واشنگٹن —
امریکہ کی وسطی ریاستوں ٹیکساس اور اوکلوہاما میں ریکارڈ بارشوں کے بعد سیلابی ریلے نے تباہی مچادی ہے۔ تین افراد ہلاک اور 400 سے زائد مکانات بہہ گئے ہیں۔
حکام نےگلف میکسکو سے اٹھنے والے شمالی جھکڑ کے پیش نظر ٹیکساس سے کوئی 2000 سے زائد لوگوں کو محفوظ مقامات کی جانب نکال لیا ہے۔
ٹیکساس میں چلنے والی تیز جھکڑ نے طوفانی شکل اختیار کرلی، جس کی وجہ سے ٹیکساس کے شہر مارکس میں ٹرک اور کاریں آپس میں ٹکرا گئی ہیں اور دریائے بلانکو کی سطح اس صدی کی خطرناک ترین حد تک بلند ہوچکی ہے۔
سینٹ مارکوس کے چند رہائشی شاہراہوں پر سیلابی پانی میں تیرتے ہوئے اپنے گھروں سے نکلے اور محفوظ مقامات کی طرف منتقل ہوئے۔
شہری حکومت نے سیلاب متاثرین کے لئے ایمرجنسی شیلٹر قائم کردئے ہیں۔
