویٰ کرتے ہیں۔
مبصرین کا کہنا ہے کہ افغانستان میں اس وقت مکمل غیر یقینی کی صورتِ حال ہے۔
افغانستان کے دارالحکومت کابل میں مقیم دفاع اور سیکیورٹی امور کے ماہر مطیع اللہ خروٹی کا وائس آف امریکہ کے نمائندے نذر الاسلام سے گفتگو میں کہنا تھا کہ عوام طالبان اور افغان حکومت دونوں کی پالیسی سے خوش نہیں ہیں۔
انہوں نے کہا کہ خاشہ زوان کی ہلاکت اس بات کی قوی دلیل ہے کہ افغانستان اب بھی فنکار طبقے کے لیے موزوں نہیں ہے۔ اس سے قبل بھی بہت سارے فن سے تعلق رکھنے والے افراد ہلاک ہو چکے ہیں۔
مطیع اللہ خروٹی کے مطابق گزشتہ دو دہائیوں میں حکومت افغان عوام کے لیے معیاری تعلیمی ادارے، اسپتال، روزگار اور تفریح کے مواقع فراہم کرنے میں ناکام رہی ہے۔ لوگ اب بھی تعلیم اور علاج معالجے کی غرض سے بھارت اور پاکستان کا رخ کرتے ہیں۔