'ایک زخمی پورٹرکو تڑپتا چھوڑ کرکے ٹو سر کرنا انسانیت سوز ہے'

دنیا کی دوسری بلند ترین چوٹی 'کے ٹو' سر کرنے والے بین الااقوامی کوہ پیماؤں کے لیے کام کرنے والے پاکستانی پورٹر محمد حسن کی ہلاکت کی تحقیقات کا آغاز ہو گیا ہے۔ محمد حسن پہاڑ سے گر کر شدید زخمی ہونے کے بعد انتقال کر گئے تھے۔ ان کی ہلاکت سے متعلق الزامات عائد کیے جا رہے ہیں کہ کوئی ریسکیو آپریشن شروع نہیں کیا گیا۔ درجنوں کوہ پیما ورلڈ ریکارڈ بنانے کی کوشش میں انہیں زخمی حالت میں چھوڑ کر چوٹی سر کرنے کے لیے آگے بڑھ گئے تھے۔