- X نے ایرانی رہبر خامنہ ای کی جانب سے عبرانی زبان کےنئے اکاؤنٹ کی پوسٹنگ کو معطل کر دیا۔
- خامنہ ای کا دفتر انکے نام سے کئی سوشل نیٹ ورک اکاؤنٹس چلاتا ہے،
- یہ اکاؤنٹ اسرائیل کی جانب سے ایران میں فوجی مقامات پر فضائی حملوں کے بعد کھولا گیا تھا۔
سوشل میڈیا نیٹ ورک ایکس نے پیر کے روز ایک اکاؤنٹ کو، اس کے کھولے جانے کے چند دن بعد۔ معطل کر دیا جس میں ایران کے سپریم لیڈر آیت اللہ علی خامنہ ای کی جانب سے عبرانی زبان میں پیغامات شائع کیے گئے تھے۔
اکاؤنٹ میں ایک مختصر نوٹس تھا جس میں لکھا گیا تھا کہ "ایکس ان اکاؤنٹس کو معطل کرتا ہے جو X قواعد کی خلاف ورزی کرتے ہیں"، تاہم ایلون مسک کی ملکیت والے پلیٹ فارم نے یہ واضح نہیں کیا تھا کہ کس اصول کی خلاف ورزی کی گئی ہے۔
خامنہ ای کا دفتر ان کے نام سے متعدد سوشل نیٹ ورک اکاؤنٹس چلاتا ہے، جو مختلف زبانوں میں پیغامات نشر یا پوسٹ کرتے ہیں۔
عبرانی زبان کا اکاؤنٹ اس ہفتے کے اختتام پر اس پیغام کے ساتھ شروع کیا گیا تھا جو اسلامی دنیا میں ایک عام ابتدا ہے: "اللہ کے نام سے، جو مہربان، نہایت رحم کرنے والا ہے۔"
یہ اکاؤنٹ تہران کے میزائل حملے کے جواب میں ہفتے کے روز اسرائیل کی جانب سے ایران میں فوجی مقامات پر فضائی حملوں کے بعد کھولا گیا تھا۔
اسرائیلی حملے میں جس کے بارے میں ایران کا کہنا ہے کہ اس نے چند ریڈار سسٹمز کو "محدود نقصان" پہنچایا۔ہے، کم از کم چار ایرانی فوجی ہلاک ہوئے ہیں۔
یہ رپورٹ اے ایف پی کی معلومات پر مبنی ہے۔
فورم